Қауіпсіздік ережелері ашық оқу қызметі мектепалды топқа

Тақырыбы: «Үйдегі, балабақшадағы және көшедегі қауіпсіздік»

Мақсаты: Балаларға үйдегі және балабақшадағы қауіпсіздік ережелерін түсіндіру. Үйдегі, балабақшадағы және көшедегі сақтау керек қауіпсіздік ережелері туралы білімдерін дамыту. Өмір қауіпсіздігі ережелерін сақтауға тәрбиелеу; қауіпті жағдайларды ескере отырып, үлкендердің айтқанын тыңдауға баулу.

Көрнекіліктер: бейнебаян, суреттер, үлестірмелі материалдар.

Сөздік жұмыс: қауіпсіздік.

-Балалар, бүгін ерекше күн! Себебі бізге көптеген қонақтар келіп отыр, қанеки орнымыздан тұрып амандасайық. Шаттық шеңбері:

Тәрбиеші балалармен бірге шеңбер құрады. «Танысайық ойыны». Тәрбиеші допты бір балаға лақтырып, атын сұрайды: -Мына баланың аты кім? Балалар хормен баланың атын атайды. Осылай кезекпен ойын жалғаса береді. -Балалар бүгінгі оқу қызметімді сұрақ қою арқылы бастағым келіп отыр. – Айтыңдаршы топ ішінде жүгіруге бола ма? –Неге жүгіруге болмайды? –Үстел үстіне, терезе алдына шығуға бола ма? – Неге шығуға болмайды? –Есікпен ойнауға бола ма? –Не үшін болмайды? Дұрыс айтасыңдар, балалар. Құлап немесе қолымызды есікке қысып жарақаттанбау үшін, біз қауіпсіздік ережелерін сақтауымыз керек. –Ендеше бүгінгі оқу қызметіміздің тақырыбы: «Үйдегі, балабақшадағы және көшедегі қауіпсіздік»

«Қауіпсіздік» дегеніміз балалар, өзіңді қорғау және сақтау дегенді білдіреді. –Ал енді өзімізді қалай қорғап, сақтау керек екенімізді бейнебаян арқылы түсінетін боламыз.

Ойын: «Жақсы- жаман» Шарты: заттардың қандай жағдайда жақсы және қандай жағдайда жаман екенін айту. -Балға жақсы, онымен шеге қағады. Балға жаман қолыңды ұрып аласың. -Шеге жақсы, онымен екі затты біріктіреді. Шеге жаман абай болмасаң денеңді жарақаттайсың. -Қайшы жақсы, онымен керек заттарыңды қиясың. Қайшы жаман, дұрыс пайдаланбасаң қолыңды, көзіңді жарақаттауың мүмкін. -Сіріңке жақсы, онымен от жағып, тамақ пісіреміз, жылынамыз. Сіріңке жаман –өрт шығуы мүмкін. Сергіту жаттығуы: Аяқпенен топ-топ-топ, Ал қолменен хлоп-хлоп-хлоп. Бір оңға, бір солға, Айналайық кел мұнда. Қолымызды бір сермеп, Басымызды шайқайық Бір оңға, бір солға, Ойнайықшы кел мұнда. Секіреміз жоғары, Қиын емес секіру. Бір оңға, бір солға, Секірейік кел мұнда. (қайталайды)

Ойын: «Қауіпті және қауіпсіз ережелері» Шарты: Қауіпті және қауіпсіз ережелері бейнеленген суреттерді тақтаға ажыратып ілу.