Педагогтарға арналған мейірімділік психологиялық тренингі

«Мейірімді болса жүрек – орындалар тілек!»

атты педагогтарға арналған психологиялық тренинг.

Өткізілген күні : 03.10.2018ж.

Қатысқандар саны : 15

Мақсаты : Педагогтарды ұйымшылдыққа , жаңашылдыққа ,инновациялық әдіс тәсілдерді тәжірибелеріне енгізе отырып, логикалық ойлау қабілетін, шығармашылық ізденісін ,ой қиялын арттыру,сонымен қатар педагогтардың эмоциялық көңіл күйін көтеру,топтасып ұжыммен жұмыс істеу жүйесін әрі қарай дамыту.

Міндеті : Жаңа қоғамдағы адамгершілік ,патриотизм және педагогиканың ұйытқысы ретінде нәтижеге бағытталған білім беру іскерліктерін дамыту.Педагогтардың өз кәсібіне деген ынтасын арттыру.

Түрі: Психологиялық тренинг сағаты.

Әдісі: Топтық жұмыс,сұрақ жауап,ой бөлісу, пікір алмасу.

Көрнекілігі: Ақ парақтар,қобдиша,жүрекше және гүл парақшалар,доп,қалам.

Тренинг ережесі:

1.Белсенділікті арттыру.

2.Ұжыммен бірігіп жұмыс істеу.

3.Бір-бірімізге кедергі келтірмеу.

4.Өз ойымызды ашық айту,өзімізді еркін ұстау.

5.Өзімізге пайдалы нәрсені алу.

6.Әріптестермен жақсы қарым қатынаста болу.

7.Ұялы телефонды сөндіріп қою.

Тренер сөзі: Қайырлы күн әріптестер!Бүгін сіздердің психикалық көңіл күйлеріңізді көтеруге,өз бойларыңыздағы шығармашылық қабілеттеріңізді бағалай білуге,өз- өзіңізге құрметпен қарауға ,бір -бірімізбен сыйластық қарым -қатынаста болуға арналаған « Мейірімді болса жүрек – орындалар тілек »тренинг сағатына ұйымшылдықпен қатысуға шақырамын.Және Құрметті әріптестер , сіздерді келе жатқан кәсіби мереклеріңізбен құттықтаймын!

Ұйымдастыру кезеңі.

Тренингке қатысушыларды « Шаттық шеңберіне » шақырамын.

«Аманасу»тренингі қол шапалақтау.

«Жан жылуы» жаттығуы.Қолдарына ұстап бір біріне төмендегі сөздерді хормен айтамыз.

Мен сізден жылу аламын. ( солға қарау)

Жүрегіме саламын. ( оңға қарау)

Досыма сыйлаймын. ( тура қарау)

«Сиқырлы қобдиша» жаттығуы.

Қобдишаны бір бірлеріңізге бересіздер,қобдишаны алған әр адам ішін ашып қарайды.Оның ішіндегі кішкентай айнадан сіздер жанжақты қайталанбайтын ең керемет бейнені көресіздер.Оған күліп қарауларыңыз керек.

Тренер талдау: Қобдишаның ішінен не күттіңіздер?

Демек, біз,сіз,әрбір адам өз алдына жан жақты қайталанбайтын тұлға.Ендеше сіздердің «Сиқырлы қобдишадан» күткен құпия сияқты ,мен сіздермен құпия ойндарға толы тренингімізді бастаймын.

«Құбыр» жаттығуы:

Құрметті әріптестер қазір мен сіздерге ақ парақтар таратамын ,сіздер сол парақтардан арық яғни құбыр жасауларыңызды сұраймын.Әрине құбыр болғасын онымен не жүреді?Тек қана СУ жүреді.Ендеше арықтарымызды жалғасытырып су жүргізейік.Арыққа су орнына кішкентай доп жібереледі.

Тренер талдауы: