Қысқы ойындар тақырыбындағы мектепке дейінгі ашық сабақ

Тақырыбы: «Қысқы ойындар»

Білім салалары: коммуникативтік дағдыларды дамыту; шығармашылық дағдылары.

Мақсаты: Балалардың қыс туралы түсініктерін кеңейтіп, қысқы ойындар мазмұнын меңгерту, спорт туралы білімдерін кеңейту, қызығушылықтарын арттыру.Сурет мазмұнына сай берілген сұрақтарға толық жауап беріп, әңгіме құрап айтуға үйрету. Сөздерге дыбыстық талдау жасау;Табиғатты аялауға, әсемдікті сезініп, көре білуге тәрбиелеу.

Әдіс-тәсілдері: Әңгімелесу, түсіндіру, сұрақ-жауап, көрсету, ғажайып сәт, ойын, сергіту сәті,мұзбен эксперимент жасау.

Көрнекілігі: Мазмұнды суреттер, шана, шаңғы, коньки, хоккей құралдары, ойынға қажетті заттар, формаға салынған мұздар.

Мотивациялық қозғаушылық

Жылулық шеңбері

Шеңбер болып тұрайық,

Алақанды ашайық.

Күннің нұрын алайық,

Таза ауаны жұтайық.

Жүрекке жылу салайық,

Мейірімділік шоғын алайық.

Жиналған жылы шуақты

Қонақтарға шашайық

Сәлеметсіздер ме, қонақтар!

Миға шабуыл:

Балалар қазір қандай мезгіл? (қыс мезгілі)

Балалар, қыс мезгілінде неше ай бар? (үш ай бар)

Ал, қыс мезгілі қандай болады екен? (қарлы, боанды, аязды, ызғарлы)

Қыс айлары туралы не білеміз?

(Желтоқсан жыл аяғы, қыстың басы.Ол суық, ызғарлы болады.

Қаңтар жыл басы, қыс ортасы, ол ең қарлы ай.

Ақпан жел мен боранның айы, қыстың соңғы айы.)

Жақсы балалар, енді менің жұмбағымның шешуін тауып көріңдер.

Қыста ғана болады,

Ұстасаң қолың тоңады. (қар)

Мінсем,Төменге зу етем,Өрлесем,Оны өзім сүйретем. (шана)

Табаныма байладым,Қос таяқпен айдадым. (шаңғы)

Табанға қанжар байладым,Бетінде айна ойнадым. (коньки)

Айнымайды шыныдан,

Қорқады тек жылыдан.(Мұз)

Ғажайып сәт

Балалар бұл жұмбақтың жауаптары не туралы деп ойлайсыңдар?Қысқы ойындар, ия дұрыс айтасыңдар, жарайсыңдар балалар. Біздің бүгінгі өтетін тақырыбымыз қысқы ойындар туралы. Қазір балалар біз мына жасырынып тұрған затты ашып көрейік.

Коньки, мұз үстінде сырғанауға арналған жабдық. Негізі өткір және аяқкиімге бекітілетін екі қосымша аумағы шағын екі мойыннан тұрады.Мәнерлеп сырғанауға арналған конькилер,хоккей ойнайтын конькилер,жүгіретін конькилер.

Шана балалар қыста ойнайтын құрал.Шананы тек қыста, жерде қар барында ғана пайдаланады. Балаларға арналған кішкене шананы өнеркәсіп орындары шығарады.

Хоккей — қақпалар орнатылған арнайы алаңда таяқпен, шайбамен ойналатын командалық спорт түрі. Ойын қыста шайба және доппен мұз үстінде өтеді;