ТЖБ 5 сынып Қазақ тілі

В бөлімі

1-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Жиынтық бағалауға шолу

Ұзақтығы: 40 минут

Тыңдалым- 8 минут

Оқылым – 12 минут

Жазылым – 20 минут

Айтылым сабақтан тыс тексеріледі (әр білім алушыға 2 минут беріледі)

Балл саны: 30

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 компоненттен тұрады. Бірінші компонент - тыңдалым, екінші компонент - оқылым, үшінші компонент - жазылым және тілдік бағдар, төртінші компонент - айтылым дағдыларын тексеруге арналған.

Тоқсандық жиынтық бағалау тапсырмаларының сипаттамасы

Тап

сырма

Қамтылатын мақсаттар

Тапсырма-лар түрлері

Тапсырмалар сипаттамасы

Орындау уақыты, мин

Балл

5.1.2.1 Тыңдалған мәтіннің негізгі мазмұнын түсіну және нақты ақпаратты анықтау

Көп таңдауы бар және қысқа жауапты қажет ететін сұрақтар

Тапсырма жеке орындалады. Білім алушылар 117 сөзден тұратын тақырыпқа қатысты тыңдалым көркем әдеби мәтінін 2 рет тыңдайды (аудио құралдар болмаған жағдайда мұғалім мәтінді өзі 2 рет оқып береді).

Білім алушылар мәтінді тыңдау барысында әдеби мәтіннің мазмұнына негізделген бірінші тапсырмада төрт нұсқаның ішінен дұрыс жауабын белгілейді. Екінші тапсырмада білім алушы мәтіндегі нақты ақпаратты анықтау үшін көп таңдауы бар тапсырмадан бірнеше нұсқаны белгілейді. Үшінші тапсырмада мәтіннен түсінгенін бір сөйлеммен жазады.

Мұғалім білім алушының мәтін мазмұнын түсінгенін, нақты ақпаратты анықтағанын бағалайды.

5.3.3.1 Фольклорлық және шағын көлемді көркем әдеби шығармаларды түсіну, тақырыбын анықтау

Көп таңдауы бар және толық жауапты қажет ететін сұрақтар

Тапсырма жеке орындалады. Білім алушылар тақырыпқа қатысты 102 сөзден тұратын көркем әдеби мәтінді оқиды.

Бірінші тапсырмада мәтінге тақырып қояды. Екінші,үшінші тапсырмада мәтін мазмұны бойынша берілген сұрақтарға жауап береді. Төртінші тапсырмада мәтіннің негізгі ойын жазады.

Мұғалім білім алушының мәтін мазмұнын түсінгенін бағалайды.

5.4.1.1 Ресми стильдің тілдік ерекшеліктері мен талаптарын дұрыс қолдана отырып, хабарлама, хабарландыру, хат жазу

Жазбаша толық жауапты қажет ететін сұрақтар

Тапсырма жеке орындалады. Білім алушылар берілген тақырыптардың бірін таңдап, хабарлама жазады.

Жазылым жұмысында хабарлама жазудың стилін сақтауы және сөйлемдердің дұрыс құрылуы бағаланады.

5.2.5.1 Берілген сұрақты дұрыс түсініп, лайықты жауап беру, шағын диалогке қатысу

Толық жауапты қажет ететін сұрақтар

Тапсырма жұпта орындалады. Екі білім алушыға бөлімдерге қатысты ортақ тақырып беріледі (тақырып жазылған қағаздарды білім алушы өзі таңдайды). Жұптағы білім алушылар берілген тақырып бойынша 2 минут диалогке түседі (әр білім алушы диалогте 4-6 сөйлем айту керек).

Мұғалім білім алушының берілген тақырыпты түсініп, соған қатысты жұбына сұрақтар қоюын, сұрақтарға лайық жауап беруін бағалайды.

Тыңдалым мен айтылым сабақтан тыс, қосымша уақытта өткізіледі (әр білім алушыға 2 минут беріледі)

Барлығы

40 минут

Тапсырмалар және балл қою кестеcі үлгісі

«Қазақ тілі» пәнінен 1-тоқсан бойынша жиынтық бағалау тапсырмалары

Тыңдалым

Мәтінді мұқият тыңдап, төмендегі тапсырмаларды орындаңыз.

Кітаптардың айтысы

Бір күні кітап сөресіндегі кітаптар айтысады. Әрқайсысы өздерінің адамдарға пайдалы екендерін айтады.

Жаратылыстану кітабы былай дейді:

Адамдар мені оқу арқылы әлемді таниды.Табиғаттағы құбылыстарды үйренеді. Бүкіл әлемнің жаратылысын оқып біледі.

Көркем әдебиет кітабы айтады:

Адамдар мені оқу арқылы рухани азық алады.Сөздік қоры байиды.

Фәлсафа кітабы болса:

Адамдар мені оқу арқылы өздерін таниды.Бұл өмірдің қайдан басталғанын үйренеді, - дейді.

Осылайша ғылыми , діни, тарихи кітаптар – бәрі –бәрі сөз алады. Сонда ең жоғарыда тұрған Энциклопедия кітабы былай деп айтады:

Бауырларым , барлығыңның сөздеріңді тыңдадым. Барлығың да адам баласына пайдалысыңдар. Адамдар сендерді оқу арқылы білмеген нәрселерін үйренеді.Сендерді оқыған адамның ешбірі қор болған емес.Әрбірің білім бұлағы сияқтысыңдар. Бұл бұлақтан сусындаған адам –нағыз бақытты адам.

Осылайша барлығы Энциклопедия кітабының айтқанын дұрыс деп табады.

Авторы: Қанат Ибрагимов (117 сөз)

1.Адамдардың рухани азығы не деп ойлайсыз?

А) Білім

В) Ғылым

С) Оқулық

Д) Сусын

2.Кітап сөресіндегі кітаптардың түрлерін белгіле.

А) Көркем әдебиет кітабы

В) Өзін –өзі тану кітабы

С) Энциклопедия кітабы

Д) Жаратылыстану кітабы

3. Энциклопедия кітабының айтқан сөзін бір сөйлеммен жазыңыз.

Оқылым

Мәтінді мұқият оқып, тапсырмаларды орындаңыз.

Ертеде биік таудың етегінде алуан түсті гүлдер өмір сүріпті. Олар бір –бірімен өте тату екен. Құлпырған гүлдер кең даланы жұпар иіске бөлепті.Сол гүлдердің ішінде бір…