Натурал сандардың бөлінгіштік белгілері 5 сынып

Ұзақ мерзімді жоспар бөлімі:

5.1 В Натурал сандардың бөлінгіштігі

Мектеп: ЖББ №24 орта мектебі

Күні

Мұғалімнің аты-жөні:Бертаева Н.К.

Сынып: 5

Қатысқандар саны: 24 Қатыспағандар саны:жоқ

Сабақтың тақырыбы:

2-ге, 5-ке,10-ға сандарына бөлінгіштік белгілері

Осы сабақта қол жеткізілетін оқу мақсаттары (оқу бағдарламасына сілтеме)

5.1.2.5 - натурал сандардың 2-ге, 5-ке, 10-ға бөлінгіштік белгілерін қолдану

Сабақтың мақсаттары

Барлық оқушылар: натурал сандардың 2-ге, 5-ке, 10-ға бөлінгіштігін анықтай алады.

Оқушылардың басым бөлігі: бөлінгіштік белгілерінің анықтамасын қолданып есептер шығарады.

Кейбір оқушылар: бөлінгіштік белгілерді түсіне отырып натурал сандарды 4-ке, 25-ке бөлінгіштік белгілерін қорытып шығарады.

Бағалау критерийлері

санның 2-ге, 5-ке, 10-ға бөлінгіштігін анықтайды.

натурал сандардың 2-ге, 5-ке, 10-ға бөлінгіштік белгілерін қолдана отырып, есептер шығарады.

Тілдік мақсаттар

«Бөлінгіштік», «қосындыны разрядтық қосылғыштарға жіктеу», «сандардың тақ цифрлармен, жұп цифрлармен аяқталуы», «қосылғыштар разрядтарының қосындысы»

Диалог пен жазу үшін пайдалы сөздер мен тіркестер:«Бірліктер разрядында жұп цифр болатын сандар 2-ге бөлінеді», «Бірліктер разрядының цифры 0 немесе 5 болатын сандар 5-ке бөлінеді», «Бірліктер разрядының цифры – 0 болатын сандар 10-ға бөлінеді»

Құндылықтарды дарыту

Топта жұмыс істеуде оқушылардың қарым-қатынас жасау қабілетін дамыту, шығармашылық,

жауапкершілік, сын тұрғысынан ойлау құндылықтарын қалыптасу.

Пәнаралық байланыстар

Астананың зәулім ғимараттарының тарихын біле отырып,сандық жазылуларындағы бөлінгіштік белгілерін анықтауда тарих пәнімен байланыстыру

Бастапқы білім

5.1.2.10 - көбейтіндінің берілген натурал санға бөлінгіштігін талдау

5.1.2.11 - қосындының және айырымының берілген натурал санға бөлінгіштігін талдау

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 минут

Ұйымдастыру кезеңі. Шаттық шеңберінде тұрғызу.

“Иә”, “жоқ” стратегиясы.

Мақсаты: өткен сабақтағы алған білімдерін еске түсіру, кері байланыс алу.

Сұрақтар:

7 мен 3-тің көбейтіндісі 4-ке бөліне ме? (жоқ)

7 мен 3-тің көбейтіндісі 3-ке бөліне ме? (иә)

3. 16 мен 10-ның қосындысы 2-ге бөліне ме? (иә)

4. 16 мен 10-ның қосындысы 4-ке бөліне ме? (жоқ)

5. 49 бен 21-дің айырмасы 7-ге бөліне ме? (иә)

6. 99 бен 81 –дің айырмасы 9-ға бөліне ме? (иә)

Зейінді шоғырландыру жаттығуы.

Шеңберде тұрып 2, 5, 10 сандарын атап шығады. Мұғалім кез келген біртаңбалы санды айтады, сонда “2” деп атаған оқушылар 2-ге арттырады, мұғалім келесі санды атағанда “5” деп атаған оқушылар 5-ке арттырады, мұғалім келесі санды атағанда “10” деп атаған оқушылар 10-ға арттырады. Оқушылар бірдей айту керек.

2, 5, 10 сандары бойынша үш топқа бөлінеді.

Оқушылармен бірігіп сабақ мақсатын анықтау:

Тақтада сандар тізбегі жазылған 6, 13, 26, 35, 47, 100, 206, 301, 405, 560, 710.

Әр топ өздерінің сандарына сәйкес бөлінетін сандарды атау керек.

“2” тобы : 6, 26, 100, 206, 560,710

“5” тобы: 35, 100, 405, 560, 710

“10” тобы: 100, 560, 710 сандарын атау керек.

Қандай сандарға бөлу орындалды?

Жауап: 2, 5, 10-ға.

Осыдан бүгінгі сабағымыздың мақсаты не деп ойлайсыңдар?

Ендеше бүгінгі сабағымызда 2, 5, 10-ға бөлінгіштік белгілерді біле отырып есептерді шығаруымыз керек.

Слайд

Сабақтың ортасы

Жаңа сабаққа кіріспе:

«Ойлан, жұптас, бөліс» стратегиясы.

(Т)Оқушылар жеке жұмыс жасайды,одан кейін жұпта талқылап, топта ой бөліседі.

Өрнектің мәні неге 2-ге бөлінбейді

Өрнектің мәні неге 2-ге бөлінеді

-Қандай жағдайда қосылғыштар разрядтарының қосындысы түрiнде жазылған сан 2 санына бөлiнедi, қандай жағдайда бөлiнбейдi?

- 2 санына бөлiнетiн сан тақ цифрмен, ал 2 санына бөлiнбейтiн сан жұп цифрмен аяқтала ма?

Қорытынды шығарыңдар: (бөлінгіштіктің негізгі қасиетін, яғни алдыңғы білімдерін пайдаланады)

2 санына бөлiнгiштiк белгiсi: натурал сан 0; 2; 4; 6; 8 цифрларымен аяқталғанда ғана 2-ге бөлiнедi.