Сайын Мұратбековтің Жабайы алма повесі туралы эссе

Түрксіб ауданы Алматы қаласы

«Д.Бабаев атындағы №115 жалпы

білім беретін мектеп»КММ-нің

10 –сынып оқушысы

Шагизандаева Айтолқын

Сайын Мұратбековтың «Жабайы алма» повесі

Егемендігіміздің 25 жылдығына орай еліміздің шаһарларында түрлі іс-шаралар өткізілді. Мен білім нәрімен сусындап жүрген білім ордасы да мұндай шараларды өткізуде алдыңғы шепте десем, қателеспеймін. Солардың бірі «Жиырма бес жұлдызды күн» аясында жиырма бес күн бойы мектебімізде ашық сабақтар өткізілді. Оқушыларымыз да бір жағадан бас, бір жеңнен қол шығарып, тәуелсіз, кең байтақ мекеннің ұландары ретінде өз үлестерін қосты. Осы жиырма бес күн ішінде өткен тарихымызға көз жүгіртіп, жаужүрек бабаларымызды еске алдық. Сол бабаларымыз сан қилы қиыншылықтарға мойымай, күресіп, дәл осындай бейбіт аспан сыйлағандарына алғыс айтып қана қоймай, болашағымызға да сапар шегіп қайттық. Бұл шараның ізін суытпай мектепшілік «25 ән, 25 кітап» атты үлкен іс- шара да басталып кетті.

Менің ойымша, бұл бастама дәл уақытында қолға алынып жүзеге асып отыр. Себебі бүгінгі ұрпақ, біз, осы 25 жылдың ішінде жазылып, дүниеге келген шығармалар мен қазақ халқының өмір салтын, мінез-құлқын сипаттап, өткенге саяхаттауға мүмкіндік беретін халық әндері мен халық жазушыларының шығармаларымен етене таныстық. Демек, тарихымызға терең бойлап, көптеген жаңа мәліметтерге қанық болдық.

Осы айлықтың барысында, мен, қазақ әдебиетінің көрнекті өкілі, көркемсөз өнерінің хас шебері Сайын Мұратбековтың қаламынан туған туындыларының бірі «Жабайы алма» шығармасын оқыдым. Себебі, көптен бері осы туындыны оқығым келіп жүрген. Сірә, Ыбырай атамыздың «Тілегнің алдыңнан іздемей-ақ табылар » деген сөзі дәл осындай сәттерде айтылса керек.

Сайын Мұратбековтың қай туындысын алып қарасақ та, бірінен-бірі асып, оқырман жүрегін бірден жаулап алады. Оның шығармалары оқиға желісінің шынайылығымен, тілінің көркем де өрнектілігімен,кейіпкерлердегі адамгершілік қасиеттерінің биіктігімен дараланып тұрады.

Соғыс жылдарындағы ауыртпалықтары мен қиындықтар, сол қиын жылдардағы ауыл өмірі,еңбек адамдарының төзімділігі мен бір-біріне деген шынайы достық қарым-қатынастары шебер суреттелген шығарма. С.Мұратбековтың «Жабайы алма» повесі «Тау бөктері тұтасқан жабайы алма болатын. Соғыс жылдары біз, жас балалар, қалың бөргезге қол-аяғымызды қызыл ала жоса ғып жырғызып, ұзақты күнге алмадан таңдап,…