Педагогикалық шеберлік компоненттері бойынша ашық сабақ

Маңғыстау жоғары көпсалалы «Келешек» колледжі

«КЕЛІСЕМІН» «БЕКІТЕМІН» Колледж әдіскері_________ «____» __________ 20____ ж.

Басшының ОІЖ орынбасары_________ «____» __________ 20____ ж.

Ашық сабақ

Тақырыбы: «Педагогикалық шеберліктің компоненттері: гуманистік бағыт, кәсіби білім, педагогикалық қабілеттер, педагогикалық техника» Пәні: Педагогикалық шеберлік негіздері Тобы: ББК 409-16 Уақыты: 18.09.2019ж.

Оқытушы: педагогика және психология

пәнінің оқытушысы А.С. Канатова

Ақтау – 2019 жыл Сабақтың тақырыбы: «Педагогикалық шеберліктің компоненттері: гуманистік бағыт, кәсіби білім, педагогикалық қабілеттер, педагогикалық техника» Сабақтың мақсаты:

1) студенттерге ұстаздық шеберлік және педагогикалық іс-әрекет

бойынша негізгі білімдер жүйесін меңгерту; педагогикалық шеберліктің компоненттеріне анықтама беру; 2) студенттердің педагогикалық іскерліктері мен дағдыларын

дамыту; болашақ мұғалімнің мамандыққа деген сүйіспеншіліктерін, кәсіби біліктілікті жетілдіруге деген қызығушылықтарын ояту; 3) оқыту мен тәрбие әдістемесін шығармашылықпен іздеуге

тәрбиелеу. Сабақтың көрнекілігі: слайд, сызба, суреттер. Сабақтың түрі: ашық сабақ

Күтілетін нәтиже:

1) студенттерге ұстаздық шеберлік және педагогикалық іс-әрекет

бойынша негізгі білімдер жүйесін меңгереді; педагогикалық шеберліктің компоненттеріне анықтама беріліп, оны нақты игереді; 2) студенттердің педагогикалық іскерліктері мен дағдыларын

дамытады; болашақ мұғалімнің мамандыққа деген сүйіспеншіліктерін, кәсіби біліктілікті жетілдіруге деген қызығушылықтарын оятады; 3) оқыту мен тәрбие әдістемесін шығармашылықпен іздеуге

тәрбиелейді.

Сабақтың барысы I. Ұйымдастыру барысы. – Студенттермен танысу. Қатысушыларды түгендеу. II. Үй тапсырмасын тексеру. 1. Педагог түрлі ғылым саласында озық білімді меңгеруімен шеберлікке қол жеткізе алады ма? (Педагогикалық шеберлікті адамның педагогикалық жұмысындағы жоғары өнерге қол жеткізген ерекше қалпы ретінде қарастыра отырып, оның кәсіби қызметтік жеке тұлғалық тұрғыдан өзіндік өлшемі бар екенін ескеру қажет)

2. А.В.Луначарскийдің педагогқа қойылатын талаптары қандай? (Педагогқа қойылатын талаптар туралы ағарту саласы бойынша халық комиссары А.В.Луначарскийдің мақалалары мен басылымдарда жарияланған сөздерінен білеміз. 1928 жылы тәрбиешілер мен қоғам қайраткерлерінің мәжілісіндегі сөзінде, ол педагогқа жүктелетін жауапкершілік ерекше екенін атап айтқан: “егер алтын құятын шебер оны бүлдіріп алса, оны қайта құюға болады, егер асыл тастар бүлінсе іске алғысыз болып қалады, бірақ ең зор баға жетпес гауһар - өмірге келген адам. Адамды бұзу ең ауыр қылмыс немесе күнәсіздіктің үлкен күнәсі. Бұл материалмен алдын ала не істейтініңді анықтап, нақты , айқын жұмыс істеу керек” дейді)

3. Н.К.Крупскаяның берген үлгілі мұғалімнің критерийлерін атаңыз. (Н.К.Крупская 1932ж жарыққа шыққан “Мұғалім туралы” деген мақаласында “үлгілі мұғалімнің мерилі” ретінде төмендегі критерийлерді анықтады: мұғалім өз пәнін, әрбір оқушыны, еңбекті ұйымдастырудың ғылыми негіздерін білуі керек; оқытудың әдістемесін меңгеруі; оқу және тәрбие жұмыстарын ұштастыра білуі; оқушының қабілетін оята білуі қажет)

4. Педагогикалық шеберлік туралы А.С:Макаренконың пікірлері. (Педагогикалық шеберлік мәселесі туралы А.С.Макаренконың пікірлеріне сүйенер болсақ, оның дәлелдеуінше шеберлік – бұл “тәрбие процесін шын мәнінде білу, тәрбие ісінде біліктің болуы”. Бұл жөнінде ол: “Мен білік пен дағдыға шеберлік қана мәселені шеше алатынына өз тәжірибемде көз жеткіздім” дейді)

5. В.А.Сухомлинскийдің педагог тұлғасы туралы пікірін келтіріңіз. (В.А.Сухомлинский бұл түсінікке нақты анықтама бермейді, дегенмен, ол педагог тұлғасы тәрбиеленушіні тәнті ететін, өзіне тарта білетін, рухтандыратын болуы керек деген пікір айтады. Тәрбиеші үшін органикалық қажеттілігі ретінде өте маңызды, әрі жан дүниесін, жеке бақытын, ой санасын онсыз елестете алмайтын өмір заңы екенін айтады)

III.Жаңа сабақты түсіндіру. Педагогикалық қабілеттілік (талант, мамандықты сүю, нышан) педагогикалық мамандықты ойдағыдай меңгерудің шарты болып табылады, бірақ шешуші кәсібі деп қарастыруға болмайды. Қаншама адам айқын нышанды аңғартып, мұғалімдік мамандыққа үміткер болғанмен, шын мәнінде, педагог болып шыға алмайды, керісінше, алғашында жеткіліксіз қабілеттілік аңғартқан ұстаздар кейіннен педагогикалық шеберліктің шыңына жеткені қанша? Сондықтан да педагогтің қажетті кәсіби сапаларына еңбек сүйгіштігін, тәртіптілігін, жауапкершілігін, мақсат қоя білу іскерлігін, жетістікке жету жолын таңдай білу, ұйымдастырушылықты, табандылықты, өзіне кәсіби деңгейін арттыруды және т.б. жатқызуға болады.

Мұғалімнің кәсіптік - педагогикалық даярлау проблемасын зерттеуге арналған еңбектерде (Ф.Н.Гонобалин, Т.А.Воробьева, Н.В.Кузьмина, В.А.сластенин, Р.И.Хмелюк, Н.Д.Хмель, А.И.Шербаков және т.б.) кез келген адамның мұғалім бола алмайтындығы дәлелденген. Мұғалімдік мамандықтың соншама көптігіне қарамастан, оны меңгеру үшін қабілеттіліктер мен тұлғалық сапалардың ерекше қатаң құрылымы, белгілі әлеуметтік – психологиялық бейімділік қажет.

Психологтар профессиограмманы негіздеуде педагогикалық қабілеттіліктердің түрін анықтауға көңіл бөледі.

Мәселен, В.А.Крутецкий дидактикалық, академиялық, коммуникативтік, ұйымдастырушылық, қабілеттіліктерді қарастырды. А.И.Шербаков негізгі педагогикалық қабілеттіліктерге дидактикалық, конструктивтік, перцептивтік, экспрессивтік, коммуникативтік және ұйымдастырушылық қабілеттіліктерді жатқызды.

Осы кездегі мамандықытардың ішінде ең көп және жан-жақты зерттелгені деп педагог мамандығын айтуға болады. Педагогтің жалпы кәсіптік іс-әрекеті мен қабілеттілігі, мамандығы жөніндегі икемділіктері мен дағдылары басқа мамандықтар үшін де пайдалы екендігі байқалады.