Шебердің қолы шешеннің тілі туралы оқу материалы
Sheber Education24 МаусымҚаралды:59Жүктелді:0
Бұл материалда шеберлік пен шешендікке қатысты мазмұн қамтылған. Қазақ тілі пәні мұғалімдері оны сөз мағынасын талдау, тұрақты тіркестерді түсіндіру және оқушылардың тілдік қорын дамытуға арналған оқу жұмысында пайдалана алады.
Материал жүктеу үшін жазылым қажет
Алдын ала көру
Сатып алмас бұрын бірнеше бетін көре аласыз. Толық нұсқасы жүктегенде — жазусыз, сызықсыз.
Материалдан үзінді
Шеше көрген тоң пішер
Ұлттық құндылықтарымыздың бірі һәм бірегейі – қолөнер. Шынайы шебердің қолынан шыққан бұйымдар салт-сана, әдет-ғұрыппен біте қайнасып, қазақ халқының дүниетанымын айғақтайды. Бүгінгі күні ұлттың байырғы мұрасы қайта жаңғырып, жаңару үстінде. Оны кең көлемде насихаттауға Қызылжар ауылының тұрғыны Ләззат Әбутаева сүбелі үлес қосып жүргенін айта кеткен жөн. Тоқыма тоқу мен тігін тігу, кестелеу өнерінің шебері, жеке кәсіпкер Ләззат Әбутаевамен сұхбаттасқан едік...
Сізді ауыл, аудан тұрғындары қолөнер шебері деп таниды. Бұл іспен қай уақытта шұғылданып бастадыңыз?
Қазақта қыз баласы бар қай кезде де апа-аналар қолынан келгенше тігіншілікке, тоқыма тоқуға баулиды ғой. Сол сияқты мен де бала кезімнен тоқыма жұмыстарына әуес болдым. Маған әжем үйретті. Алғашында шұлық, қолғап тоқып бастадым. Кейін анам тігін машинасын алып беріп, сонымен шағын бөстектерде тіге бастадым. Қазір тігін мен тоқымадан бөлек, дәмді торттар жасап, кәсіп жасаудамын.
Сіздің тоқымаға деген әуестігіңіз қазір кәсіпкерлікке ұласқан. Ал кәсіпкер ретінде қашаннан бері жұмыс жасап келесіз?
2005 жылдан бастап осы іспен тұрақты жұмыс жасап келемін. Ол уақытта Жаңаарқа ауданының Түгіскен елді мекенінде тұрдым. Ауыл әкімі өнерімді бағалап, түрлі ұйымдық жарыстарға, кәсіпкерлерді қолдау қорының ұйымдастыруымен өткен байқауларға ұсынысын жасап, грант ұтуыма өз көмегін тигізді. Қазір сол гранттарды жеңіп алу үшін осы іспен 5 жылдай айналысу керек. Менің кәсіпкерлікпен айналысқаныма 7 жыл болды.Қайта қатысқым келеді. Бірақ қатынасу үшін оқытылған арнайы сертификат болу керек екен.
Қазір кәсіпкерлігіңіз қалай жүріп жатыр? Сұранып бар ма? Өзіңізге пайда түсе ме?
Көбінесе күз-қыс мезгілінде шұлық, шашбау, шәлі сияқты бұйымдарға сұраныс көп болады. Енді бұйырса, түрлі жұмсақ ойыншықтарды тоқып, сатылымға шығарамын. Ауданда өтетін шаралардан қалдырмай шақырып отырады, рахметімді айтамын. Тоқылған бұйымдарымды көрмелерге шығарып сатамын, әлеуметтік желіге саламын. Түскен табыстан салық төлеп, қажетті жіптерімді алдыртамын. Алғашында бір киілген киімдерді тарқатып, содан тоқитынмын. Қазір қажетті жіптерімді арнайы дүкендерден балаларым жеткізіп береді. Тоқыған бұйымдарымның бағасын жіптің сапасына қарай бағалаймын. Қымбат жіптермен де тоқуға болар еді, бірақ қалтамның көтеруіне қарай ирандық, ресейлік…
Сабаққа арналған ойындар
Жазылымдар
Өзіңізге ыңғайлы жазылымды таңдаңыз
