Өз ойымды ашық айтсам 8 сынып оқушыларына арналған жұмыс

Тараз қаласы

№55 ОРТА МЕКТЕБІ

Қыздармен жұмыс

Дөңгелек үстел

ТАҚЫРЫБЫ: Өз ойымды ашық айтсам

Психолог: Игликова Қ.Ж.

Тақырыбы: Өз ойымды ашық айтсам

Мақсаты: Оқушыларға халқымыздың ежелден келе жатқан әдет-ғұрып, салт-дәстүрін, қазіргі таңдағы достық, махаббат, неке тақырыптарымен ұштастырып, өркениетті мемлекетіміздің мәдениетіне жастардың дұрыс көзқарасын қалыптастыру .

Талдау сұрақтары:

1. Достық қарым-қатынас сені толғандырады ма?

2. Махаббат – достықтың шыңы, адам өмірінің ұлы жарастығы дегенді қалай түсінесіңдер?

3. “Үйлену оңай, үй болу қиын” деген мақалға түсініктеме беріңдер.

4. Қозы мен Баян, Жібек пен Төлеген, Еңлік пен Кебек, Ләйлі мен Мәжнүн, Айша мен Қарахан араларындағыдай махаббат қазіргі таңда кездеседі деп ойлайсыздар ма?

5. Дәстүрлі үйленудің қандай кәділерін білесіңдер?

6. Халқымыздың бұрыннан қалыптасқан үйленудің дәстүрлері қазіргі кезде кездеседі ме?

7. Достық – адамдардың бір-бірін қажетсінуінен, құрмет тұтуынан, шынайы тілектестіктен, сенімнен құралады дейді, сіздерде достық солай құрылған ба?

Болжамдам отырған нәтиже: халқымыздың ежелден үзілмей жеткен көне салт-дәстүрлері мен әдет-ғұрыптары, рухани мәдени және адамгершілік дүниеміздегі қымбат қазыналарымызбен оқушылардың рухани байлығын дамыту.

Кіріспе

Сәлеметсіздер ме, құрметті оқушылар ! «Өз ойымызды ашық айтсам» атты дөңгелек үстелімізге қош келіпсіздер! Адам баласы шыр етіп жерге түскеннен бастап, қартайып дүниеден өткенге дейінгі өмірі үнемі сан ғасырлық таным-түсінігі, қоғамдық даму барысында ізденістері жинақталған салт-дәстүрлер аясында болады.

«Халқым қандай десең, салтымнан сынап біл» демекші, салт-дәстүрлерден этностың мінез-құлқы, үлгі-өнегесі, зейін-зердесі, даналығы мен даралығы, шешендігі мен тапқырлығы, ақыл-ойы, сондай-ақ, жаратушы мен жаратылысқа, өзін қоршаған жанды, жансыз әлемге деген моральдық, танымдық, этикалық көзқарастары көрінеді. Яғни, салт-дәстүр дегеніміз – халықтың рухани өзегі, мәдениетінің діңгегі, тілінің тірегі.

Ал рухани байлығы жоғары дам нағыз шын дос бола алады. Достық қарым-қатынас дегеніміз жеке адамдардың бірін-бірі жақсы көруіне және ұнатуға, мақсат бірлігіне, ұзақ уақыт және жан-жақты тату-тәтті араласуына негізделген аса тығыз қарым-қатынас, үлкен сезім.

Махаббат – достықтың, татулықтың шыңы, адам өмірінің ұлы жарастығы. Онсыз өмірдің мәні, қызығы, құны жоқ. Ақын Абай «Махаббатсыз дүние бос» деп тегін айтпаған. Махаббатпен адамның бүкіл тіршілігіне байланысты.

Неке – отбасын құрудың негізі. Адам өмірінің ең қызықты да, қуанышты ұмытылмас белең – оның үйленіп жеке отау тігуі. Отбасы мемлекетіміздің ірге тасы. Қоғамдағы әр отбасының босағасы берік, мерейі үстем болмай мемлекетіміздің мықты болуы мүмкін емес.

Сондықтан біз бүгін салт-дәстүрімізді, әдет-ғұрыптарымызды қазіргі таңдағы достық, махаббат, некемен ұштастырып пікір-таласымызды бастасақ.

Танысу тренингі

Құрметті бүгінгі дөңгелек үстелімізге қатысушы оқушылар бірінші өзара танысып, сол кездегі сезімдерімізбен бөлісейік.

Енді талдау сұрақтарына көшейік.

- Достық қарым-қатынас сені толғандырады ма?

- Махаббат – достықтың шыңы, адам өмірінің ұлы жарастығы дегенді қалай түсінесіңдер?

- Қозы мен Баян, Жібек пен Төлеген, Еңілік пен Кебек, Ләйлі мен Мәжнүн, Айша мен Қарахан араларындағыдай махаббат қазіргі таңда кездеседі деп ойлайсыздар ма?

- Достық – адамдардың бір-бірін қажетсінуінен, құрмет тұтуынан, шынайы тілектестіктен, сенімнен құралады дейді, сіздерде достық солай құрылған ба

Келесі

«Дос жылатып, дұшпан күлдіріп айтады» демекші кезекті жұмбақ кейіпкерге береміз. «Жұмбақ кейіпкер» - ұл бала.

- Мені сыныптастарым мен мектеп ұлдары, қыздары шеттетеді, ешкім менімен жақын сөйлесіп, достаспайды. Менің жазығым, мен мектеп сыртында ұлдармен темекі тартпаймын, жаман, балағат сөздер сөйлемеймін, қыздарға әдепсіздік жасап тиіспеймін, досым жоқ емес бар, бірақ сынып ішінде немесе сыртқы ортада мен сөзге араласып сөйлесем барлығы мені мазақ етіп күледі. Қыздар да кейде өздеріне жаман сөз айтып немесе әдепсіздік көрсеткен бұзық ұлдармен сүйісіп, амандасып, солардың әрбір мағынасыз сөздеріне күліп риза болып жатады. Ал, мен олардың айтқанын істеп, қыз бала деп сыйлап, сабақ соңында отырған орындықтарына дейін көтерісіп жүремін, сонда да мені байқамайды және кейде мен жаққа мазақ сөздер де айта салады. Неліктен солай, өз ойымды орталарыңа салдым. Сіздер не дейсізд

Келесі

«Махаббаттан мың түрлі сыр туады, махаббат – қашып құтыла алмайтын қайғы, махаббат сезімінің шегі жоқ» деп келесі кезекте сөз кезегін махаббат шырмауында жүрген жұмбақ кейіпкерге береміз. «Жұмбақ кейіпкер» - қыз бала.

- Мен сыныпта бірден көзге түсетін қыздың бірімін. Басқа сыныптас қыздар сияқты мен боянамын, жасырын кейде темекі де тартамын, вино да ішемін аздап, қыздардан да, ұлдардан да достарым көп, өзім ұнататын жігіт те бар, бірақ ол жігіт өте әдепті ұл, маған мән бермейді, мен онымен араласқым келеді, тіпті өткенде «махаббат күні» болған кезде қыздардан көп құттықтау қағаздарын алдым, ал ұлдар мені тіпті ескермеді. Бұны қалай түсінуге болады? Өз ойымды ашық…