Мұқағали Мақатаевтың Мен таулықпын өлеңі

М. Мақатаев. Мен таулықпын

Сыныбы: 7-сынып

Пәні: Қазақ әдебиеті

Сабақтың тақырыбы: М. Мақатаев. Мен таулықпын

Сабақтың мақсаты: Мұқағали Мақатаевтың ақындық талантын шәкірт жүрегіне ұялату арқылы поэзияны сүюге, оны бағалай білуге, сыршыл да шыншыл ақын өлеідерінің мәні мен маңызына үңілдіруге, рухани танымын кеңейтуге ықпал ету.

Оқыту мен тәрбиелеудің міндеттері: 1) Ақын өлеңдерімен таныстыра отырып, олардың мазмұнын ашу; 2) Отанын, елін, табиғатын қадірлеп сүюге, адамгершілікке, достыққа тәрбиелеу, өлеңді талдай білуге баулу; 3) оқушының ойлау қабілетін және сөйлеу тілін дамыту.

Сабақ түрі: аралас сабақ.

Пәнаралық байланыс: музыка, қазақ тілі.

Сабақтың барысы

І. Ұйымдастыру кезеңі: түгелдеу, сабаққа даярлау. Оқу құралдарының орнында болуын қадағалау.

ІІ. Үй тапсырмасын сұрау. Тақырыбы: М. Мақатаевтың поэзиясы. Тапсырма сұралады.

ІІІ. Өтілген материалды қорыту.

IV. Жаңа сабақ. 1. Мұқағали Мақатаев «Мен таулықпын». Сабақтың мақсатын айту. Өлеңді жатқа айту.

«Алма кезек оқу» әдісі бойынша өлеңді оқушыларға оқыту.

2. Өлеңді қалай түсіндіңдер? Ақын тауды кімге теңеген? Тау қандай болады және ақын өлеңіне неге тауды қосып жырлады? Біз үшін ана кім? Оқушылырдың жауабы тыңдалады.

3. «Топтастыру» әдісі бойынша оқушыларды екі топқа бөлеміз. 1-топ «Ана» сөзіне сипаттама береді. Оқушылар өз ойларын плакатқа маркермен жазады. Мысалы, Ана – тіршілік иесі. Ана – қамқоршы, мейірімді, кең құшақты, жүрегі жылы.

2-топ «Тау» сөзіне сипаттама береді. Оқушылар өз ойларын плакатқа маркермен жазады. Мысалы, Тау – табиғаттың бір бөлшегі. Тау – асқар, биік, үлкен, шың.

Ана мен тау бір-біріне несімен ұқсайды, оқушылар мұңаліммен бірге талқылайды.

Екі топқа келесі тапсырма беріледі. 1-топ: ақынның ой-арманын әсерлеп, қиялын қалықтатқан бейнелі сөз тіркестерін табады. (Қыранның қанаты, тау ұлы, киіктің сүті, ана құшағы, күн сәулесі, дәу бесік). 2-топ: ауыспалы мағынада қолданылған сөздерді табады. (Алып жүрек, тау бесігім, бұлт бүркеніп, түнейді қара тұман)

Берілген тапсырманы оқушылар мұғаліммен бірге талқылайды. Мұғалім жалпы тақырыпты тереңдете түсіндіреді.

Мұқағали – ғажайып сыршыл ақын. Ол бізге көрінбейтін сиқыр бояулардан , бізге естілмейтін құпия дыбыстардан тоят алатын жұмбақ ақын. Асқар таудай жырымен…