Сәкен шығармашылығына арналған әдеби материал

Фейсбукте жарияланды

«Бір аймақ – бір кітап» акциясы бойынша өткізілген іс-шара

Сыршыл Сәкеннің туындысы

Жуырда мектебіміздің 8-11сыныптарына арналған «Бір аймақ, бір кітап» акциясы бойынша қазақтың көрнекті ақын, жазушысы сыршыл Сәкеннің «Тар жол тайғақ кешу» туындысы бойынша таныстыру жұмысы жүргізілді.

Мектебіміздің қазақ тілі мен әдебиет пәндерінің мұғалімдері бір кісідей ат салысып, мектеп кітапханашысымен бірлесе өткізген іс-шарасын бастап жіберді.

Жиынға қатысқан оқушыларға мектеп кітапханашысы З.Абжанова С.Сейфуллиннің өмірі мен шығармашылығына тоқтала келіп, кітап сөресіндегі деректермен таныстырып өтті.

Қазақ әдебиетінің негізін салушы мемлекеттік қайраткер, дарынды ақын, шебер драматург Сәкен Сейфулиннің аталмыш шығармасымен катар поэзиялық туындыларын да тілге тиек етіп, оқушылардың дүниетанымын арттыратын сұрақ-жауап ұйымдастырған қазақ тілі мен әдебиеті бірлестігінің мұғалімдері Б.Сағатова, М.Матикулова, Г.Касимованың жоспарға сай топқа бөліп өткізген таныстырылымы да сәтті болды.

«Бір аймақ, бір кітап» акциясының тиянақты өтілуіне жауапты М.Хизирова мектеп оқушыларын өтілетін іс-шара жоспарымен толықтай таныстырып, мектептегі қазақ тілі, әдебиеті өткізілетін 206-кабинетте аталмыш акцияға арналатын бұрыш ұйымдастырылатынын айтып өтті.

«Әдебиет – өмір айнасы», - деп Ғ.Мұстафин айтқандай, өскелең ұрпақтың бойында әдеби туындыларға деген қызығушылығын арттырып, рухани баюға ден қоятын жастарды тәрбиелеу – әрбір мұғалімнің бүгінгі күні алға қойған бірден-бір мақсаты деп ойлаймын. Соған орай, болашақта оқушыларға арналған іс-шараларға әрбір бірлестік мұғалімдерімен бірге ата-аналарды да жұмылдыруды жөн көріп отырмыз...

Қазақ тілі және әдебиетінің мұғалімі М.Х.Хизирова