Өзінің отбасы туралы әңгіме құрастыру конспектісі

Бекітемін _________ ______

КМҚК « Айналайын » ясли бақшасы

Әдіскер : Мушакулова С.Б

« 11 » 05 2017жыл

Білім беру саласы: « Қатынас »

Бөлімі: Тіл дамыту

Тақырыбы: «Өзінің отбасы туралы әңгіме».

Мақсаты: Өзінің отбасы туралы әңгіме құрастыруға үйрету, сұрақтарға жауап беру: «Сен кіммен тұрасың?»,«Сенің отбасында кімдер бар?», «Саған кім қамқорлық жасайды?», «Анаңа қандай көмек көрсетесің?» және т.б. Тілде сын есімдерді (мейірімді, тату), етістіктерді (қамқорлық жасау, жұмыс істейді, көмектеседі). (Г), (П) дыбыстарының айтылуын бекіту.

Қолданылатын көрнекі құралдар: Отбасы жайлы суреттер.

Оқу іс-әрекетінің кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

Тәрбиеші балалармен шаттық шеңберге тұрып жылулық тілектерін тілейді.

Амандасып, тілектерін тілейді.

Ұйымдастырушылық-ізденістік

Балалар, біздің шаттық шеңберіміз киіз үйге ұқсайды. Жоғарыдағы күмбез шаңырақ деп аталады. Шаңырақ – отбасының белгісі. Әр адам, үлкен болсын, кіші болсын өз үйін жақсы көреді, себебі ол үйде оның отбасы тұрады. Отбасы –дегеніміз бір үйде тұратын адамдар тобы. Отбасы мүшелері: әке, ана ана және олардың балалары. Отбасының болуы – үлкен бақыт. Барлығымыз бірге қайталайық. Отбасы – ол бақыт, Отбасы – ол ата-ана, Отбасы – туыстарымыз, Отбасы – ол шаңырақ. -Әр адамның өз үйі болады. Онда оның отбасы мүшелері тұрады. Олар ата, апа, әке, ана, әпке, аға, іні, қарындас т.б. - Суретпен жұмыс. Отбасы бейнеленген суреттен оның мүшелерін айтқызу.

Сергіту сәті:Бас бармағым – әжем,

Балан үйрек – атам.

Ортан терек – ағам,

Шылдыр шүмек – мен,

Кішкене бөбек – сен

Бір үйде біз нешеуміз?

Бір үйде біз бесеуміз!

Ойын: Кім тез табады?

Шарты: текшеде отбасы мүшелерінің суреттері көрсетілген, соны тез тауып айту керек.

Балалар тәрбиешімен бірге қайталайды.

Сурет бойынша отбасы мүшелерін атайды.

Мазмұнына сәйкес қимылдар жасайды. Балалар бірге қайталайды.

Рефлекциялық-түзетушілік

Балаларға сұрақ – жауап арқылы қортындылап, мадақтау.

Балалардың жауабы.

Күтілетін нәтижелер:

Нені білу керек: отбасы туралы әңгіме құрастыруға арналған тапсырманы оны орындауды;

Нені білді: отбасы мүшелерін ( ата, әже, әке, ана т.б ) атап, олар туралы әңгімелей білу іскерліктерін.