Поэзия менімен егіз бе едің сабақ жоспары

Тәрбие сағатының тақырыбы: “Поэзия менімен егіз бе едің”

Мақсаты: Оқушылардың әдеби шығармаларды оқуға деген ынта жігерін аша отырып, тіл, ұлт жанашыры бола білуге тәрбиелеу және рухани мәдениеттерін дамытып, ұлт мақтаныштарының шығармаларын насихаттау.

Тәрбиелік: Ақын шығармалары арқылы елін, туған жерін отанын сүйе білуге, адамгершілікке, мейірімділікке тіл, сөз өнерін қадірлеп қастерлей білуге, ақынжандылыққа тәрбиелеу.

Дамытушылық: Поэзияға деген сүйіспеншілігін арттыру, сөйлеу мәдениетін қалыптастыру, ақын өлеңдерін сүйе білуге үйрету.

Көрнекілігі: Ақын портреті, (ванердегі ) слайдттар, тірі дауыста өлеңдерінен үзінділері, « Жазылар естеліктер мен туралы » ақынға арналған естеліктер мен бағалар, кітап көрмесі.

Тәрбие сағатының түрі: тәрбие сағаты

Тәрбие сағатының әдісі: Жарыс

Сабақтың барысы:

Ұйымдастыру кезеңі:

Оқушыларды түгелдеу.

I.Кіріспе бөлім

Тәрбие сағатының өту барысы:

Мұғалімнің сөзі: Жыр дүлдүлі, ақиық ақын, ғасыр ақыны атанған Мұқағали Мақатаевтың «Поэзия, менімен егіз бе едің?» атты тәрбие сағатымызғы қош келіпсіздер!Поэзия кешін бастамас бұрын назарларыңызды ақын өмірі мен шығармашылығына арналған слайд- суреттемеге аударсақ .

1-оқушы: Мұқағали 1931 жылы 9 ақпанда Алматы облысының, қазіргі Райымбек ауданындағы Қарасаз ауылында дүниеге келген. Мұқағалидың әкесі колхозда сушы, шалғышы болып істеген қарапайым шаруа адамы.Бір топ жерлестерімен әкесі майданға аттанғанда ол небәрі- он жаста- тұғын.Алаңсыз күлкісін соғыс ұрлаған өзге де құрбы – құрдастары тәрізді Мұқағали да тағдырдың ащы дәмін тым ерте татты.Нағиман апаның айтуынша үйдің тұңғышы болған соң ба, әжесі Тиынның бауырында өсіп, анасын жеңге есебінде санаған .

2-оқушы: Айтылар естеліктер мен туралы,

Біреулер жан еді дер өр тұлғалы.

Біреулер тұлпар еді деуі мүмкін,

Бүтінделмей кеткен бір ер-тұрманы. Иә, естеліктер де жазылуда, пікірлер де айтылуда. Жыр боп ақтарылған ақиық ақын өлеңдерін үлкен де, кіші де сүйсіне оқиды, тамсана оқиды, таңырқай оқиды. Ақын өлеңдерінің өміршеңдігі олардың мағынасы мен терең мазмұнында, кез келген адамның жүрегіне қона кетер қарапайымдылығында жатса керек. Мені өз өлеңдерінен бөліп қарамауларыңызды өтінем.Естеріңізде болсын, менің өлеңім жеке тұрғанда түк те емес. Біріктіріп қарағанда ол поэма іспетті. Басы мен аяғы бар. Ол кейде күлімдеген, кейде түңілген жанымның құдды дауысындай. («Жазылар естеліктер мен туралы »)

3-оқушы: Орта мектепті интернатта жатып бітірген Мұқағали еңбекке ерте араласып, ауылдық кеңестің хатшысы, жеті жылдық мектептің мұғалімі болды. Республикалық радиоға диктор болып жұмысқа тұрды. 1962 жылы Алматыға көшіп келеді де, « Социалистік Қазақстан» газетінде, « Мәдениет және тұрмыс» журналында жұмыс істейді. « Жұлдыз» журналында қызмет атқарады.

4-оқушы: Мұқағали Мақатаев бар мұнда» деп ақиық ақын- Мұқағали ұрпақтарға ұлан-ғайыр мұра қалдырып кеткені баршамызға мәлім. Анасының естелігіне жүгінсек, Мұқағали 14-15 жасынан-ақ өлеңге шындап ден қоя бастайды. Төбесі аласа ғана тамға қалың-қалың кітаптарды үйіп тастап, шаршамай, шалдықпай оқумен болады. ( «Мен өскен лашық бір бөлме»)

5-оқушы: — « Жыр басы Қарасаздан басталған Мұқағали бүгінде ән болып аспанда қалықтап, жыр болып жұлдыздармен сырласып, сонау аспан әлемінде шырқап барады (Ән Құмған алған ).Мұқағали жырларының тақырыбы әр алуан. Әр өлеңнің өзі – жаңа дүние. Ал табиғат аясында туып-өскен әрбір ақынның бұл тақырыпқа қалам тартпауы мүмкін емес. Туған жердің, оның табиғатын жырлау – барлық ақынның перзенттік парызы.