Санды және әріпті өрнектер, 5-сынып сабақ жоспары

Қысқа мерзімді жоспар

Ұзақ мерзімді жоспар бөлімі: 5.1А Натурал сандар және нөл саны

Мектеп: «Манашы орта мектебі» КММ

Күні:

Мұғалімнің аты-жөні: Самаликова Р.Н.

Сынып: 5

Қатысқандар саны:

Қатыспағандар:

Сабақ тақырыбы:

Санды және әріпті өрнектер, олардың мәндері.

Осы сабақта қол жеткізілетін оқу мақсаттары (оқу бағдарламасына сілтеме)

қосу және көбейту амалдарының қасиеттерін қолданып, әріпті өрнектерді түрлендіру;

әріптердің берілген мәндері бойынша әріпті өрнектердің мәндерін табу.

Сабақ мақсаты:

Оқушыларға қосу және көбейту амалдарының қасиеттерін пайдаланып есеп шығаруды үйрету. Әріпті өрнектердің мәндерін табуды меңгерту. Коэффициенттің әріп көбейткішінің алдында жазылатынын үйрету.

Бағалау критерийі

Қосу және көбейту амалдарының ауыстырымдылық және терімділік қасиеттерін біледі, есеп шығаруда қолданады.

Әріпті өрнектердің мәндерін табады.

Тілдік мақсаттар

Оқушылар:

-қосудың және көбейтудің ауыстырымдылық қасиетін біледі;

-қосудың және көбейтудің терімділік қасиетін біледі;

-коэффициенттің қалай жазылатынын біледі.

Пәнге қатысты лексика мен терминология

Санды өрнек, санды теңдік, тура санды теңдік, әріпті өрнек, коэффициент.

Құндылықтарға баулу

жұппен жұмыс жасай отырып оқушыларды өзара сыйластыққа, сенімділікке баулу;

оқушы өз бетімен ақпаратты табу;

қарым-қатынас орнатуда сыни тұрғыдан ойлану.

Пәнаралық байланыс

Жаратылыстану

Алдыңғы білім

Қосу және көбейту амалдарының қасиеттерін қолдану.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

2 минут

І. Ұйымдастыру

1) Сәлемдесу;

2) Оқушыларды түгелдеу;

3) Оқушылардың назарын сабаққа аудару;

4) Топқа бөлу.

4-слайд

Сабақтың ортасы

3 минут

15 минут

15минут

ІІ. Үй тапсырмасын тексеру:

(мұғалім үйге берілген есепті оқушыларға дәптерлерін ауыстыру арқылы тексереді)

ІІІ. Ой қозғау:

Қосудың және көбейтудің ауыстырымдылық қасиетіне мысал келтір.

Терімділік қасиеті дегеніміз не?

ІV. Жаңа тақырыпты ашу:

1) Санды өрнектер.

5; 4·15+7; 81:3+9; (15+4)·6 – санды өрнектер.

Санды өрнектерді жазғанда:

цифрлар: 1, 2, 3, 4, 5, 6, 7, 8, 9 және 0.

амал таңбалары: + , - , · , : және жақшалар ( ) қолданылады.

Санды өрнек құрамында сан(сандар), сонымен қатар амалдар таңбалары мен жақшалар болуы мүмкін.

Мысалы, 96 : (37 – 29) – санды өрнек.

96 : (37 – 29) санды өрнегіндегі көрсетілген амалдарды орындағанда 12 саны шығады. 12 саны осы өрнектің мәні деп аталады.

Санды өрнектердің мәндерін табу кезінде амалдардың орындалу реттілігі сақталады.

Санды өрнектегі көрсетілген барлық амалдарды орындау нәтижесінде шыққан сан өрнектің мәні деп аталады.

Мысалы, 96 : (37 – 29) = 12

санды өрнектің

өрнек мәні

Оқылуы: 96-ның 37 мен 29 сандарының

айырмасына бөліндісі 12-ге тең.

2) Санды теңдіктер.

12 = 12; 60 : 4 + 8 = 30 – 7; 18 · 5 = 90 – санды теңдіктер.

Егер санды теңдіктің сол жақ бөлігінің мәні оның оң жақ бөлігінің мәніне тең болса, онда мұндай санды теңдік тура санды теңдік деп аталады.

жағы теңдіктің сол жақ бөлігі деп, ал оң

жағы теңдіктің оң жақ бөлігі деп аталады.

Мысалы, 120 : 15 = 8

сол жағы оң жағы

Екі санды өрнектің теңдік белгісімен (=) жазылуы санды теңдік деп аталады.

Мысалы, 72 : 6 + 8 = 20,

72 : 6 + 8 = 20 – тура санды теңдік

3) Әріпті өрнектер.

а; (13 – с) · 2; n : 3 + 10 – әріпті өрнектер.

Әріпті өрнек құрамында әріп(әріптер), сонымен қатар сандар, амалдар таңбалары, жақшалар болуы мүмкін.