ТЖБ 5 сынып Қазақ тілі

В бөлімі

Тоқсандық жиынтық бағалау тапсырмалары

2-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Ұзақтығы: 40 минут (уақыт оқылым мен жазылым жұмысына арналған. Тыңдалым мен айтылым сабақтан тыс, қосымша уақытта өткізіледі)

Оқылым – 15 минут

Жазылым – 25 минут

Балл саны: 30

Тапсырмалар түрлері

Қысқа жауапты қажет ететін тапсырмалар

Толық жауапты қажет ететін тапсырмалар

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады: біріншісі -тыңдалым, айтылым, екіншісі - оқылым, үшіншісі - жазылым және әдеби тіл нормаларын тексеруге арналған.

Тоқсандық жиынтық бағалау тапсырмаларының сипаттамасы

Тапсырма

Қамтылатын мақсаттар

Тапсырмалар түрлері

*Тапсырмалар сипаттамасы

*Орындау уақыты, мин

Балл

5.1.5.1 тыңдалған мәтін мазмұны негізінде сұрақтарға жауап беру, көтерілген мәселе бойынша өз ойын білдіру

5.4.3.1 омоним, антоним, синонимдерді көркемдік ерекшеліктеріне сай қолдану

Толық жауапты қажет ететін тапсырмалар

Білім алушылар тыңдалған мәтіннің мазмұны негізінде жұптаса отырып, сұрақтарға жауап береді. Көтерілген мәселе бойынша пікірін дәлелдеп, өз ойын толық жеткізеді. Ойын жеткізуде омоним,антоним, синонимдерді көркемдік ерекшелігіне сай қолданады.

Әр оқушыға 3-5 минут беріледі

5.2.2.1 лексиканың ауызекі сөйлеу және жазба стильдік айырмашылықтарын мәтіндер арқылы тану

5.4.3.1 омоним, антоним, синонимдерді көркемдік ерекшеліктеріне сай қолдану

Толық және қысқа жауапты қажет ететін тапсырмалар

Білім алушы берілген екі мәтінді түсініп оқиды. Т кестесі арқылы стильдік айырмашылығын ажыратады.

Омоним, антоним, синонимдерді тауып кестеге түсіреді,көркемдік ерекшелігіне сай сөйлемдер құрастырады.

5.3.4.1 Эссенің кіріспе, негізгі, қорытынды бөлімдерін сақтай отырып, өзіне таныс адамды, белгілі бір мекен мен оқиғаны сипаттап не суреттеп жазу

5.4.4.1 жұрнақ арқылы жасалған туынды сөздерді және күрделі сөздерді ауызша және жазбаша тілдесім барысында қолдану

Толық жауапты қажет ететін тапсырмалар

« Айдынды- Алакөлім » тақырыбында 50-60 сөздік эссе жазады. Эссенің кіріспе, негізгі, қорытынды бөлімдерін сақтай отырып сипаттап жазуда жұрнақ арқылы жасалған туынды сөздерді және күрделі сөздерді қолданады.

Барлығы

40 минут

Қазақ тілі пәні бойынша 2- тоқсан бойынша тоқсандық жиынтық тапсырмалары

1-тапсырма

Мәтінді мұқият тыңдаңыз. Жұптаса отырып, мәтіннің мазмұны негізінде сұрақтарға жауап беріңіз. Көтерілген мәселе бойынша омоним,антоним, синонимдерді көркемдік ерекшелігіне сай қолданып, ойыңызды толық жеткізіңіз.

Тіл және мәдениет

Тілдерді дамыту – еліміздегі мемлекеттік саясаттың аса маңызды бағыттарының бірі. Тіл мәселелерін оңтайлы шешу – ұлтаралық, қатынастар үйлесімділігінің, халықтардың топтасуы мен қоғамдық келісімді нығайтудың да алғышарты. Қоғамда тіл тағдырына деген түсіністік орныға бастады. Бұл осы уақытқа дейін барлық мүмкін болар оңды-солды жағдайды жете бағамдай отырып жүргізілген мемлекеттік тіл саясатының нәтижесі.

Кез-келген халық тілі – сол халықтың шынайы этникалық болмысының айнасы. Тілді жаңа ғасыр баспалдағында теориялық-танымдық үрдісте зерттеу қажеттігі туып отыр. Адамзат өзін қоршаған шындықты, әлемдегі сан алуан құбылыстар мен олардың сана қасиетін сезім мүшелері арқылы сіңіріп, санамен түйсініп қана қоймайды, оған жауап қайырады, ақпаратты өзінше жаңғыртып, жаңа сапада қайта жасауға саналы-санасыз күйде талпыныс жасайды, өңдейді, қорытады, елеп-екшейді, баға береді, тәжірибеде қолданады, бұлардың тұтас көрінісі ретінде ғаламның тілдік бейнесі жасалады.

Біз өмір сүріп жатқан заманда тек тілді үйренумен шектеліп қалу мүмкін бе? деген сауалға үйреніп отырған тілді сол тілде сөйлейтін халықтың мәдениетімен байланыстыра оқыту қажеттілігі туындап отырғаныны дәлел. Әлемдік байланыста қарым-қатынасқа түсу үшін саяси, экономикалық, әлеуметтік, мәдени тұрғыдағы таным-түсініктердің болуы маңызды рөл атқарады. Үйреніп отырған тілде сөйлеуші елдің тарихын, дәстүрін, мәдениетін үйрену – тіл үйретудегі маңызды элементтердің бірі. Халық тарихын да, ұлттық мәдениеттің дамуын да, тіпті халықтық ойлаудың қалыптасуын да біз тек тіл арқылы анықтай аламыз айқын.

/ http://anatili.kazgazeta.kz/Өңделген/

Оқылым

2-тапсырма Мәтінді мұқият түсініп оқыңыз.

А мәтіні

Әжем менің жетістіктерімді көргенін қалап едім...

– Диана, алдымен өзіңізді оқырмандарға таныстырып өтсеңіз? Жеңіл атлетикамен қанша жасыңыздан бері айналысып жүрсіз?

– Мен 1995 жылы Алматы облысына қарасты Ілияс Жансүгіров ауылында дүниеге келгенмін. Кейіннен мен бес жасқа толғанда отбасымызбен бірге Панфилов ауданына көшіп кеттік. Сол жақта жеңіл атлетикамен айналысуды бастадым. Ең алғаш бұл спорт түріне 7-сыныпта жүргенде ықыласым ауды. Алғашында мектепаралық турнирлерге қатысып жүрдім. Ядро серпігенімді көрген мектептегі жаттықтырушы спорттағы дарынды балаларға арналған республикалық мектеп – интернатқа түсуге жол сілтеді.

– Осы уақытқа дейін қандай белестерді бағындырдыңыз?

– Осы уақытқа дейін бірнеше рет Қазақстан чемпионатын ұтып алдым. Орталық Азия біріншілігінде топ жардым. Сондай-ақ Азия чемпионатының қола жүлдегерімін. Былтырғы жылы Қазақстан рекордын жаңарттым. Бұл менің спорттағы жетістіктерімнің бастауы деп білемін.

– Бос уақытыңызда немен айналысасыз?

– Бос уақытымды негізінен отбасыма арнаймын. Өйткені біз-бірімізді сирек көреміз. Үнемі жарыстар мен оқу-жаттығу жиындарында жүремін. Сондықтан бос уақыт аз болады. Табиғатқа серуендегенді жақсы көремін. Достарыммен арасында…