Қысқы кеш шығармасы бойынша ашық сабақ, 3 сынып

Сабақ тақырыбы: «Қысқы кеш» М.Иманжанов

Мектеп: Ақкөз Қосанұлы атындағы №18 жбб тм (ро)

Күні: 23.11

Мұғалім есімі:Шыныбаева Бақыт

Сынып 3 «А »

Қатысқандар саны: 21

Қатыспағандар саны: 0

Сабақ негізделген оқу мақсаты (мақсаттары)

3.1.5.1 – өз ойы мен сезімін көркем-бейнелі сөздерді қолдана отырып жеткізу.

3.2.3.1 – шығарманың тақырыбын анықтау және негізгі ойды білдіріп тұрған мәтін бөлігін, сөйлемді табу

Сабақ мақсаттары:

Барлық оқушылар: көркем-бейнелі сөздерді мәтіннен таба алады.

Оқушылардың басым бөлігі: шығарманың тақырыбын анықтайды және негізгі ойды білдіріп тұрған мәтін бөлігін, сөйлемді табады.

Кейбір оқушылар: өз ойы мен сезімін көркем-бейнелі сөздерді қолдана отырып жеткізе алады.

Тілдік мақсат

Өлең, қарасөз, кейіптеу

Алдыңғы оқу «Қысқы кеш» А.С.Пушкин

Жоспар

Жоспарланған уақыт:

Жоспарланған жаттығулар(төменде жоспарланған жаттығулармен қатар,ескертпелерді жазыңыз )

Ресурстар

Басталуы:

5 мин

-Сәлеметсіңдер ме, балалар.

Байқасаңдар, сыныбымызға қонақтар келіп отыр. Ендеше, қонақтарға қарап бұрыламыз, сәлемдесеміз. Қайта бұрыламыз. Отырыңдар.

-Бүгін біз 33 сабақты өтеміз.

-Оқулықтан сол бетті табу үшін, қайда қараймыз? (мазмұнына)

-Ендеше кім тапты, қай бет? (87)

-Ашамыз.

Ортасы.

30 мин

33-сабақты көзбен шолып өтеміз, оқулықты жабамыз.

а)Шығарманың қандай түрлерін білеміз? Бүгін қандай түрімен жұмыс жасаймыз?

-Қарасөз. (әңгіме, мәтін)

-Мәтін бойынша қандай жұмыс түрлерін орындаушы едік?

-Негізгі ойын анықтау, бөліктерге бөлу, сұрақ қою, түсінік айту,...

-Тақырыбын оқимыз. (Қысқы кеш)

-Ендеше, бүгінгі сабақта не туралы айтамыз? (балалар өз ойларын айтады)

-Қыс,кеш,ауа-райы,табиғат құбылысы, үйдегі адамдар, ...

Ендеше, бүгінгі сабақтың мақсатын айқындайық.

Осыдан шығатын критерийлер:

Мәтін ішінен көркем-бейнелі сөздерді табу (эпитет, теңеу кейіптеу).

Мәтінді бөліктерге бөлу, ат қою.

Мұқан Иманжановтың өмірбаянын айту.

Екі шығарманы салыстыру.

Дескриптор:1. Мәтін бөлігіне ат қоя алады.2. Мәтін ішінен кейіптеу сөздерін таба алады.3. Автор туралы айта алады.4. Екі шығарманы өзара салыстыра алады.

Ендеше, балалар кім жаңа тақырып бойынша осы декриптор бойынша өзіне сенімді болса сол жаққа,

толық сенімді емес болса ортаға,

мүлде сенімсіз болса оң жаққа шығып топтасып тұрамыз.

-Әр топта неше оқушы болды? (санайды)

-Рахмет, орындарыңа отырыңдар.

Ал ендеше жұмысты бастаймыз.

№1 тапсырма. Мәтінді бөліктерге бөліп оқы, ат қой.

Неше бөлікке бөлеміз? Неге?

1 бөлігін тізбектеп оқып шығамыз. Енді әркім өзі ішінен оқып шығады. Қандай ат қойдыңдар? (балалар ұсынысын тыңдау)

Түтеген боран. (Құтырған боран. Сұрлана соққан боран. Ысқырынған боран т.б.)

2 бөлігін тізбектеп оқимыз.

Қалай атаймыз?

Үйдің іші көңілді. (Жарық үйде қызық. Жылы үйде істер көп. т.б.

№2 тапсырма. Өткен сабақта осы тақырыпта қандай шығармамен таныстық? А.С.Пушкин «Қысқы кеш» өлеңі.

Кім мәнерлеп оқып береді? (3 қатардан 3 оқушы оқиды)

Кімнің оқығаны ұнады? Неге?

Өлеңнің алғашқы 2 шумағын оқыңдар. Осы жолдардағы көркем ойға сәйкес келетін қарасөзді мәтін бөлігін тап.

Ақындар мен жазушылар қандай бейнелі –көркемсөздерді қолданады?

А.Пушкин боранды суреттеу үшін қандай сөздерді қолданған.Теңеу сөз қалай жасалады?

Ал Мұқан Иманжанов боранды қалай суреттеген? Кім сияқты? Боранның портретін салсақ қалай салар едік?

Бұл әдісті кейіптеу дейді. Сонымен, кейіптеу деген не екен? (оқушылардың ойын тыңдау) Ережемен таныстыру.

№3 тапсырма. Автор Мұқан Иманжанов туралы әңгімелейік.

Енді портретіне қарап сипаттап көрейік. Ашық маңдайына қарап не айтуға болады? Қас-қабағы қандай екен? Көз қарасы ше?