Қазақтың ою-өрнектерін салу бойынша 5 сынып ашық сабағы

Ойыл ауданы

Саға мектеп – бала бақшасы

Бейнелеу өнері пәні мұғалімі

Марат Қуатжанұлы Баймбетов

Сабақтың тақырыбы: Қазақтың ою – өрнектерінің суретін саламыз

Сабақтың мақсаты: Ою – өрнек туралы түсініктерін толықтыру. Ою – өрнектердің суретін салу. Сурет салу арқылы қолды жаттықтырып, оқушылардың шеберлігін ұштау.

Дамытушылық: оқушылардың есте сақтау, жылдамдық, шапшаңдық, көрегендік қасиеттерін дамыту.

Тәрбиелік: эстетикалық тәрбие беру, ұйымшылдыққа, еңбексүйгіштікке тәрбиелеу. Жұмыс барысында ұқыптылыққа, өзінің және өзгенің уақытын бағалауға үйрету.

Түрі: жаңа сабақ

Әдіс – тәсілдері: түсіндіру, сұрақ – жауап,

Барысы:

І.Ұйымдастыру.

Оқушылармен амандасу, түгелдеу.

ІІ. Жаңа сабақ

М: Қазақтың ұлттық ою-өрнегі - қазақ жерін мекендеген көшпелі тайпалар өнері әсерімен ғасырлар бойы қалыптасып, белгілі бір жүйеге келген ою-өрнек түрлері. Қазақтың алғашқы ою-өрнек үлгілері Андронов мәдениеті мен байырғы сақ, ғұн, үйсін өнері мұраларынан геометриялық, зооморфтық (жан-жануарлардың табиғи және фантастикалық бейнерлері), көгеріс өрнек пен қиял-ғажайып ою-өрнектер (аспанның, жердің символы) ретінде кездеседі.Олар негізінен малгершілік, саятшылық, әдет-ғүрып, үй іші жабдықтары мен сән-салтанат бұйымдарын, батырлық қару-құралдарын әсемдеуге қолданылған. Тартымды жасалып, биязы көркемделген өнердің көне мұралары (алтын тәтілер, ағаштан қыштан, өнделген теріден жасалған ыдыстар, түкті кілемдер мен кестелі заттар т.б.)Ою – өрнек – қазақ халқының асыл мұрасы. (слайд арқылы ою – өрнектер туралы мағлұмат беру)

Ою – өрнектің суретін салу.

Ою – өрнек элементтерінің түрлерін салып үйрету, қолдарын жаттықтыру.

оқушылар өздері білетін, ұнайтын ою – өрнектің суретін салады.

ІІІ.Бекіту.

Ою – өрнектің қандай түрлерін білеміз?

Қошқармүйіз түйетабан

Құсқанат

Ою – өрнектің түрлері

Төртқұлақ сынық мүйіз

Қазтабан Балта

Тышқан із

Ою – өрнектерді қандай топтарға бөлуге болады?

Сабақ сендерге ұнады ма?

Сурет салуда қиыншылықтар кездесті ме?

«Менің алған әсерім» сабақ бойынша алған әсерлерін стикерге жазу

ІҮ.Бағалау