Сұраулы сөйлем бойынша ашық сабақ 2 сынып

Пәні

Шымкент қаласы, №80 мектеп-лицей

Бастауыш сынып мұғалім:

Тлеубердиева Жазира

Қазақ тілі

Сынып: 2 «Л»

Сабақ тақырыбы

Сұраулы сөйлем

Осы сабақта қол жеткізілетін оқу мақсаттары (оқу бағдарламасына сілтемеу)

2.3.6.1 сұраулы туралы түсінік беру, сұрақ қою арқылы сұраулы сөйлемдерді ажырату.

Сабақ мақсаттары

Барлық оқушылар төмендегіні меңгереді:

Сұраулы сөйлем туралы түсінік қалыптасады, сұраулы сөйлемнің тыныс белгісін біледі.

Оқушылардың көпшілігі:

Сұраулы сөйлемдер құрастыра алады.Шығармашылық тапсырмаларды өз бетімен орындайды.

Кейбір оқушылар:

Еркін сөйлейді, нақты аяқталған ойды білдіретін сөйлемдер құрастырады, сол сөйлемдерді жүйелі жеткізеді және жауап алу мақсатымен айтылғанын дәлелдейді.

Бағалау критерилері

Сұрақ қою арқылы сұраулы сөйлемдерді ажыратады. Тыныс белгілерді қояды.

Тілдік мақсаттар

Сұраулы сөйлем, сұрақ белгісі

Құндылықтарды дарыту

Жауапкершілік, қарым-қатынас құндылықтарын дамыту.

Пәнаралық байланыстар

Әдебиет, жаратылыстану пәнімен байланыс

Алдыңғы меңгерілген білім

Сөйлем дегеніміз не? Хабарлы сөйлем туралы біледі.

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақ басы

2 минут

3 минут

5 минут

(Ұ) Ынтымақтастық ортасын құру.

Шаттық шеңбері:

Біз ақылды баламыз,

Өседі ой-санамыз.

Талаптанып білуге,

Бар ынтаны саламыз.

Жазамыз да, ойнаймыз.

Ойнаймыз да, ойлаймыз.

Үйренуге құмармыз

Білім жолын қуамыз!

Топқа бірігу Қандай ағашты таңдайсыз…

1-топ «Алтын самұрық» тобы

2-топ «Алтын қазына» тобы

3-топ «Алтын сапа» тобы

4-топ «Жас қыран» тобы

Өткенді тақырыпты бекіту «Пирамида сызбасы» әдісі

-Біз қандай үлкен тақырыпты өтіп жатырмыз?

Сөйлем дегеніміз не?

Сөйлем нелерден құралады?

Сөйлемдегі сөздер қалай жазылады?

- Сөйлем қандай әріптерден басталып жазылады?

- Хабарлы сөйлем дегеніміз не? Мысал келтіру

(МК;Ж) Сабақтың тақырыбын ашу

«Сұрақ- жауап» әлеміне саяхат жасаймыз

«Сұрақтар жаңбыры» әдісі

-Бүгінгі сабағымызда сұрақ- жауап әлеміне саяхат жасаймыз

-Балалар тақтаның алдында тағы не байқадыңдар?

-Бұлттар және тамшылар ішінде нелер бар деп ойлайсың?

Жаңбырдың тамшыларынан тапсырмаларды алып сұрақтарға жауап алу.

-Сенің атың кім?

Нешінші сыныпта оқисың?

Сабақ нешеде басталады?

-оқыған сөйлемдерің қандай сөйлемдер деп ойлайсыңдар?(сұраулы)

-сұрақты біз не үшін қоямыз? (жауап алу үшін)

Электронды оқулыққа назар аударамыз

Ереже:

Жауап алу мақсатымен айтылған сөйлемді сұраулы сөйлем дейміз.Сұраулы сөйлемнің соңына сұрау белгісі (?) қойылады.

Оқушылардың өздеріне мысалдар келтірту.

«Жалғасын тап» әдісі

-Балалар, мен асығып жүріп мына сөздерді шашып алдым, сендер маған көмектесіп жібересіңдерме? Мына сөздерден сөйлем құрауымыз керек.

1- топ Сен қай сабақты жақсы көресің?

2-топ Қандай кітап оқығанды ұнатасың?

3-топ Бос уақытыңда немен айналысасың?

4-топ Бүгін сен сабаққа дайынсың ба?

Осы сөздерді талдау арқылы ереже шығарып алу.

Слайд