Сабақта саралау тапсырмаларын ұсыну жолдары

Сабақтың тақырыбы:

Сабақта саралау тапсырмасын беру жолдары

Тренердің аты-жөні: Мирманова С. И

Күні: 17.08. 18 ж

Шебер сабаққа негізделген мақсаттар

Мұғалімдерге оқушылардың саралау тапсырмасын орындауға бағытталған тиімді жолдарын ұсыну

• Сабақ өткізуде оқушы белсенділігінің әсерін арттыруда, • әр оқушының мүмкіндіктерін, қабілеттерін, қызығушылықтарын анықтауда, • жеке тұлғаға бағытталған білім беру жүйесіне көшуде мұғалімдерге көмек ретінде интербелсенді әдістерді ұсыну;

Сабақ нәтижесі:

• Сабақ өткізуде оқушы белсенділігінің әсерін арттырады; • әр оқушының мүмкіндіктерін, қабілеттерін, қызығушылықтары анықталады; • жеке тұлғаға бағытталған білім беру жүйесіне көшуде мұғалімдерге көмек ретінде белсенді оқу әдістерін қолдану жолдарын үйренеді;

Бағалау критерийі

Жеке, жұптық, топтық тапсырмаларды орындай алады.

Пән мұғалімдері сабақтарында саралау тапсырмасын орындатуда интербелсенді әдістерді қолданады.

Ресурстар

Слайд, суреттер, топқа бөлуге арналған кеспе қағаздар және әртүрлі заттар, топтық тапсырмалар, кері байланыс, стикер.

Әдіс-тәсілдер

«Өзіңізге тілегенді басқаларға тілеңіз!», «Пазл» әдісі, «Қос шеңбер» әдісі, «Крест-нөл» ойыны, « Атаулар туралы 3 сұрақ» әдісі, «Блум» таксономиясы, «Конверттегі сұрақ», кері байланыс түрлері: «РАФТ», «Қосу,алу, қызықты», «ПОПС», «Синквейн» әдісі

Шебер сабақтың жоспары

Жоспарланған уақыт

Сабақ барысы :

«Өзіңізге тілегенді басқаларға тілеңіз!»

«Пазл» әдісі

«Жаңғырық» мәтінін оқиды және қорытынды пікір ұсынады

Басталуы

5 минут

Ойтүрткі сұрақтар

қойылады

Ұйымдастыру кезеңі 2 минут Сәлемдесу

Психологиялық жағымды ахуал қалыптастыру

Топтасады

3 минут «Жаңғырық» мәтінін тыңдайды. Тақырыпты ашады.

Қорытынды ықтимал жауап: «Біз өзіміз, мұғалімдер, не берсек алдымыздағы біздің оқушымыздан соны аламыз. Қысқаша айтқанда, не ексең –соны орасың»

Бүгінгі тақырып: «Сабақта саралау тапсырмасын беру жолдары

Жаңа білім

5 минут

Білу және түсіну:

Саралау тапсырмаларын қандай әдістер арқылы орындатуға болады?

1.Саралап оқытуда негізделген технология дамыта оқыту идеясын жүзеге асыруға мүмкіндік бере ме?

2.Саралау тапсырмалары оқушының ойлауын, елестету мен есте сақтауын, ынтасын,белсенділігін, дағдысын, білім сапасының дамуын қамтамасыз етуге ықпалы бар ма?

3.Өз тәжірибелеріңізде саралау тапсырмасын үнемі қолданасыз ба? Саралау тапсырмаларының артықшылықтары қандай?

4.Саралау тапсырмасын орындату арқылы оқушының білім деңгейін анықтауға бола ма?

«Ойлан! Жұптас! Бөліс!» әдісімен саралау жұмысын орындауда қолданатын әдіс түрлері және оның ерекшелігі туралы айтады.

Нәтижесінде: • тиянақты білім; • қиялдау мен шығармашылық; • тез тіл табысу; • белсенді өмірлік көзқарас; • командалық рух; • жеке; дербестік құндылық; • өз пікірін білдіру, еркіндік; • іс - әрекетке ерекше назар аудару; • өзара сыйластық дағдылары дамиды

«Ойлан! Жұптас!

Бөліс! » әдісімен әр топ саралау тапсырма-лары және оның тиімділігі, ерекшелігі туралы өз ойларын айтады.

Ортасы

20 минут

Қолдану: «Крест-нөл» ойыны, « Атаулар туралы 3 сұрақ» әдісі, «Блум» таксономиясы, «Конверттегі сұрақ» жаттығуы

1-топқа : «Крест-нөл» ойыны

2-топқа : « Атаулар туралы 3 сұрақ» әдісі

3-топқа : «Конверттегі сұрақ» әдісі

4-топқа : «Блум» таксономиясы

Нәтижесінде:

-Белсенді оқу әдістерін пайдаланады Ойын түрлері; Жеке және жұптық, топтық жұмыстар; Оқушылардың өз бетінше іс - әрекеттері; Нақты жағдайлар, олардың нәтижесін жасау; Сұрақтар қоюда ынталандыру (СТО - ға үйрету); Оқыту мәселелері

-Өз тәжірибесінде саралау тапсырмаларын орындайды.

Әр топ өздеріне берілген әдіс арқылы сұрақ төңірегінде ой бөліседі.

Сергіту сәті

2 минут

«Бәрі де өз қолыңда» бейнефильм

Ойтүйін жасайды

Кері байланыс:

8 минут

Синтез:

1-топқа:«РАФТ»

2-топқа:«Қосу,алу, қызықты»

3-топқа:«ПОПС»

4-топқа:«Синквейн»

Қосымша ақпарат

Саралау – Сіз қосымша

көмек көрсетуді қалай

жоспарлайсыз? Сіз

қабілеті жоғарыларға тапсырманы

күрделендіруді қалай

жоспарлайсыз?

Бағалау - Оқушылардың

үйренгенін тексеруді

қалай жоспарлайсыз?

Рефлексия

Сабақ / оқу

мақсаттары

шынайы ма?

Бүгін әріптестер

не білді?

Мен жоспарлаған

саралау шаралары

тиімді болды ма?

Мен берілген

уақыт ішінде

үлгердім бе? Мен

өз жоспарыма

қандай түзетулер

енгіздім жəне

неліктен?

Қорытынды бағамдау

Қандай екі нəрсе табысты болды (келешекте ескеріңіз)?

Қандай екі нəрсе сабақты жақсарта алды (алдағы уақытта ескеріңіз)?

1-қосымша

«Өзіңізге тілегенді басқаларға

Әр оқушыға 10-15 секунд уақыт аралығында ішінде өзіне бір немесе бірнеше ізгі тілек тілеу тапсырылады. Содан кейін қатысушылар жұпқа бөлініп, бір-бірінің қолынан алып, жаңағы өзіне тілегенді жұптасына айту керек. Мұғалімнің да бұл іске қатысқаны дұрыс. Тілектерді бір-біріне топ ішінде де айтуға болады.

2-қосымша Тыңдалым «Өмір жаңғырығы»

Ғани әкесімен бірге үлкен тау жартастарының арасымен серуендеп келе жатқан еді. Кенет Ғанидың аяғы кішірек тасқа сүрініп кетіп: А-а-а-а! деп айқайлап жіберді. Сол кезде жоғарыдан А-а-а-а! деген дауыс естілді. Ғани өзінің даусының қайталанғанына таңырқап:

– Сен кімсің? - деп дауыстағанда, Ғаниға:

– Сен кімсің? - деген жауап келді.

– Ғани түкке түсінбей жынданып:

– Сен қорқақсың! - деп бақырды.

Таудан шыққан дауыс та:

– Сен қорқақсың! - деп жауап берді.

Қатты ашуланған Ғани әкесіне қарап:

– Әке, бұл кім өзі? - деп сұрады. Әкесі:

– Ұлым, менің сөзіме құлақ сал, - деді де тауға қарап тұрып:

– Мен сені жақсы көремін! - деп айқайлады.

Таудан:

– Мен сені жақсы көремін! –деген жауап келді. Әкесі тағы да айқайлап:

– Сен әдемісің! -деді. Жауап:

-Сен әдемісің! - деді.

Ғани не болғанын білмей, таңданып тұрып қалды. Әкесі жаңғырықтың сырын былай деп түсіндіріп берді:

– Мұның атын жаңғырық дейді. Жаңғырық адам баласына көптеген нәрсе үйретеді. Сен өміріңде не істесең, істеген ісіңнің сыбағасын аласың. Өмір айна сияқты. Сен қандай болсаң, солай көрсетеді. Егер мейірімділікті каласаң, мейірімді болуға тиіссің. Адамдардың сабырлы болуын қаласаң, сен де сабырлы бол. Адамдардың қайырымды болуын қаласаң, сен де қайырымды бол.

Бұл – өмір заңдылығы. Өмірде кездейсоқтық деген нәрсе жоқ. Сондықтан өзің түзелмесең, өзгелерді түзей алмайсың.

3-қосымша

«Ойлан, жұптас, бөліс» – оқушыларға қандай да болмасын сұрақ, тапсырма берілгеннен кейін оларды тыңғылықты орындауға бағытталған тәсіл. Тақтада сұрақ, тапсырма жазылғаннан кейін әрбір оқушы жекеше өз ойлары мен пікірін берілген уақыт ішінде (2-3 минут) қағазға түсіреді. Содан кейін оқушы жұбымен жазғанын 3 – 4 минут талқылайды, пікірлеседі. Мұғалім 2-3 жұпқа өз пікірлерін бүкіл сыныпқа жариялауын сұрануына болады.

«Крест-нөл» әдісі 1-топқа «Менің атым Қожа» хихаяты бойынша

1. Өзіңіз және кітаптағы басты кейіпкер жайлы өлең жазыңыз – сіздің оқырмандарыңыз сіз бен кейіпкердің ұқсастықтары мен айырмашылықтарын көруі қажет. Әр өлеңде анағұрлым маңызды белгілерді көрсетуді ұмытпаңыз.

2. Кітаптағы кейіпкер туралы 20 жылдан соң орын алған жағдай сипатталады. Бөлігін жазыңыз. Оны өмір ағысы қайда апарды? Не себепті? Енді өзіңіз туралы да дәл солай етіңіз, 20 жылдан кейін сіз қандай боласыз. Екі мәтіннің де қызықты мақала екеніне көз жеткізіңіз.

3. Сіз «портрет жасаушысыз». Жеке қасиеттеріне назар аудара отырып, кітаптағы қызықты кейіпкердің толық әрі пайдалы бейнесін жазыңыз және көрсетіңіз. Өзіңіз үшін де солай етіңіз.

4. Романдағы оқиға орын алған жерге ұқсас қаланы/жерді зерттеңіз. Салыстыру жасау үшін карта, эскиз, халық саны және өзге де демографиялық деректерді пайдаланыңыз.

5. Сіздің өміріңіз бен кейіпкер өміріндегі маңызды жерлер моделін немесе картасын жасаңыз. Оқырмандарға қандай жерлерді ұнататыныңызды түсінуге көмектесіп, сіздің өміріңіз бен кейіпкер өміріндегі жерлердің не үшін маңызды екенін көрсетудің әдісін табыңыз.

6. Уақыт пен орын, сол уақытта орын алған белгілі бір оқиғалар адамдар мен оқиғалардың қалыптасуына ықпал етеді. Осы кітапты пайдалана отырып, ойыңызды сенімді түрде дәлелдейтін әдіс табыңыз.

7. Өмірі мен тәжірибесі қарастырылып отырған романның тақырыбымен ұқсас тарихта болған әйгілі адам немесе ағымдағы оқиға жайлы мәлімет табыңыз. Олардан өзіңізге қандай сабақ алғаныңызды бізге көрсету үшін шығарма жазыңыз.

8. Романның түйінді тақырыбын зерттейтін таныстырылым жасаңыз. Таныстырылымыңызда кем дегенде үш әдіс пайдаланыңыз (мысалы, бейнелеу өнері, әуен, фотосурет, поэзия, драма, мүсін өнері, каллиграфия және т.б.).

9. Кітаптың негізгі ойына сәйкес келетін, оны бейнелейтін бірнеше ән таңдаңыз. Аудио-коллаж дайындаңыз. Тыңдаушыға осы әннің кітаптың ойын қалай көрсетеді деп ойлайтыныңызды түсінуге көмектесетін көрсетілім картасын жазыңыз.

2-топқа

«Атаулар туралы 3 сұрақ»

Мұғалім сабақ басында жаңа тақырып бойынша үш терминді тақтаға жазып, оқушыларға осы атауларға қатысты мынандай сұрақтарға жазбаша жауап беруді тапсырады:

1.Қайда? Бұл терминдерді сіз бұрынырақта қайда және қандай мағынада кездестіріп едіңіз?

2. Қалай? Өз тәжірибеңізбен осы атауларды қолданудың мысалдарын келтіре аласыз ба?

3. Қандай? Осы сабақта бұл атаулар қандай қолданыста болады деп ойлайсыз?

Терминдер: «Етікші», «Пайда-зиян», «Қарыз»

Ақылды етікші

Бұрынғы өткен заманда бір патша болған екен. Оның әрбір тәртібін халқы екі етпей уақытымен орындап тұрады екен. Бір күні бұл патша: «Менің әрқашан халық пайдасына еткен әмірім орнына нақпа-нақ келіп тұрады және халқым да мені жақсы көреді. Сондықтан да мен…