Түлкі мен ешкі ертегісін әңгімелеу сабақ жоспары

Білім беру саласы: «Коммуникация»

Ұйымдастырылған оқу қызметі: «Көркем әдебиет»

Тақырыбы: «Түлкі мен ешкі» ертегісін әңгімелеу.

Мақсаты: Балалардың білетін ертегілерін еске түсіру арқылы тіл байлығын дамыту, айтылған ертегінің мазмұнын, дауыс ырғағын келтіре отырып, айтуға жаттықтыру. Достарына көмектесе білуге тәрбиелеу.

Көрнекіліктер: ешкі ,түлкі, шұңқыр суреті.

Алдын-ала жүргізілетін жұмыс: достық туралы әңгіме жүргізу

Сөздік жұмыс: қыр, апан, мүйіз, т.б.

Әдіс тәсілдер: көрсету, түсіндіру, әңгімелеу, сұрақ – жауап, оқып беру.

Іс-әрекет кезеңдері

Тәрбиешінің іс- әрекеті

Балалардың іс-әрекеті

Мотивациялық- қозғаушылық

Шаттық шеңбері:

Сәлем саған алтын күн!

Сәлем саған көк аспан!

Сәлем саған жер-ана!

Сәлеметсің бе, достарым!

Шаттық шеңберін құрады. Қимыл-қозғалыспен көрсетеді.

Ұйымдастыру-іздестіру

- Балалар ертегіні жақсы көресіңдер ме?

- Қандай ертегі білесіңдер?

- Біз бүгін «Түлкі мен ешкі» ертегісімен танысамыз. Ертегіні оқып берейін, мұқият тыңдап отырамыз.

- Ертегі ұнады ма?

- Ертегіде не туралы айтылған?

- Түлкі ешкіге не деді?

- Ешкі не істеді?

- Түлкі қандай?

Балалар, енді бойымызды жазып алайық.

Сергіту сәті:

Бала, бала, балақай,

Қол соғайық, алақай!

Бiр, екi, үш деп айтайық,

Саусақтарды тартайық.

Жалқау бала болмайық,

Қолды қысып, ойнайық.

Дидактикалық ойын: «Қайсысы жоқ» Мақсаты: Балалардың зейінін тұрақтандыру, есте сақтау және қабілеттерін дамыту.

Қажетті құралдар: Жабайы және үй жануарла-рының ұсақ ойыншықтары.

Ойын шарты: Балалардан көздерін жұмуды өтіну, жануарлардың біреуін жасыру. Балалар көздерін ашып «Қайсысы жоқ?» деген сұраққа жауап беру керек. Қандай жануарлардың жоқ екенін табу керек.

- Жақсы көреміз.

Балалар білетін ертегілерін айтып береді.

Балалар ертегіні мұқият тыңдайды.

Балалардың жауаптары тыңдалады.

Сергіту сәтін қимылмен көрсетеді.

Жануарларды мұқият қарап алып, қайсысы жоқ екенін табады.

Рефлексивті - түзетушілік

Оқу қызметін қорытындылау үшін сұрақтар қойылады.

- Қандай ертегімен таныстық?

- Ертегі не туралы?

- Түлкі ешкіге не деді?

- Ешкі не істеді?

- Түлкі қандай?

Балаларды мадақтау

Қойылған сұрақтарға жауап береді

Күтілетін нәтиже:

Білуі керек: Үй жануарлары мен жабайы жануарларды ажырату.

Болуы керек: Адамгершілік, еңбексүйгіштік қасиеттер болуы керек..