Сандарды көзге елестету арқылы есте сақтау 3 сынып

Тақырыбы: «Визуалдау»

Мақсаты: көріп есте сақтауды жаттықтыру Формулалар мен қысқа сандарды жаттау үшін бар зейінді аударып, ойда бейнелерді қалыптастыру керек.

Оқушыға нұсқау:  Есте сақтау керек санды ойда елестет те, үзіліс жаса;  Сол сан көк аспанда сары түспен жазылғанын елестет;  Осы бейнені санаңда 15 секундтай ұстап тұруға тырыс;  Дауыстап қайтала. Сергіту сәті. Ойын. «Төрттік» Мақсаты: қозғалыс анализаторымен есту координациясына тәуелді зейінді дамыту

Ойыншылар дөңгеленіп отырады, жүргізуші ойынның шартымен таныстырады. Егер ол: «Жер» сөзін айтса, балалар қолдарын төмен түсіруі керек, егер «Су» десе, қолдарын алдыға созулары тиіс, ал «ауа» дегенде қолдарын жоғары көтеруі керек, «От» дегенде, қолдарының басын айналдырулары қажет. Ойын екі рет қайталанады, екінші рет қателескен оқушы ойыннан шығады.

Тапсырма. «Есту сынақсөзі» Мақсаты: «жалпы қабылдауды» жеңу, біртұтас бейненің бөлек элементтерін есте сақтауды үйрету.

Балаларға орташа көлемдегі мәтінді 2 қайтара оқиды. Оқушылар оны мұқият тыңдап, алдын ала шарт бойынша, таңдалған әріптен басталатын сөздерді теріп жазулары керек. Егер балалар тапсырма орындауда қиналса, сол сөздерді сурет, белгілер арқылы бейнелеулеріне болады.

Есту және көру сынақсөзін әр сабақта кезектесе отырып жүргізу арқылы баланың хат жазуын жақсартуға болады.

Сабақты пысықтау. Қоштасу.Үй тапсырмасы. Өтілген тақырыпты ата – ана үйде баламен бірге қайталауға тиісті. Логикалық ойлау қабілетін арттыру мақсатында «Сөздер жұбы» ойынын ойнатуға болады. Балаға мынадай нұсқау беріледі: «Сөздердің екінші жұбын есіңде сақта!». Сөздер жұбы мынадай болуы мүмкін: мысық – сүт, нан – май, бала – ойыншық, қыс – сырғанақ, дастархан – торт, тіс – щетка, өзен – көпір.

Мақсаты: коммуникативті қабілеттерді кемелдендіру, саналы қабылдауды, зейінді дамыту, көріп есте сақтауды жаттықтыру, ұжыммен бірлесе жұмыс жасай білу дағдысын, байқампаздықты, реакция шапшаңдығын, ерікті әрекетті дамыту.

Қажетті құрал – жабдықтар: орындықтар, қарандаштар, өшіргіштер, үлестірмелі материалдар, секундомер.

Сәлемдесу. Ойын. «Отырамыз, тұрамыз» Мақсаты: зейінді және байқампаздықты дамыту «Балалар, қане бәріміз бойымызды сергітіп алайық! Өз орындықтарыңа еркін орнығып алыңдар. Мені «Тұрыңдар!» дегенде барлықөтарың орындарыңнан тұрасыңдар, ал «Отырыңдар!» дегенімде барлықтарың отыруларың қажет. Ең бастысы барлықтарың тапсырманы бірдей орындауларың керек».