Нағыз әже қайда, 5-сыныпқа арналған сабақ жоспары

ҚЫСҚА МЕРЗІМДІ САБАҚ ЖОСПАРЫ

Пәні: Қазақ әдебиеті Мектеп: Ақтау қаласы, «№12 жалпы білім беру орта мектебі» КММ-сі

Ұзақ мерзімді жоспардың бөлімі: 4-бөлім. Отбасы құндылықтары

Күні: Мұғалімнің аты-жөні: Көпбергенова Сәнбибі Сабырбайқызы

Сынып: 5 Қатысқандар: Қатыспағандар:

Сабақтың тақырыбы

Нұрдаулет Ақыш «Нағыз әже қайда?»

Келіңдер, ертегі айтып берейін

Оқу мақсаты

5.Т/Ж1. Әдеби шығарманың жанрына қарай фабуласы мен сюжеттік дамуын сипаттау.

Сабақтың мақсаты

Барлық оқушылар орындай алады: Оқиға желісіне сәйкес тапсырмаларды орындайды,әңгіменің сюжеттік дамуын баяндайды;

Оқушылардың көпшілігі орындай алады: Әңгіменің негізгі оқиғаны ретімен жүйелеп, сипаттайды, әңгіме кейіпкерлерінің қасиеттерін сипаттай отырып,қорытынды жасайды;

Кейбір оқушылар орындай алады: Өз ойын анық,толық жеткізеді,өз пікірін әңгімеден және өмірден мысалдар келтіре отырып дәлелдейді;

Бағалау критерийі

-Әңгімені оқып, түсінеді.

-Әңгімені оқиға желісімен баяндайды.

-Өмірмен байланыстырып,дәлелдейді.

Ойлау дағдыларының деңгейлері

Білу, түсіну, қолдану, жинақтау, бағалау

Тілдік мақсаттар

Оқушылар орындай алады: оқиға желісіне сәйкес тапсырмаларды орындайды,әңгіменің сюжеттік дамуын баяндайды.

Пəнге қатысты сөздік қор мен терминдер:Ұршық, мәсі, кимешек, шылауыш, сөзуар, бүйректен сирақ шығару, нанымды.

Диалог құруға/ шығарма жазуға арналған пайдалы тіркестер: қос тентек, елден келген шешей,ертегі, дастархан басы, қайтар қол, нағыз әже

Талқылауға арналған сұрақтар:

Балалар,сендердің ойларыңызша әже деген кім?

Нағыз әже қандай болу керек?

Нұрдаулет Ақыш кім?

Жазушы қай жылы,қай жерде туылған?

Жазушының қандай шығармалары бар?

Жазушы қандай сыйлықтардың иегері?

Не себепті …. деп ойлайсыз?

Нағыз әже қандай болу керек деп ойлайсыз?

ишара: мақұлдау,қолдау

Құндылықтарға баулу

Тарихтың,мәдениет пентілдің біртұтастығы.

Құрмет, ынтымақтастық, ашықтық, бауырмалдық қасиеттерді насихаттау, қазақстандық патриотизм және азаматтық жауапкершілік. Отбасы, ұшқан ұя – жылылықтың, мейірімділіктің мекені екені, отбасындағы әке-шеше, ата-әженің орны туралы ұғады.

Пəнаралық байланыс

Қазақ тілі, тарих,математика, өзін-өзі тану

Тақырып бойынша алдыңғы білім

Әженің образына шолу жасау

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

5 мин

Психологиялық ахуал орнату.

Сабақтың ұранын айту.

Топқа бөлу. «Пазл» әдісі арқылы топқа бөлу. Әженің әртүрлі әрекеттреіне суреттер. 4 топқа бөлінеді Ой қозғау. Суреттер арқылы бүгінгі тақырыпты ашу. Сауалдар қою арқылы сабақтың тақырыбы анықталады:

Берілген суреттерде кімді көріп тұрсыздар?

Балалар,сендердің ойларыңызша әже деген кім?

Нағыз әже қандай болу керек?

Өздеріміз білетін әжелер туралы айтып көрейік

Демек бүгінгі сабағымызда Нұрдаулет Ақышевтің «Нағыз әже қайда?» әңгімесімен танысамыз.

«Графикалық органайзер» әдісінің «Уақыт тізбегі». Автордың өмірбаянын уақыт тізбегіне салады.

Өмірбаянын оқулықтан оқиды.

Мәтінді уақыт тізбегіне салады

1. Нұрдаулет Ақыш кім?

2. Жазушы қай жылы,қай жерде туылған?

3. Жазушының қандай шығармалары бар?

4. Жазушы қандай сыйлықтардың иегері?

Суреттер

Сабақтың ортасы

15 мин

Блум жүйесі: Білу,түсіну

Қолдану.Талдау

15 мин

Жинақтау,

5мин

Мағынаны тану.Топтық жұмыс.

«Пирамида құру» әдісі. Әңгімені 4 топқа бөлемін.

1.Оқушылар жеке мәтінді оқып , танысады,өзіндік пікір қалыптастырады.

2. Оқушылар оқыған мәтінді жұпта талқылап, идеялармен бөліседі. 3.Оқушылар мәтіннен алған әсерін топта талқылап,қортындылайды,ортақ шешімге келеді. 4.Соңында оқушылар берілген мәтін бойынша оқиға желісін плакатка жазып,тақтаға іледі.

Дескриптор

Әңгімені оқып, түсінеді.

Әңгіменің ортақ шешімін табады.

Әңгімені оқиға желісімен баяндайды.

Нағыз әжеқайда?

...Бір күні әйелім: “Азат, әлгі Жолдастың Ажарасы оқуға түсіпті. Конкурстан алдыңғылардың бірі болып өткен көрінеді. Соның қуанышына осы сенбіге бәрімізді шақырып отыр. Елден Жолдастың шешесі келіпті” деген хабар алып келді... – Келсе қайтеді екен? Баласының танымайтын жолдасы келіп сәлем бермеді деп ренжімейтін шығар ол кісі.

– Азеке, жұмыс-жұмыс деп жүріп кішкентайларыңды да ұмыта бастағаның ба? “Нағыз әжені” көрсетем” дегенің қайда? Сонда ғана барып есіме сарт ете түскені. Бұл жолы шақырылған жерге желп етіп жетіп бара салмай, кәдімгідей мән беріп дайындалдық. Тіпті өз отбасымыздағы қуанышты қарсы алатындай-ақ қарадай қарбалас жасап, әбігерге түсіп кеттік... Әсіресе қыздарымыз алабөтен қуанышты. “Әжеге барамыз, әжені көреміз” деп өздерінше мәз-мейрам... Есіктен кірісімен кідірмей іздегенім – елден келген шешей. “Жаңылыспай, дәл танитын шығармын” деп ойласам да көзімді тиянақтата алмай, әуелі іркіліп қалдым. Дастарқан басына келіп жайғасқаннан кейін ғана байқадым ол кісіні. Өзінің сырт нұсқасы мен білетін ауыл кемпірлеріне онша келіп тұрған жоқ. Иығына…