Мұқағали Мақатаевтың Елім барда өлеңі 6 сынып

Сабақтың тақырыбы: Мұқағали Мақатаев «Елім барда», «Анау – аспан , мынау – бақ»

Сабақтың мақсаты: 1. Білімділік: ХХ ғасырдың санаулы саңлақтарының бірі, келешек ұрпаққа тарихи мұра, рухани азық қалдырған ғасыр ақыны, дара тұлға Мұқағали Мақатаевтың бай шығармашылық дүниесімен, өмірімен таныстырып, жас буынды поэзия нәрімен сусындату. Ақын өлеңінің тақырыбы мен идеясын ашу. Өлеңді теориялық талдай білуге үйрету.

2. Дамытушылық: Оқушының сөйлеу тілін дамыту, өз бойын еркін, жатық жеткізе білуге одан әрі дағдыландыру, ізденушілік қабілетін дамыту; ғылыми ізденіске жол ашу, логикалық ойлау қабілетін, сана-сезімін дамыту. Поэзияға деген қызығушылығын арттыру.

3.Тәрбиелік: Отанды, туған жерді сүюге, ақын жырларынан үлгі алуға, оқушыларды поэзияны сүйе отырып, адамгершілік пен мейірімділік қасиеттерін өз бойларына сіңіре білуге тәрбиелеу.

Сабақтың әдіс-тәсілдері: сатылай кешенді талдау, түсіндіру, сұрақ-жауап, баяндау, мәнерлеп оқу, салыстыру, зерттеу.

Сабақтың көрнекілігі: ақынның портреті, өмірі жайлы буклет, жыр жинақтары, слайдтар.

Сабақтың барысы:

Ұйымдастыру кезеңі.

Үй тапсырмасын тексеру.

Қызығушылығын ояту сатысы. «Сарыжайлау» әні тыңдалады.

Ойың- қырың,Отаның түрленгенде,

Жан-жағыңды жақұттай гүл көмгенде,

Жар салмайсың, неге сен қарсы алмайсың?

Анда-санда ауылыңа бір келгенде,-деп бізге қонаққа арманшыл ақын, сыршыл ақын- М.Мақатаев келіпті. «Абай, Мұқтар бастаған елге әйгілі ұлы көштің» бұйдасын ұстамағанмен, бел ортасынан ойып тұрып өзіндік орнын алған ұлы ақынымыз Мұқағали Мақатаевтың «Елім барда», «Анау – аспан , мынау – бақ» деген өлеңдерімен бүгінгі сабақта танысамыз.

«Мұқағали әлемі» атты қолда бар материалдан құрастырылған «үнсіз» фильмді тамашалайық. (Мұғалім әр суретке анықтама беріп отырады)

«Кубизм» сртатегиясы.

Кубиктің алты қырында тұрған сұрақтарға жауап беріледі.

Мұқағали қашан, қай жерде дүниеге келген?

«Қайырлы түн» өлеңінің тақырыбы мен идеясы не деп ойлайсыңдар?

Қандай өлеңдері бар?

Өлеңдегі эпитетті тауып атаңдар.

Кімнің шығармаларын аударған?

Мұқағалидың сөзіне жазылған қандай әндерді білесіңдер?

Жаңа сабақ.

Мағынаны ажырату.

Ең бірінші бақытым- халқым менің,

Соған берем ойымның алтын кенін.

Ол бар болса, мен бармын, қор болмаймын,

Қымбатырақ алтыннан нарқым менің,-деп жырлағандай, ақын өз бақытын халыққа қызмет етуден тапқан. Халқы бар адам ол- бақытты адам. Ақынның сол бірінші бақытым деп санаған халқы, туған жері, елі туралы жазған көптеген өлеңдері бар. Сол өлеңдерінің бірі бүгінгі сабағымызда оқып танысатыны М.Мақатаевтың «Елім барда» өлеңі. Бұл өлең ақынның «Аманат» деген жинағына енген.

Өлеңді мәнерлеп оқып беру.

1-2 оқушыға мәтінді оқыту, мазмұнына қарай талдату.

Өлеңнің тақырыбы- туған ел, Отан

Идеясы- Ақын еліне деген сүйіспеншілігін көрсету арқылы оқырманын да елжандылыққа, елін, жерін сүюге тәрбиелейді.

Түсініксіз сөздерге талдау жасау.

Өлеңді талдау.

Дәптермен жұмыс

Дәптерлеріне метафора туралы түсінік және метофораларды тіркескен сөзімен жазады.

Метафора – суреттеліп отырған затты не құбылысты айқындай түсу үшін және ажарландыра түсу үшін оларды өздеріне ұқсас өзге затқа немесе құбылысқа бөлеу.

Мәтінмен жұмыс