Қаржы жүйесіндегі қаржылық объективтілікті талдау баяндамасы

МАЗМҰНЫ

Кіріспе....................................................................................

I Бөлім. Қаржының экономикалық мазмұны

1.1 Қаржының мәні және

ұғымы...................................................................5

1.2 Қаржының қажеттігі мен экономикалық

мәні ......................................8

1.3 Қаржының

функциялары..........................................................................9

II Бөлім. Қаржы жүйесінің құрылымын реттеу

2.1 Қаржы жүйесінің звеноларының

құрылымы........................................12

2.2 «Казпочта»АҚ –ның қаржылық объективтілігін

талдау .....................16

Қорытынды..................................................................................

Пайдаланылған әдебиеттер тізімі

Қосымшалар

Кіріспе

«Қаржы» туралы ғылымның - зерттейтіні қоғамдық

өнімді бөлуге және содан келіп туындайтын ақша түріндегі

қорланулардың, табыстардың және қорлардың қалыптасуына,

оларды ұлғаймалы ұдайы өндірісті кеңейту мақсаттары және

қоғаммен оның әлеуметтік, кәсіптік топтарының , сондай-ақ

жекелеген мүшелерінің мүдделерін, қажеттерін

қанағаттандыру үшін пайдалануға байланысты.

Қаржының объектісі – қаржы ресурстары, ақшалай

қаражаттың мақсатты қорлары, олардың құрылуы, қозғалысы

және пайдаланылуы; ал субъектісі – қоғамдық өмірді

ұйымдастырушы ретінде мемлекетті қоса алғанда өндірістік

және өндірістік емес салалардағы көптеген шаруашылық,

қоғамдық және басқа да ұйымдар. Қаржы объектісінен гөрі

қаржы ғылымының зерттеу объектісінің ауқымы кең. Өйткені,

қаржы ғылымы экономикалық заңдар мен категориялардың

іс-қимылдарын зерттеу, талдау барысында білімдердің аралас

салаларына да ден қояды.

Қаржы жүйесінің құрамы, құрылымы, ұйымдастыру

принциптері мен оны ұдайы жетілдіру қажеттілігі де курстың

жұмыстың мазмұнын құрайды.

I Бөлім. Қаржының экономикалық мазмұны

1.1 Қаржының мәні және ұғымы

«Қаржы» ұғымы қоғамдық өнімді ақша түрінде бөлуге

байланысты экономикалық қатынастардың ауқымды саласын

қамтиды.

Экономикалық өмірдегі қаржының сырт көрінісі

қоғамдық өндірістің алуан түрлі қатысушылары

қаражаттарының қозғалысы түрінде болады. Сырттай

қарағанда бұл қозғалыс бір адамның екінші адамға өзінің

ақша соммасын қолма-қол немесе аударым арқылы беруі

болып саналады. Алайда, мұндай операцияның барлығы

бірдей қаржы операциясына жатпайды, өйткені ақша

қоғамдық өнімнің бүкіл құнының қозғалысына қатысып

отырады. Ал ол қозғалыс баға еңбек ақы, қаржы, несие

сияқты әр алуан экономикалық категориялар арқылы жүзеге

асады. Қаржының ақшалы сипаты оның іске асырылу

формасын және құндық экономикалық категорияға

жататынын көрсетеді.

Қаржының экономикалық категориялардың қатарынан

бөліп алу үшін қаржы құбылысын қарастырудан оның мәнін –

нәрсенің өмір сүруінің алуан түрлі формаларының бірлігі

ретінде көрінетін оның ішкі мазмұнына көшу қажет.

Қоғамдық қатынастар саласында ақша қатынастары

экономикалық қатынастар қатарына жататыны экономикалық

теория курсынан белгілі. Ал ол өз кезегінде қоғамдық

қатынастар жүйесінің ерекше бөлігі ретінде өндірістік

қатынастарға кіреді. Бұдан қаржы қатынастары - өндірістік

қатынастардың бір бөлігі , яғни олар базистік қатынастар

болып табылатыны көрінеді.

Ұдайы өндіріс бір-бірімен байланысты және өзара тәуелді

үздіксіз процестердің -өндіріс, бөлініс, алмасу және тұтыну

процестерінің ұштасуы арқылы іс жүзінде асады. Ұдайы

өндірістің осы төрт кезеңі қоғамдық өндіріске

қатысушылардың арасында тауарлық қатынастардың болуын

анықтайды. Себебі өндірілген өнімдер сатып алу-сатуға

арналады.

Өнім тұтынылардан бұрын айырбас және бөліс кезеңдерінен

өтеді. Мұнда тек материалдық өндіріске қатысушылардың

ғана емес, қоғамдық қатынастарға қатысушылардың

барлығының да қажеттері өтеулі тиіс. Өз кезегінде тауар

қатынастарының түзілуі қоғам мүшелерінің еңбек бөлінісінің

қажеттігінен туындайды. Сондықтан оларатқарған

жұмыстары мен еңбектерінің нәтижесін-әртүрлі игіліктерді

санына қарай бөлісіп, айырбас жасайды. Жасалған игіліктер

мен қазыналарды құн мен ортақ эквивалент өлшемдері

ретінде ақша арқылы өлшемдестіріледі. Сондықтан

материалдық емес игіліктердің , көрсетілген қызметтердің

өндірілген жалпы өнімі-қоғамдық өнім-натуралды-заттай

мәніне қоса ақшалай да мәнге ие. Қоғамдық өнімнің екі

формада бейнеленуі қоғамдық өндіріске қатысушылардың

әрқайсысының қажетіне қарай түпкілікті тұтынуға дейін

жеткізуге мүмкіндік береді. Бұл үшін ақша, баға, қаржы,

еңбек ақы, несие сияқты құн категориялары пайдаланылады.

Материалдық өндірісте жасалған құнның едәуір бөлігі

мемлекеттің қажеттерін өтеуге жіберіледі де, ақша

формасындағы дербестікке ие болып, мемлекеттік кіріс

ретінде оның қаржы қатынастары саласына кіреді.

1.2 Қаржының қажеттігі мен экономикалық мәні

Қаржы тарихи жағынан белгілі бір функцияларды

орындап келе жатқан мемлекеттің өмір сүруімен

байланыстырылады. Мемлекеттік өкіметті қамтамасыз ету

үшін қоғамның барлық мүшелері есебінен құралатын ақшалай

қаражаттың арнайы қоры қажет.

Салықтар, мемлекеттік несие, ақша шығару арқылы

мемлекет үкімет аппаратын, армияны ұстауға өз қызметін

орындауға қажетті ақшалай қаражатты жинап, пайдаланады.

Мемлекет әрқашанда қаржы қатынастарының міндетті

субъектісі болып табылады. Мемлекет өзінің дәстүрлі

функцияларына қоса шаруашылық процестерін реттеу

жөнінен едәуір экономикалық функциялар атқарады,