Сабақтағы кері байланыстың маңызы, 3 сынып

Тақырыбы: «Сабақ беру үдерісіндегі кері байланыстың маңыздылығы және ерекшелігі»

Мен, Айшабибі орта мектебінің бастауыш сынып мұғалімі Раймбекова Күмісай Кенсебайқызы сіздерге «Сабақ беру үдерісіндегі кері байланыстың маңыздылығы және ерекшелігі» тақырыбында бейнедәрісті ұсынамын. Аталған дәріс барысында төмендегі сұрақтар аясында ой бөліскім келіп отыр.

1.Кері байланыс дегеніміз не?

2.Кері байланыс жүргізудің мақсаты мен маңыздылығы.

3.Кері байланыстың тиімді түрлері және ерекшеліктері.

Бұл тақырып қазіргі кезде өте өзекті тақырыптардың бірі болып келеді.

Соңғы жылдар кері байланысты орнату көптеген ғалымдардың назарында. Кез келген әлеуметтік ақпараттық қарым –қатынастын, сондай ақ оқу үдерісінің қатысушылар арасындағы өзара қарым қатынастың тиімділігін дәлелелі ретінде кері байланыстын маңызы өте зор. Өйткені мұғалім де оқушы да сабақ барысында екі жақты өзара іс- әрекетті ұйымдастыру нәтижесінде дер кезінде кері байланыс алуға мұқтаж.

1.Кері байланыс дегеніміз не?

1. Кері байланыс дегеніміз не?Кері байланыс (ағылш. feedback) – адамның өзі куә болған оқиғаға немесе басқалардың әрекетіне айтылған пікірі, реакциясы. Көп жағдайда кері байланысты мұғалімдер сабақтың, соңында жазбаша түрде сабақтың өтуі, оқушының көңіл күйі және оқушылардың ойын білу үшін ғана алатынын анықталған. Алайда кері байланыс дегеніміз не? Оның маңызы не екенін көбіне біле бермейміз және оған аса мән бере бермейміз.

Ал кері байланыс не мақсатпен алды, одан әрі қарай не істеу керек, ондағы сұрақтар мен оқушылардын сұрақтарынан кері байланыс болды ма деген сұрақтар туындап жатады. Демек кері байланыс тиімді болу үшін оқушылардан тек сабақ ұнадыма? Не түсіндіңдер? Не қиын болды? Т.с.с сұрақтар қойып, оған ауызша не жазбаша жауап алудан ғана тұрмайды.

Кері байланыс арқылы оқушыларыныз ұғу мақсатқа жете алды ма жоқпа, тақырыпты түсініп, түсінген тәжірибеде қолдана алды ма? Түсінбеген жағдайда не себепті түсінбеді неден қиналды. Түсіну үшін не істеу керек, оқушының сабақта көңіл күйі қандай болу, міне осындай сұрақтарға мұғалім оқушылардың берген жауаптары арқылы өзінің әрекеттерін бағалап рефлексия жасап, қай жерде нені дұрыс жасамады. Таңдаған қолданған әдістердің тиімділігін ойланып келесі сабақта жоспарлағанда орын алған кемшіліктерді болдырмауға тырысады. Ал, оқушы тиімді кері байланыс арқылы өзіндік және өзара бағалау жасауға, өзін- өзі реттеуге, білім алуға, жауапкершілікті өз мойнына алуға дағдыланады.

2.Кері байланыс жүргізудің мақсаты мен маңыздылығы.