Өмір салтына қатысты есептерді шешу ашық сабақ 11 сынып

Тақырыбы: «Оқушыларды өмір салтындағы ұғымдарға құрылған есептерді еркін шешуге бейімдеу» Сабақтың мақсаттары:

1) Білімділік:

а) Оқушыларды математикалық сауаттылықтан ҰБТ-ға дайындау; ә) Өмір салтындағы ұғымдарға берілген есептерді жиындардың қиылысуы мен бірігуі арқылы шешудің тиімді тәсілдерін үйрету. 2) Тәрбиелік: Ұжымдық, достық қарым-қатынасқа, тиянақты және білімді азамат болуға тәрбиелеу. 3) Дамытушылық: Оқушылардың белсенділігін, танымдық қызығушылығын, логикалық ой қорытындылауын дамыту. Сабақтың көрнекілігі: интербелсенді тақта, үлестірмелі парақша мен тест кітапшалары. Сабақтың түрі: дәстүрлі емес, сыныптан тыс сабақ. Сабақтың әдісі: топтық, дамыта және деңгейлеп оқыту Сабақтың типі: жаңа тақырыпты таныстыру, меңгерту сабағы Сабақтың барысы: І. Ұйымдастыру кезеңі: (6 минут) 1. Сабақтың мақсатымен таныстыру. 2. Математикалық сауаттылық есептерінің құрылымы жөнінде қысқаша мәлімет. 2017 жылдан бастап Ұлттық бірыңғай тестілеу жаңа форматқа өзгертілді. Жаңа формат бойынша барлық мамандыққа түсетін оқушылар математика пәнінен міндетті түрде функционалдық сауаттылық пен логикалық типтегі есептерді шығару арқылы тестілеуден өтеді. Мәтіндегі логикалық есептер оқулықтарымызда өте аз қарастырылады.

Білім саласында былтыр енгізіліп отырған «Математикалық сауаттылық» пәнінің есептері оқушылар арасында біршама қиындықтар тудыруда. Оның басты себебі бағдарламада жеке қарастырылмағандықтан болып отыр.

Математикалық сауаттылықты, яғни, логикалық есептерді ендірудегі мақсат сендерді қайткен күнде сүріндіруге емес, ойлау қабілеті дұрыс дамыған жас ұрпақты таңдап алуға бағытталған.

Функционалдық сауаттылық дегеніміз- оқушының мектепте, студенттің жоғары оқу орнында алған білімін өмірде, тұрмыс-тіршілікте қолдана білу.

Сонда жұмыс тесттің тапсырмалары қандай тақырыпқа берілгенін анықтаудан басталады.

Мәтіндік логикалық есептерді шешу үшін қандай математикалық есептеулер мен сандар сырлары, құпиясы бар екенін анықтау қажет.

Сондықтан да оқушыларды ҰБТ-ға дайындауда деңгейлеп оқыту әдісін қолдануды ұйғардық.

Жоғары деңгей- функционалдық сауаттылығы жақсы оқушылар.

Төменгі деңгей – сауаттылығы орта және үлгерімі төмен оқушылар.

Сендер ҰБТ-ға дайындалып жүрген тест кітапшаларында мынадай есептер кездеседі.

«Ойлан тап» (3 минут) 1-есеп. «Айғақ» газетінен «Рухани жаңғыру» мақаласын оқыдым. Бұрын газетте 4 бет болатын. Өткенде газетті оқып отырып, оң жағында 6-шы және сол жағында 11-ші беттердің болатынын көрдім. Газетте неше бет бар?

А) 12 В) 13 С) 14 Д) 16 Е) 21 2-есеп. А және В бағандарын салыстырыңыз А бағаны В бағаны

Конустың бүйір бетінің ауданы

Цилиндрдің бүйір бетінің ауданы

А) A>B В) 2A=B С) 3A=3BД) анықтау мүмкін емес Е) B<A

Сонымен, бүгін жиындардың бірігуі мен қиылысуына берілген есептерді шығарудың тиімді тәсілдеріне тоқталайық. Берілген осындай логикалық мәтінді есептерді жиындардың қиылысуымен оңай шығаруға болады.

«Жиынның қиылысуы мен бірігуі» (5 минут) № 1 есеп «Шапағат» фирмасында ағылшын тілін 8 жұмысшы біледі, қазақ тілін - 15, неміс тілін – 10. Ағылшын және қазақ тілдерін – 4 жұмысшы біледі, қазақ және неміс тілдерін -6, неміс және ағылшын тілдерін – 5. Үш тілді де 3 жұмысшы біледі. а) Неше жұмысшы тек қана қазақ тілін біледі? А) 3 В) 4 С) 8 Д) 7 Е) 15 ә) Фирмада жалпы неше жұмысшы бар?

А) 30 В) 21 С) 23 Д) 33 Е) 19 Б) Неше жұмысшы тек қана ағылшын тілін біледі? А) 1 В) 2 С) 3 Д) 4 Е) 5

№2 есеп А, В, және С жиындар берілген. Үш жиынға да қатысты элементтер қайда орналасады?

А) І В) І +ІІ С) ІІ+ІІІ Д) І+ІІІ Е) І+ІІ+ІІІ

«Естігенімді ұмытып қаламын, көргенімді есте сақтаймын» (6 минут) Есеп 1. Бір топтағы туристердің 37-сі қазақ тілін біледі, 14-і ағылшын тілін біледі, ал 9-ы екі тілді де біледі. а) Туристердің нешеуі тек қана ағылшын тілін біледі? А) 14 В) 10 С) 5 Д) 28 Е) 9 ә) Топта жалпы неше турист бар? А) 50 В) 42 С) 28 Д) 37 Е) 40 б) Туристердің нешеуі тек қана қазақ тілін біледі? А) 28 В) 30 С) 42 Д) 50 Е) 37

Есеп 2. «Рухани жаңғыру» бағдарламасының 6 арнайы жобасы бар. Соның бірі «Туған жер». «Туған жер» арнайы жобасының 4 кіші бағдарламасы бар. Оның бірі «Тәрбие және Білім». Үш бағдарламаға тиісті жиынды атаңдар. «Рухани жаңғыру» -І «Туған жер» -ІІІ «Тәрбие және Білім»-ІІ А) І В) ІІ С) І+ІІ Д) ІІІ+ІІ Е) ІІІ

№3 есеп Сыныптағы 41 оқушы көркемөнерпаздар үйірмесіне қатысады. Олардың ішінде 23 оқушы домбыра тартады, ал 30 оқушы өлең айтады.

а)Неше оқушы тек домбыра тартады? А) 10 В) 11 С) 9 Д) 20 Е) 15 ә) Неше оқушы домбыра да тартады, өлең де айтады? А) 12 В) 10 С) 11 Д) 20 Е)15 б) Неше оқушы тек қана өлең айтады? А) 12 В) 11 С) 20 Д) 18 Е) 21

«Кім жылдам» (6 минут) №1 Есеп

«Тазалық» фабрикасында неміс тілін 27 жұмысшы біледі, ағылшын тілін – 30, қазақ тілін-32. Ағылшын және неміс тілдерін 15 жұмысшы біледі, неміс және қазақ тілдерін-12, қазақ және ағылшын тілдерін – 9. Үш тілді де 5 жұмысшы біледі. 1) Неше жұмысшы тек қана неміс тілін біледі? А) 7 В) 5 С) 6 Д) 10 Е) 11 2) Неше жұмысшы тек қана екі тілді біледі? А) 57 В) 22 С) 21 Д) 26 Е) 62 3) Фабрикада жалпы неше жұмысшы бар? А) 57 В) 58 С) 60 Д) 61 Е) 47

№2 Есеп Қонақтардың 16-сы қымыз,19-ы шұбат, 14-і айран ішті. 7 қонақ қымыз да, шұбат та, 4 қонақ қымыз да, айран да ішті, 6 кісі шұбат та, айран да ішті. Ал 2 қонақ қымыз да, шұбат та, айран да ішті. Әрбір қонақ аталған үш сусынның кемінде біреуін ішті. 1) Тек қана айран ішкен қонақтар санын табыңыз. А) 9 В) 8 С) 10 Д) 7 Е) 6 1. Тек қана қымыз ішкен қонақтар санын табыңыз. А) 9 В) 8 С) 10 Д) 7 Е) 6 3) Тек қана шұбат ішкендер санын табыңыз. А) 9 В) 8 С) 10 Д) 7 Е) 6

№3 Есеп «Әлем» университетінде 118 студент бар. Олардың 61-і журналистика курсын таңдаған, экономика -57, филология-50. Журналистика және экономика курстарын 23 студент таңдаған,