Сендер менің бақытымның бұлағы ашық сабағы

Қысқа мерзімді сабақ жоспары

Пәні: Қазақ тілі мен әдебиеті

Мектеп: «Жаныспай негізгі мектебі» ММ

Ұзақмерзімді жоспар бөлімі:Достық пен татулық – таптырмас бақыт.

Мұғалімнің аты-жөні: Жолдаякова Ж.Б.

Сынып:8

Қатысқан оқушылар саны:

Күні:

Қатыспаған оқушылар саны:

Сабақтың тақырыбы

7-8 – сабақтар. «Сендер – менің бақытымның бұлағы».

Осы сабақта қол жеткізілетін оқу мақсаттары (оқу бағдарламасына сілтеме)

8.2.4.1- идеялықжағынанұқсасмәтіндердегіоқиғаларжелісінбағалайотырып, мазмұнныңдамуынсалыстырып, талдау

8.3.4.1-мәтін түрлерін, тілдік ерекшеліктерін салыстырып, талдау

Сабақ мақсаттары

Барлығы мәтін мазмұнын талдайды.

Көбі мәтіннің тілдік ерекшеліктерін салыстырады.

Кейбірі ақын өлеңіндегі негізгі идеяны анықтайды.

Бағалау критерийлері

Т.Айбергеновтің шығармашылығы жайлы ақпарат береді, өз ойын айтады, мәтін мазмұнын, тілдік ерекшеліктерін талдайды.

Тілді мақсат

Пәнге тән лексика мен терминология: залал, күлдір, қызған, жалған.

Диалог пен жазу үшін пайдалы сөздер мен тіркестер:достық, татулық, дарын.

Бастапқы білім

Ақын жайлы айтады. Мұғалім жетекші сұрақтар қою арқылы оқушының бастапқы білімін анықтай алады.

Сабақтың барысы

Сабақтың жоспарланған кезеңдері

Жоспарланған жаттығу түрлері

Ресурстар

Сабақтың басы

Психологиялық ахуал қалыптастыру. Мұғалім «Көңіл күйді анықтау» тренингінің негізінде сабақтың басында оқушыларға А4 парағы мен маркерлер таратады. Оқушылар параққа маркермен өзінің көңіл күйін сипаттайтын сурет (смайлик) (күліп немесе езу тартып тұрған, қабағы түюлі, бейтарап, т.б.) салады.

Қызығушылық ояту. Оқушылардың жаңа сабаққа деген қызығушылығын ояту мақсатында интерактивті тақтадан Т.Айбергенов туралы деректі фильмнен үзінді көрсетеді, ақынның өлеңдерін жатқа оқиды. Көрсетілім болғаннан кейін ой шақыру сұрақтарын қояды: Балалар, біз кім туралы деректі фильм көрдік? Деректі фильмді тамашалайды, өлеңдерін тыңдайды, сұрақтарға жауап береді.

Мәтіналды жұмыс. Мұғалім интерактивті тақтадан тақырыпқа қатысты жаңа сөздермен таныстырады, аудармасын айтады, оқиды, оқушыларға қайталатады, сөздік дәптермен жұмыс жасатады.

Дескриптор:

-жаңа сөздерді үйренеді;

-сөздік жұмысын жүргізеді.

Сыныпты үш топқа бөледі, «Пікірлер парағы» әдісінің негізінде жағдаяттық тапсырманы орындатады

(2-тапсырма).

1-топ – «Достық» ақынмен кездесу кешінің форматын жасайды.

2-топ – «Арман» ақынға қоятын 2 сұрақты дайындайды.

3-топ – «Жеңіс» екі топтың жұмысына баға береді,

сын-пікір айтады.

«Пікір алмасу» тәсілі. Өлең мәтінін оқиды, пікірлерін айтады. Әр топ мәтіннің бөліктеріне 2 сұрақтан құрастырып, жауап жазады. Кейін сұрақтарын екінші топқа, жауапты үшінші топқа береді. Сонан соң үшінші топ бірінші топ пен екінші топтың жауабын салыстырып бағалайды.

Дескриптор:

-оқушылар бір-бірінің жұмысына баға береді;

-пікір айтады.

Қалыптастырушы бағалау. «Интервью» әдісі бойынша топтар бір-бірінің жұмысын бағалайды.

Кері байланыс. «Бір + плюс, бір - минус» стратегиясы. Тапсырманы орындау барысында сәтті шыққан 1 мезетті, сәтсіз, түсініксіз болған 1 мезетті атайды.

Тренинг жазылған парақшалар,

А4 парағы, маркерлер, смайликтер, оқулық, интерактивті тақта

Сабақтың ортасы

Мәтінмен жұмыс. Мәтінмен жұмыс істеу негіздерін қалыптастыру үшін«Дана үкілер» техникасын қолданады. Оқушыларға аудиотаспадан мәтінді тыңдатады, өлең мәтінін мәнерлеп оқытады. Оқушылар тапсырманың шарты бойынша қою қаріппен жазылған сөздердің синонимдерін табады, сөйлемдерді оқиды, берілген сөздердің мағынасы өлеңнің қай шумағындағы оймен сәйкес келетінін айтады, ақынның ішкі сезімін білдіретін фразеологизмдер мен ауыспалы мағынадағы сөздерді теріп жазады (оқулықтағы мәтінді талдауға қатысты тапсырмалар).

Дескриптор:

мәтіннің мазмұнын талдайды;

мәтіннен қажет ақпаратты алады;

ақын өлеңіндегі негізгі идеяны анықтайды;

сөздердің мағынасы мен жасалу жолын түсіндіреді.