Сұхбат алу қағидалары ашық сабағы қазақ тілі

Сабақтың тақырыбы: "Сұхбат алу қағидалары"

Сабақтың мақсаты: Сұхбаттың түрлері туралы оқушыларға толық мағлұмат беру, практикалық тапсырмалар арқылы жаңа сабақты түсіндіру.

а) Білімділік: Сұхбат жайлы толық мағлұмат беру, сұхбаттың түрлеріне

тоқталып, оқушыларға кең түсіндіру, сұхбат алуды үйрету.

ә) Дамытушылық: Оқушылардың сөздік қорларын дамыту, сабақта істеген

жұмыстарын қорғай білу, ең бастысын айқындауды жүйелендіру. Оқушылардың қызығушылықтарын арттыру, жеке қабілеттерін ашу.

б) Тәрбиелік: Оқушылардың эстетикалық, этикалық, бір-бірлерін сыйлай білу қасиеттерін тәрбиелеу. Жалпы адамгершілік қасиеттерін, мейірімділік сыпайы болу қасиеттерін тәрбиелеу.

Сабақтың түрі: Ашық сабақ

Сабақтың оқыту әдісі: Сұхбат, сұрақ-жауап, топтық, дербес

Сабақтың көрнекілігі: Суреттер, газет-журналдар, кітаптар.

Сабақтың барысы:

І. Ұйымдастыру кезеңі

- Сәлемдесу;

- оқушыларды түгендеу;

- оқушылардың зейінің сабаққа аудару;

- оқушыларды жұмысқа бейімдеу;

ІІ. Оқушылардың білімдерінің өзектілігін тексеру.

Өткен материалды қайталап, жаңа сабаққа көшуге бейімдеу, жаңа өнімді шығаруға оқушылардың білімдерін қалыптастыру.

ІІІ. Жаңа сабақ

Сұхбат алу үшін алдымен мына қағидаларды білу міндетті:

1) Сұхбат алуға бармастан бұрын қандай сұрақтар қоятыныды жоспарлап ал.

2) Сұрақтарды еш қысылмай қоя беру керек.

3) Сұхбат алатын адамының қыр-сырын алдымен өзін ізденіп табуын керек, жұмыс істейтін саласынан хабардар болуын керек.

4) Сұхбат алатын адамының қызметтік шені мысыңды басып кетпесін! Сен өз жұмысыңды атқаруың керек. Сенің міндетің - қоғамға толық ақпарат беру.

5) Қоштасар кезде, артық ақпарат керек болса, тағы да хабарласатыныңды ескертіп қой!

Сұхбаттың түрлеріне мыналар жатады:

Дербес сұхбат - бір тілші сұрақ қояды және сұраққа жауап беретіні бір адам

Топтық сұхбат - екі немесе одан да көп тілшілер сұрақ қояды.

Бұқаралық сұхбат - жүзден аса тілшілер немесе одан да көп тілшілер сұхбат алады.

Сұхбат - композициясына қарай, формасы мен ерекшелігіне қарай тағы да:

Сұхбат -диалог -өте көп кездесетін сұхбаттың түрі, сұрақ -жауап ретінде келеді.

Сұхбат-монолог -тілші бір ғана сұрақ қойып, тақырыпты айтады, кейін сұхбат берген адам өзі жауап айтып, көбіне өзі сөйлейді.

Саясаткерлердің берген сұхбаты, жеке кәсіпорындардың есеп-сұхбатын жатқызуға болады.