Сындарлы оқыту заманауи білім берудің талабы мақаласы

Маңғыстау облысы, Мұнайлы ауданы №2 орта мектептің химия пәні мұғалімі Курманова Ханслу Жексенбетовна

Сындарлы оқыту – заман талабы

ХХІ ғасырдың табанын тіреп, төрімізге жайғасқанына он тоғыз жыл өтті. Осы жылдар аралығында білім үрдісінде қаншама жаңа жаңалықтар, заманауи заңдылықтар өз өресін тауып, өміршең еліміздің еншісіне айналуда. Өркениетті еліміз - Қазақстан Республикасының өскелең ұрпағын тәрбиелеу біздердің, ұстаздардың құзырында екені нақты. Ұстаздар алдындағы міндет – жеке тұлғаның дамуына жағдай жасап, шәкірттерді жан - жақты даярланған азамат етіп шығару. Өз Отаны – Қазақстан

Республикасына деген сүйіспеншілікке, мемлекеттік рәміздерін құрметтеуге, халық дәстүрлерін қастерлеуге, мемлекеттік тілді сауатты меңгеруге, білім кеңістігінде өз деңгейін басым жағынан көрсете білуге бағыттау және оны қалыптастыру. Мұғалімдердің негізгі мақсаты оқушыларға қалай оқу керектігін үйретіп, соның нәтижесінде еркін, өзіндік дәлел уәждерін нанымды жеткізе білетін, ынталы, сенімді, сыни пікір көзқарастары жүйелі дамыған, сандық технологияларда құзырлылық танытатын оқушы қалыптастыруға даярлау болып табылады. Мектеп әкімшілігі мен білім беру жүйесін басқару органдарының мұғалімдері тиісті ресурстармен қамтамасыз ету қызметінен гөрі, оқушыларды тәрбиелеу, дамытуға бағытталған мұғалімнің сыныптағы күнделікті жұмысы оқыту үдерісі мен оқушылардың оқу нәтижелеріне оң ықпал етеді. Ия, мұғалімдердің алдында өте үлкен жұмыс тұр. Бәсекеге қабілетті оқушы тәрбиелеп шығару үшін, білім беру жүйесінің ішіндегі тиімдісін таңдап алу керек. Елбасы Н. Ә. Назарбаев Қазақстанның әлемдегі бәсекеге қабілетті 50 елдің қатарына кіру стратегиясы атты жолдауында «Білім беру реформасы – Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдарының бірі» де