Тәрбие жұмысы құжаттарын жүйелеу нұсқаулығы

Тәрбие жұмысының құжаттарын жүйелеу

Тәрбие жұмысын жоспарлау педагог қызыметінің жалпы жүйесіндегі маңызды буын болып саналады. Ойластырып жоспарлау оны дұрыс ұйымдастыруды қамтамасыз етеді. Форма үшін ғана емес, жақсы жасалған жоспар педагогтың күнбе-күнгі тәрбие жұмысына көмектеседі. Педагог жоспар жасағанда балалармен тәрбие жұмысының негізгі міндеттерін мазмұнын, формалары мен әдістерін іріктеп алу үшін арнайы құжаттарды пайдаланады. Соңғы шыққан қаулы, бұйрықтар, оқу программасы, оқушыларды тәрбиелеудің үлгі мазмұны, “нысанына ” жатады. Мұғалім жоспар жасағанда еліміз үстіміздегі жылы атап өтетін маңызды оқиғаларын ескереді.

Мұғалім өз жұмысын жоспарлағанда мектептің жұмыс жоспарын басшылыққа алады. Бүкіл мектептің жоспарлары мұғалім жұмысының бір бөлігі болып табылады.Мектептің міндеті әр оқушының жан-жақты дамуына қамқорлық жасау болып табылады. Оны орындау педагогтан жан-жақты күрделі жұмыс жүргізуді талап етеді.Тәрбие жұмысындағы аса күрделі жан-жақтылықты белгілі бір схемаға қалай сыйғызуға болады? Бұл педагог үшін онай шаруа емес.

Жоспар жасау дегеніміз -тәрбие жұмысының бүкіл барысын, оны ұйымдастыру үшін жалпылай және ұсақ -түйегіне дейін ойластыру және қағаз бетіне түсіру, оның нәтижелерін алдын-ала көре білу. Мысалы: мұғалім бірінші сынып оқушыларымен жұмыста- сыныптағы негізгі мінез – құлық ережелерін үйретуге, оларды осы ережелерді орындай білуге деген ынта-ықылас тудыру міндетін шешуге күш салды.

Негізгі міндетті орындаған педагог енді келесі бір негізгі міндетті-балалардың бойында сыныптастарын жақын білуге деген ынта тудырып, оларды өзара табыстыру арқылы сыныпта жолдастық қарым-қатынас жасау міндетін алға қояды.

Мұғалім ата-анамен әңгіме арқылы әрбір бала жөнінде алғашқы мағлұматтарға ие болады. Бұл әңгімелерде шамамен мынадай сұрақтар қойылуы керек.

Бала мектепке қуана-қуана кетеді ме ?

Мектеп туралы не деп жүр ?

Үйге берген тапсырмаларды ықыласпен орындайма ?

Үйде қандай міндеттерді тұрақты орындап отырады ?

Баланың достары кімдер ?

Үйде және аулада не ойнағанды ұнатады ?

Қанша уақыт бойы телевизор көреді ?

Үйде кандай жануарлар бар ? Бала оларға қалай қарайды ?

Бала қандай мінез-құлық байқатып жүр: көппен жақсы араласа ма, әлде бұйығы ма, қайырымды ма, қайырымсыз ба; жолдастарымен бірге болғанды ұнатады ма?

Сіз балаңызды жазалайсыз ба? Қалай, жиі ме?

Бала үйдегі адамдар мен таныстарының ішіндегі кімді жақсы сыйлайды?

Бұл жекелеген балалардың ата-аналарымен жұмысты жоспарлауға, бүкіл сыныпта ата-аналарымен өткізілетін әңгімелердің тақырыптарын белгілеуге көмектеседі.

Тәрбие жоспарына қойылатын талаптар :

Жоспардың қоғам талабына, мақсатына сәйкестігі.

Өмірмен тығыз байланыстығы.

Жоспардын жан-жақтылығы, тәрбиенің барлық салаларының қамтамасыз етілуі.

Тәрбие жұмысы формалары оқушылардың жас және тәрбиелік деңгейіне сәйкестігі.

Жоспардың нақтылығы.

Жоспардың формалары