Мұхтар Мағауиннің Бір атаның балалары шығармасы

Өскемен қаласы әкімдігі

«Оралхан Бөкей атындағы №44 мектеп-лицейі» КММ

АШЫҚ САБАҚ

ТАҚЫРЫБЫ: МҰХТАР МАҒАУИН. «БІР АТАНЫҢ БАЛАЛАРЫ»

Дайындаған: қазақ тілі мен әдебиеті пәні мұғалімі

Шуленова Құралай Бақытбековна

Наурыз, 2016

Сабақ жоспары.

Пәні: Әдебиет.

Сыныбы: 6

Өтілетін мерзімі: 18.03.2016

Сабақтың тақырыбы: Мұхтар Мағауин. «Бір атаның балалары»

Сабақтың мақсаты: А) Білімділік: Мұхтар Мағауиннің өмірі мен шығармашылығын түсіндіру. Шығарманың мазмұнын меңгерту, шығарманың тақырыбы мен идеясын ашу.

Б) Дамытушылық: Оқушылардың топта жұмыс жасау бейімділігін, өз ойын еркін жеткізе білу арқылы өзіндік пікір қалыптастыруын дамыту.

В) Тәрбиелік: Қазақы қанымызға біткен дархандық пен жомарттықты, мейірімділік пен ізгілікті дәріптей отырып, оқушыларды ынтымақтастыққа, адамгершілікке, достықты бағалай білуге үйрету.

Сабақтың түрі: Жаңа сабақ

Сабақтың әдіс тәсілдері: сұрақ-жауап, түсіндіру, салыстыру, сәйкестендіру, СТО, РІSА стратегиялары.

Сабақтың көрнекілігі: Жазушы портреті, презентация, интербелсенді тақта, таратпа материалдар.

Пәнаралық байланыс: тарих

Сабақтың барысы:

І. Ұйымдастыру кезеңі:

- Оқушылармен амандасу, сабаққа әзірліктеріне көңіл бөлу.

- Сыныпты топқа бөлу. Топқа бөлу «Атауларды сәйкестендір» стратегиясын қолдану арқылы жүзеге асады. 6- сынып бағдарламасы бойынша Абай Құнанбайұлы, Ахмет Байтұрсынұлы, Сәбит Дөнентаев, Мұқағали Мақатаев суреттері мен осы авторлардың шығарма атауларын сәйкестендіру арқылы сыныпты 4 топқа бөлу.

Мысалы: 1-топ. «Достық» тобы. Абай Құнанбайұлы - «Шоқпардай кекілі бар қамыс құлақ», «Әсемпаз болма әрнеге», «Құлақтан кіріп бойды алар», «Қыс», «Отыз бірінші қарасөзі».

2-топ. «Ынтымақ» тобы. Ахмет Байтұрсынұлы - «Маса», «Әдебиет танытқыш», «Қара бұлт», «Анама хат», «Қырық мысал».

3-топ. «Бірлік» тобы. Сәбит Дөнентаев - «Ой», «Бозторғай», «Заман кімдікі», «Ауырған арыстан», «Екі теке».

4-топ. «Татулық» тобы. Мұқағали Мақатаев - «Қайырлы түн», «Қара өлең», «Елім барда», «Аспан-анау, мынау- бақ», «Поэзия, менімен егіз бе едің?!» (2 мин)

ІІ. Жаңа сабаққа дайындық.

Балалар, бүгінгі сабағымызды хакім Абай атамыздың «Адам баласын бауырым деу - жүрек ісі. Адам баласына адам баласының бәрі - дос, жолдас, бауыр.» деген нақыл сөзімізбен байланыстырғым келіп тұр.

Осы нақыл сөздің мәнін ашып алайық. (1 мин)

ІІІ. Жаңа сабақ. Бүгінгі жаңа сабағымызда достық, жолдастық, бауырмалдық, ізгілік пен мейірімділікті дәріптейтін қазақтың халық жазушысы Мұхтар Мағауиннің «Бір атаның балалары» деген повесінен алынған үзіндімен танысатын боламыз.

Автор туралы мәлімет. (2 мин)

Мұхтар Мұқанұлы Мағауин (Дәптермен жұмыс)

Туған жылы: 2 ақпан 1940, Баршатас ауылы, Аягөз ауданы, Шығыс Қазақстан облысында дүниеге келген. Тарихшы, жазушы, қазақтың ауыз әдебиетін зерттеушісі, ғалым. Филология ғылымдарының докторы, Мемлекет сыйлығының лауреаты (1984), Қазақстанның халық жазушысы (1996).