Қардағы іздер тақырыбында сурет салу конспектісі

«Ботақан» 1-сәбилер тобы ҰОҚ конспект №20

Өткізілген күні, айы, жылы/Число, месяц, год проведения

Тәрбиеші/Воспитатель:

Білім беру саласы/Образовательная область «Шығармашылық»

Ұйымдастырылған оқу іс-әрекет түрі/

Раздел организованной учебной деятельности:Сурет салу

Тақырыбы/Тема: «Қардағы іздер»

Мақсаты: қағазға қылқаламмен дақ түсіре білуді үйрету, бояумен ұқыпты жұмыс істеу дағдыларын қалыптастыру .

жануарлардың қимыл-қозғалысын және іздерін қарға түсіріп жаттығу. табиғаттың әсемдігін сезіне білуге тәрбиелеу.

Көрнекіліктер

Қардағы іздердің және қыс мезгілінің суреттері

Үштілділік компонент: із-след-track қыс-зима-winter

Іс-әрекет кезеңдері

Мотивациялық қозғаушылық

Ұйымдастырушылық-ізденістік

Рефлексиялық-түзетушілік

Тәрбиешінің іс-әрекеті

Тәрбиеші серуен кезінде қардағы адамдардың, ит-құстардың іздерін көріп бақылағандырын және өздері де қарға із түсіріп көргендерін еске түсіреді. Аюдың қорбаңдап жүретінін, қоянның секіріп жүретінін, құстардың жеп шоқып жүретінін әңгімелейді.

-Міне сендердің алдарыңда ақ қағаз. Сендер оны «Қар жамылған дала» деп елестетіңдер.

Ақ қарға ешқандай із түспеген, әлі ешкім де, еш нәрсе де жүрмеген. Осы ақ қардың үстіне бояу мен із түсіріп көрейік.

Енді мына қоянға көмектесейік, ол қарда қалай жүгіреді екен?

Ақ қағазға бояумен із түсіріп көрсетеді.

-Бұл ненің ізіне ұқсайды?

Мына ойыншықтарды қағаз бетіне жұргізіп көріңдерші.

Балалардың жұмыс барысында ұқыпты жұмыс істеулері қадағаланады.

-Енді орнымызға отырып, қылқаламның ұшын қатты баспай, кішкене-кішкені дақтар түсіре отырып қоянның ізін саламыз.

Тәрбиеші қылқаламды кез-келген бояуқа батырып, оның ұшын ғана қағазға тигізу арқылы қоянның ізін қалай салуға болатынын, қағаз бетіне дақ түсірудің жолдарын көрсетеді.

Қоян секіріп-секіріп жүретіндіктен, арасын алшақ немесе жақын да орналастыруға болады.

«Іздер», «дақ түсіру» сөздеріне түсініктеме беру үшін сөздік жұмыс жүргізіледі.

-Балалар, енді музыка әуенімен аңдардың қимыл-қозғалысын қайталап көрейікші.

Кейбір балаларға жеке нұсқаулар беріледі. Басшылық жасалып, жақсы жұмыстар мадақталып, іс-әрекет барысы қорытындыланады.

Балалардың іс-әрекеті

Балалар алдын-ала бақылау кезінде көргендерін естеріне түсіреді. Әңгімелеп береді.

Балалар қылқаламды бояуға батырып, қағазда дақ қалдырады, яғни із түсіреді.

Балалар тәрбиешінің сұрағына «аюдың» немесе «адамның» деп өз білгендері бойынша жауап қайтарады. Ойыншық аңдарды қағаз бетінде жүргізеді. Қайтадан орындарына отырған соң, қылқалам ұшын қатты баспай кішкене дақ түсіре қоянның ізін салады.