Өзіңді жақсылықпен таразыла ашық сабақ 2 сынып

Тақырып: Өзіңді жақсылықпен таразыла

Құндылық: дұрыс әрекет

Қасиеттер: мейірімділік, қайырымдылық

Мұғалім:

Сынып: 2

Сабақ барысы

Мақсаты: оқушылардың жақсылық туралы көзқарастарын қалыптастыра отырып,дұрыс әрекет құндылығының мәнін ашу.

Сабақтың міндеттері:

Білімділік: Оқушыларды жақсылықты бойларына сіңіруге, қайырымды болуға үйрету.;

Дамытушылық: Оқушыларда сенімділік қасиеттерін дамыту;

Тәрбиелік: Оқушыларды жауапкершілікке тәрбиелеу.

Ресурстар:

Мұғалімдерге арналған әдістемелік

Ы.Алтынсарин «Балалар әдебиеті», аудиожазба, дәптер, оқулық.

Сабақ барысы:

Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

Тыныштық сәті

Жаңа тақырыпты қайталау

Балалар біздің тақырыбымыз өткен сабақта «Өзіңді жақсылықпен таразыла» болды.

Жақсылық деген сөзді қалай түсінесіндер?

Жақсы адам болу үшін қандай қасиеттер болу керек?

Жақсылық жасағанда қандай сезімде боласыздар?

Шын жүректен жақсылық жасау әрбір адамның парызы. Ақ пейіл, жылы лебіз, ізгі жақсылықтың нышаны. Айналаңа әрдайым мұқият қарау, сыпайы болу, әдептілік көрсету, көмек қолын созу, жанашырлық таныту жақсылық болып саналады. Басқаларға жақсылық жасасаң, жаның жадырайды. Басқалардың жақсылығын сезінгенде ерекше қуанышқа бөленесің. Жақсылық жасау – адамның шынайы табиғаты.

Оқушылар өз ойларымен бөліседі

Дәйексөз:

Жақсылықтың үлкен-кішісі болмайды.

Нақыл сөз

Дәйексөздің мағынасын қалай түсінесіңдер?

Дәптерге көшіріп жазу.

2-рет ұлдарға, 2- рет қыздарға айтқызу.

Бәріміз қосылып айту.

Әңгімелеу

Сәтемір хан

Ыбырай Алтынсарин

Сәтемір жеті жасар күнінде атасынан жетім қалыпты. Күндердің бір күні Сәтемір далада ойнап жүріп, бір ескі тамның түбінде шаршаған соң сүйеніп, жан-жағына қарап жатса, бір аяғы ақсақ құмырсқа тамның төбесіне қарай өрмелеп барады да, орта шеніне барғанда құлап түседі, тұра салып тағы да өрмелейді, манағыдан гөрі жоғарырақ барғанда тағы құлап түседі. Үшінші рет құмырсқа және тырмысады, ақыры бар күшін салып, қисая-мисая барып, тамның төбесіне шығып кетеді. Мұны көріп Сәтемір ойға қалды: жан-жануардың ең кішкентайы осы құмырсқа-екеш құмырсқа да тынбай жұмыс істеп жүр, өзі ақсақ, бір тырмысып, екі тырмысып, жығылып, сонда да қоймай, ақырында мұратына жетті, тамның басына шықты. Мұны көріп отырып менің де талап іздемей, жұмыссыз ойнап жүргенім ақылсыздық екен деп ойынын тастап, қалаға барды.