Тотығу дәрежелерін анықтау ашық сабағы 8 сынып

Химиялық элементтердің тотығу дәрежелері .

Формулалары бойынша қосылыстардағы химиялық элементтердің тотығу дәрежелерін анықтау .

Батыс Қазақстан облысы

Казталов ауданы

Сарықұдық НЖББМ

Химия пәні мұғалімі :

Наменова Фариза Магзомкызы

Сабақтың мақсаты :

Білімділік:

Тотығу дәрежесінің мәнімен,оны анықтау жолымен,тотығу – тотықсыздану реакцияларымен таныстыру .Тотығу – тотықсыздану реакция теңдеулерін құруға дағдыландыру.

Дамытушылық:

Оқушылардың химиялық элементтер туралы алған білімдерін одан әрі толықтыру, жаттығулар орындау арқылы қосылыстардағы элементтердің тотығу дәрежесін анықтау дағдысын жетілдіру, тотығу – тотықсыздану реакциясын жазып,оны талдай білу және алған білімдерін практикада пайдалану дағдыларын дамыту,

Тәрбиелік:

Топпен жұмыс жасауға, бірін-бірі тыңдауға, бағалауға тәрбиелеу

Типі: жаңа білімді меңгерту сабағы

Сабақтың түрі : іскерлік сабақ

Сабақтың әдіс-тәсілдері: Блум таксономиясы элементтері, топпен жұмыс,сұрақ-жауап,

Құрал-жабдықтар,көрнекі құралдар: Периодтық жүйе, бағалау парақтары,интерактивті тақта

Пәнаралық байланыс: математика,

Күтілетін нәтиже:

Оқушылар қосылыстардағы элементтердің тотығу дәрежесін таба алады.

Тотығу – тотықсыздану реакция теңдеулерін жаза алады, тақырыпқа сәйкес есеп шығара алады.

Тотығу дәрежесінің оң және теріс, нөл болу себептерін, тотықтырғыш пен тотықсыздандырғыштың айырмашылығы мен ұқсастығын ажыратып айтып бере білу дағдысы қалыптасады.

Сабақтың барысы :

1.Ұйымдастыру кезеңі - бағалау парағын беру

2. Білу - үй тапсырмасын тексеру. Берілген сурет бойынша сутектің алыну және жинау әдістерін,қолданылуын,физикалық қасиеттерін еске түсіріп,жауап береді.Химиялық қасиеттерін реакция теңдеулері арқылы өрнектейді.

3. Түсіну және қолдану- жаңа білімді меңгеру кезеңі

а) топқа тапсырмалар, ресурстар таратылады, орындауға нұсқаулық беріледі.

ә) әр оқушы тапсырмаларын дәптерлеріне орындап, топта талқылайды .

б) берілген ресурстарды пайдаланып, ортақ жұмыс жасайды.

в)тақтада әр топ жұмыстарын қорғайды,

1-ші топ тапсырмасы- Тотығу, тотықсыздану процестері, тотығу- тотықсыздану реакциясы

2-ші топ тапсырмасы-Тотығу дәрежесі ұғымы,қосылыстардағы элементтердің тотығу дәрежесін табу

3-ші топ тапсырмасы- берілген нұсқаулыққа сәйкес жаттығуларды жұптасып шығару - № 2,3,4

( тақтаға шығару)

Сабақтың барысы :

4.Талдау – Үлгіде берілген тапсырмалар талданады,бинарлы қосылыстағы элементтердің және үш элементтен тұратын күрделі зат құрамындағы ортаңғы элементтің тотығу дәрежелерін анықтауға жаттығулар орындайды.3 топтағы оқушылар тотығу-тотықсыздану реакция теңдеулерін құруға тапсырмалар орындайды.