Педагогтерге арналған мейірімділік тақырыбындағы тренинг

Педагогтармен тренинг

Тақырыбы: «Мейірімді болса жүрек, орындалар тілек»

Қатысушылар: педагогтар мен тәрбиешілер

Көрнекілік: А4 форматты қағаз, музыка жазылған үнтаспа, қалам, қағаздан қиылған жүрекшелер, карточкалар.

Мақсаты: Тәрбиешілерді жаңашылдыққа инновациялық әдіс – тәсілдерді тәжірибесіне енгізе отырып, логикалық ойлау қабілетін, шығармашылық ізденісін, ой – қабілетін арттыру.

Міндеті: Жаңа қоғамдағы адамгершілік патриотизм және педагогикалық ұйытқысы ретінде нәтижеге бағытталған білім беру іскерліктерін дамыту, өз кәсібіне деген ынтасын арттыру. Балалармен жақсы қарым – қатынаста болу, балалардың бейімделу үрдісі мен бейімделудегі қиындықтарын танып білу.

Түрі: Психологиялық тренинг

Тренинг бағдарламасы:

1. Санасыз әлемге саяхат «Сіз қандай жұмысшысыз?» проективті әдісі

2. Релаксация «Ол қандай адам?»

3. Тест: «Сіз қандай жансыз»

4. Ассоцияцияны анықтау әдістемесі «Жетістік қаласындағы жаңбыр» сергіту сәт

5. Қорытынды

Тренер сөзі:

Сәлеметсіздер ме, құрметті тәрбиешілер, бүгін сіздерді психикалық көңіл – күйлеріңізді көтеруге, өз шығармашыдық қабілетіңізді бағалай білуге, бір – біріңізбен сыйластық қарым – қатынаста болуға, балалардың бейімделу үрдісін танып – білуге арналған «Мейірімді болса жүрек, орындалар тілек» атты тренинг сабағына ұйымшылдықпен қатысуға шақырамын.

1. Санасыз әлемге саяхат «Сіз қандай жұмысшысыз?» проективті әдісі.

Тапсырма. Ақ қағазға кішкентай қара нүкте салынған, не көріп тұрғандарыңызды айтыңыздар. Талдау: ақ қағазды көргендер жақсылықты көретіндер, ал қара нүктені көргендер жаманшылықты тез көретіндер екен. Енді сол нүктеден бастап сурет саламыз. Сіздің міндетіңіз жылқының суретін салу, оның сыртқы келбетін бейнелеу арқылы және оның жанына қажет фонды салу. Бұл проективті әдісте жылқы өзіңіз. Сіздің жылқының сырт келбетін қалай бейнелегеніңізден, сіздің қандай жұмысшы екеніңізді көруге болады.

Жауабы. Егер сіз жылқының сырт келбетін басты назарға алсаңыз (тұяғын, жалын және құйрығын салсаңыз) онда сіз еңбектене білесіз, бірақ жұмысты бір арнада істемейсіз. Енді сіз жылқының бет әлпетіне басты назар аударсаңыз (көзін, тұмсығын, аузын, кекілін салсаңыз) онда сіздің жұмысқа романтикалық қатынасыңыз басым, сізде иллюзиялар мен үміттер басым. Егер сіз жылқының әрбір қылын салсаңыз, сіз жұмысыңызға өте жауапкершілікпен қарайтын, әрбір іс – әрекетіңізді бақылап, қадағалап отыратын мамансыз, бірақ сіздің жаныңызда жұмыс істеу басқалар үшін қиын болып табылады.

2. Релаксация «Ол қандай адам?» деген сұрақ қойды, осыған байланысты сіздермен «Әріптесіңді танисың ба?» ойын тренингі: бір әріптесінің атын жазылған қағазды алып, сол адамның атын айтпай сипаттап, пародия келтіреді, ал басқа әріптестері оның кім екенін табуы керек.

3. Тест: «Сіз қандай жансыз»

1.Сіз болмашы нәрселерді бос уайымдап, қиналасыз ба?

А) ияә) жоқб) кездесіп тұрады