Сәлемдесу тақырыбына қысқа мерзімді жоспар 5 сынып

Ұзақ мерзімді жоспар тарауы: 1-бөлім. Мәдениет: тіл және қарым-қатынас

Мектеп: Заңғар ЖОББМ

Күні: Мұғалімнің аты жөні: Сегизаева Т.Ж

Сынып: 5 Қатысқандар: Қатыспағандар:0

Сабақ тақырыбы

Сәлем –сөздің атасы

Осы сабақта қол жеткізілетін оқу мақсаттары (оқу бағдарламасына сәйкес)

5.О6. Оқылым стратегияларын қолдану: жалпы мазмұнын түсіну үшін оқу, нақты ақпаратты табу үшін оқу.

5.Ж2.Жанрлық ерекшеліктеріне сай ресімделуі мен құрылымын сақтап, хат, жарнама, хабарландыру құрастырып жазу.

Дәйектеме: алынған оқу мақсаты оқушылардың оқу деңгейлерінің дағдыларын арттырады, жалпы мәтін мазмұнын түсініп оқып, нақты ақпараттарға көңіл бөлуге ықпал етеді.

Сабақ мақсаты

Барлық оқушылар орындай алады: жалпы мазмұнын түсінеді, нақты ақпаратты табады, хат, жарнама, хабарландыруды қолдау көрсететін нұсқаулық бойынша құрастырып жаза алады.

Оқушылардың көпшілігі орындай алады: оқылым стратегияларын қолданады, мәтінді зерделеп оқиды, құрылымын сақтап, жанрлық түрлерін ажыратып, хат, жарнама, хабарландыру құрастырып жазады.

Кейбір оқушылар орындай алады: мәтінді талдай отырып оқиды, жанрлық ерекшеліктеріне сай ресімделуі мен құрылымын сақтап, хат, жарнама, хабарландыру құрастырып жазады.

Бағалау критерийі

-мәтін мазмұнын түсінеді;

-нақты ақпаратты табады;

- жанрлық ерекшеліктеріне сай ресімделуі мен құрылымын сақтап, хат, жарнама, хабарландыру құрастырып жаза алады.

Ойлау дағдыларының деңгейлері

Білу мен түсіну, қолдану, талдау, жинақтау,бағалау.

Тілдік мақсаттар

Пәнге қатысты сөздік қор мен терминдер:

Ишара, жақындық ниет, ілтипат, инабаттылық, хат, жарнама, хабарландыру.

Құндылықтарға баулу

Шығармашылық, сыни тұрғысынан ойлау, адамгершілік, сыпайылық, қарым-қатынас, жауапкершілік.

Пәнаралық байланыс

Өзін-өзі тану, әдебиет, тарих,АКТ

Алдыңғы білім

Тіл туралы не білеміз?

Сабақтың жоспарланған кезеңдері

Сабақта жоспарланған жаттығу түрлері

Ресурстар

Сабақтың басы

2 минут

Білу

4 минут

«Сәлемдеме жіберіңіз» жаттығуы арқылы ойын жүргізіледі . Нақыл сөз жазылған затты ишара қойылған бірнеше қабат қағазға ораймын.

( Оқушылар әуен ойнап жатқанда оралған затты сынып ішінде береді, музыка тоқтаған кезде, оқушы бір қабатын ашады. Затты анықтауға көмектесетін ишара қойыңыз, оқушылар оны тауып, одан кейін оралған затты әрі қарай береді. Осылайша орамасы біткенше жалғасады).

«Сәлемдесу» сөзіне «Сөзді тап» әдісін қолданып, тақырыпқа шығу.

Үш түсті стикерлерге сөздерді жазып жапсырады. Жеке жұмыс

Стикер түстеріне байланысты топқа бөлінеді.

Дәйектеме:( «Сөзді тап» әдісі арқылы сабақ тақырыбына байланысты белсенділіктері мен қызығушылықтары артады.«Қол шапалақтау» бағалауы сабаққа ынталандыру үшін тиімді.)

Үлестірме материалдар, 189-бет

Үлестірме материалдар,

189-бет.

МАН, 29-бет.

Жалпы сыныппен.

«Қол шапалақтау»

Сабақтың ортасы

Түсіну

9 минут

4 минут

Қолдану

7 минут

Талдау

5 минут

6 минут

Жинақтау

4 минут

1-тапсырма. Мәтіндерді зерделеп оқып, төмендегі тапсырмаларды орындаңыз.

Жұппен жұмыс.

Сәлем – сөздің атасы

«Сәлем – сөздің атасы» дейді қазақ. Осы сәлем сөзінің мағынасын аша түссек, араб елінде тыныштық, бейбітшілік, сенімділік деген мағынаны білдіреді. Сәлемдесу – бұл ишара, жақындық ниет, ілтипат білдіріп, жылы шырай таныту. Адамшылық әдеп амандасудан басталады.

Адамдардың қол алысып амандасу тарихы қалай пайда болған деген сұраққа келсек, ежелгі тас дәуірінде адамдар бір-бірімен жауласып, кездейсоқ кездескенде қолтықтарына тас қысып жүретін болған. Оның себебі – адамдардың бір-біріне деген сенімсіздіктерінен туындаса керек. Адамдар бейбітшілікпен, шын ниетімен бір-біріне қос қолдап қол беріскен кезде қолтығындағы тасы түсіп қалатын болған.

Дәмділігін жаңғақтың,

Дәнегінен байқарсың

Ықыласын жақсының,

Сәлемінен байқарсың!

Сәлемдесу арқылы біз дұрыс сөйлеп, сөз әдебін қалыптастырамыз.

Қазақ халқы салт-дәстүрге өте бай халық. Ананың ақ сүтімен, әкенің қанымен бойымызға сіңген салт-дәстүріміздің ғасырдан-ғасырға ұрпақтар көшімен бірге ілесіп, өз құндылығын жоғалтпай келе жатқаны да тегін емес.

Халқымыз амандық сұрауға, сәлем беруге ерекше мән берген. Сол себептен ата-ана баланы жасынан үлкенге құрмет, кішіге ізет көрсетуге баулыған. Амандасудың, сәлем айтудың астарында адамдардың бір-біріне деген ыстық ықыласы, құрметі, сыйластығы жатыр. Әр сөзді сәлемдесуден бастайтын халқымыздың осы бір жақсы қасиеті көпшілікті татулыққа, сыпайы-лыққа, мәдениеттілік пен парасаттылыққа үндейді.

Сәлемдесу-амандық білісудегі әдеп жолы. Халқымыздың сәлемдесу әдебі ғасырлар бойы қалыптасқан... . Сәлемдесу адамдардың жас ерекшелігіне , жынысына , т.б.

Сәлемдесудің көп түрінің бірі-алыс жолдан келген жолаушы немесе сол елдің адамы ауыл ақсақалдарына, белгілі адамдарға әдейі іздеп келіп сәлем беруі. Қазақта «алыстан алты жасар бала келсе, алпыстағы шал сәлем береді» деп жөн білетін үлкендердің өзі барып сәлемдесетін де жол бар.

Ал келесі түрі- келіндердің сәлем салуы. Сыйлы ата-ене, қайын ағаларына кездескенде , көріп қалғанда келіні оларға иіліп сәлем қылады. Келіннің сәлем салуы әдептілік пен сыйлаудың белгісі ретінде қабылданады.

Сәлемдесудің тағы бір түрі-құрдас, құрбылас ер кісілердің сәлемдесуі. Олар бір-бірін көре қалғанда қол беріп, ал көптен көріспеген достар құшақтасып, төс қағыстырып сәлемдеседі. Жасы үлкен адаммен сәлемдескенде жасы кішілер жағы аттан, көліктен түсіп барып және әрқашан қос қолын беріп амандасады.

(296 сөз)

«Дедукция» әдісі арқылы мәтіндерден нақты ақпаратты анықтайды.

Сәлем сөздің

мағына-сы

Қол алысып амандасу тарихы

Сәлем беруге ерекше мән беру

Сәлемде-су түрлері

Дескриптор:

- зерделеп оқиды;

-мәтіндерден нақты ақпаратты анықтайды.

Бағалау. «Сәлем салу» қалтасы бойынша бағалау. Қызыл түс-түсінген жоқпын;Сары түс-әлі де түсініксіз ; Жасыл түс-түсінікті.

(Дәйектеме: тұтас мәтінді бөлшектерге бөліп, мазмұнын түсіну үшін тиімді тәсіл. «Сәлем салу» қалтасы бағалауы тренеріміздің ұлттық құндылықтарға көңіл бөлу бағытынан туған ой).