Таңғажайып жануарлар және пропорция 3-сынып

Нағи Ильясов атындағы №9 мектеп – гимназия

Бейнелеу өнері

Ашық сабақ

Таңғажайып жануарлар

(пропорция туралы түсінік)

Пән мұғалімі: Сайпенова Амандык Тулегеновна

Қызылорда

Cабақтың мерзімі:

Сыныбы:3

Cабақтың тақырыбы: Таңғажайып жануарлар (пропорция туралы түсінік)

Сабақтың мақсаты

Білімділік: пропорция туралы түсінікті кеңейту; «анималистік жанр» туралы айту;

Дамытушылық: байқампаздық пен есте сақтау қабілеттерін жетілдіру;

Тәрбиелік: сабақ уақытында сабырлылық танытып, таза да саутты жұмыс жасай білуге баулу; көркем-білім тәрбиесін беру.

Сабақтың міндеті: пропорция түсінігімен, түрлі жануарлардың дене құрылысының ерекшеліктерімен таныстыру.

Сабақтың көрнекілігі: оқулықтағы иллюстрациялар, түрлі жануарлардың фотосуреттері (слаид түрінде), әдістемелік суреттер.

Қажетті құрал-жабдықтар: жай қарындаш,өшіргіш,ұштағыш,акварель бояуы,қылқалам және ішіне су құйылған кішкентай құты.

Пәнаралық байланыс: бейнелеу өнері дүниетану пәнімен байланысқан.

Сабақтың түрі: аралас.

Сабақтың барысы

І.Ұйымдастыру кезеңі.

Бейнелеу өнері сабағы өтетін сынып бөлмесіне барған мұғалім шәкірттермен амандасады. Орын –орындарына жайғасқан соң олардың сабаққа қатысулары мен жалпы дайындықтары тексеріледі.

ІІ. Негізгі бөлім.

Өткен сабаққа тоқталып, үй тапсырмасының орындалуы тексеріледі.

Жаңа тақырып.

Бұрында да бейнелеп жүрген жануарлардың суреттеріне қысқаша тоқталып өтіледі.

Таңғажайып жануарлар (пропорция туралы түсінік)

Анималистік жанр – жан-жануарлардың суреттерін бейнелейтін жанр. Мысалы, әр түрлі құстар, балықтар, хаюанаттарды бейнелейді.

Текшені қолданып, жұмбақ шешу.

Текшені ауната тастау арқылы бетіне суреті шыққан жануарға байланысты жұмбақ шешіледі, өлең оқылады немесе ол туралы қысқаша әңгімелеп береді.

«Пропорция » ұғымына түсініктеме беру.

Әрбір заттың, әрбір жанды дененің өзіне лайық пропорциясы болады (тепе-теңдік сәйкесімі).

Мысал келтіріледі.

Мұғалім әр түрлі жануарларды дүрыс емес етіп тақтаға орналастырады немесе салады.

Оқушылар олардың дұрыс емес жерлерін түзейді.

Оқушылардың машықтану кезеңі.

Тапсырма:Өздеріне ұнаған жануарларды бейнелеу. Мұғалім жұмыс барысын қадағалап жалпы және жеке көмек беріп отырады.

ІІІ. Қорытытынды бөлім.

Балалардың салған суреттері тексеріліп, талқыға түседі және бағаланады (оқушылардың өздерінің қатысуымен).

Сұрақ: 1. Пропорция деген не?

2.Анималистік жанр деген ше?

Үй тапсырмасы: Үй жануарларын бейнелеу.