ТЖБ 5 сынып Қазақ тілі мен әдебиеті 3-тоқсан

B бөлімі

3 -тоқсан бойынша жиынтық бағалау тапсырмалары

Ұзақтығы: 40 минут

Тыңдалым – 8 минут

Оқылым – 12 минут

Жазылым – 20 минут

Айтылым сабақтан тыс тексеріледі (әр білім алушыға 2 минут беріледі)

Балл саны: 30

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 компоненттен тұрады.Бірінші компонент – тыңдалым, екінші компонент – оқылым, үшінші компонент – жазылым және тілдік бағдар, төртінші компонент – айтылым дағдыларын тексеруге арналған.

Тоқсандық жиынтық бағалау тапсырмаларының сипаттамасы

Тапсырма

Қамтылатын мақсаттар

Тапсырма-лар түрлері

Тапсырмалар сипаттамасы

Орындау уақыты

Балл

Тыңдалым

Оқылым

Жазылым

Айтылым

5.1.6.1. Тыңдалым материалдарының мазмұны негізінде сұрақтарға жауап беру;

Көп таңауы бар және қысқа жауапты қажет ететін сұрақтар

Тапсырма жеке орындалады. Білім алушылар 140-150 сөзден тұратын тақырыпқа қатысты мәтінді 2рет тыңдайды. (аудио құралдар болмаған жағдайда мұғалім мәтінді өзі 2 рет оқып береді). Білім алушылар мәтінді тыңдау барысында мәтіннің мазмұнына негізделген бірінші тапсырмада төрт нұсқаның ішінен дұрыс жауабын белгілейді.

Екінші тапсырмада мәтін мазмұнына сай келетін екі ақпаратты белгілейді.

Үшінші, төртінші тапсырмаларда мәтін мазмұны бойынша берілген сұрақтарға сөйлеммен жауап береді.

Мұғалім білім алушының мәтін мазмұнын түсініп, сұрақтарға жауап бере алуын бағалайды.

5.3.1.1.Мәтіндегі негізгі ақпаратты анықтау;

Көп таңдауы бар және қысқа жауапты қажет ететін сұрақтар

Тапсырма жеке орындалады. Білім алушылар тақырыпқа қатысты 140-160 сөзден тұратын мәтінді оқиды.

Бірінші, екінші тапсырмаларда мәтін мазмұны бойынша берілген сұрақтарға 1 сөйлемнен жауап жазады.

Үшінші тапсырмада төрт нұсқаның ішінен дұрыс жауабын белгілейді.

Төртінші тапсырмада берілген сөздердің синонимін мәтіннен тауып жазады.

Бесінші тапсырмада мәтіндегі оқиғалардың ретін сандармен көрсетеді. Мұғалім білім алушының мәтін мазмұнын түсініп, негізгі ақпаратты анықтай алуын бағалайды.

5.4.3.1.Жазба жұмыстарында сипаттау, бейнелеу құралдарын қолданып жазу;

5.5.1.6.Мекен және мезгіл үстеулерді ауызша және жазба жұмыстарда орынды қолдану;

Жазбаша толық жауапты қажет ететін сұрақтар

Тапсырма жеке орындалады. Компьютердің пайдасы мен зияны тақырыбында 60-80 сөзден тұратын эссе жазады.

Мәтін мазмұнында білім алушының мезгіл және мекен үстеулерін қолдануы тиіс. Жазылым жұмысында эссе құрылымын сақтауы, мезгіл және мекен үстеулерін қатыстырып сипаттау, бейнелеуді дұрыс қолдануы, тақырыпқа қатысты лексикалық минимумды қолдануы бағаланады.

5.2.6.1.Тірек сөздерді қолданып,иллюстрацияларды сипаттау;

Толық жауапты қажет ететін сұрақтар

Тапсырма жеке орындалады. Білім алушыларға бөлімдердің әрқайсысына қатысты иллюстрациялық суреттер беріледі (суреттер мен тірек сөздер әр бөлімге дайындалу керек). Мұғалім білім алушының суреттерді сипаттауда тірек сөздерді дұрыс қолдануын бағалайды.

Тыңдалым сабақтан тыс,қосымша уақытта өткізіледі(әр білім алушыға 2минут беріледі)

40 минут

«Қазақ тілі мен әдебиеті» пәнінен 3 -тоқсан бойынша жиынтық бағалау тапсырмалары

Тыңдалым

Мәтінді мұқият тыңдап,төмендегі тапсырмаларды орындаңыз.

Денсаулық – зор байлық

Денсаулық – табиғаттың ең қымбат сыйы. Күнделікті өмірде, деніміз сау болғанда, денсаулықтың қадірін біле бермейміз. Аздап ауырсақ,өзіміз білетін дәрі –дәрмектерді ішіп жазылып кетуге тырысамыз. Дәрігерге бара қоймаймыз. Шын мәнінде кез келген аурудың алдын алуға болады. Ол үшін не істеу керек?

Ең алдымен,спиртті ішімдіктер мен темекі шегудің зиянын білген дұрыс.Темекі түтінінің құрамында 30-дан астам зиянды заттар бар.Әсіресе, жас балалар мен қарттарға темекі тартуға болмайды. Бұл заттар қатерлі ісіктің пайда болуына тікелей себепкер болып табылады.Лев Толстой: «Спиртті ішімдік адамның денсаулығын құртады, ең қорқыныштысы – адамның рухы мен ұрпағын жояды», - деген болатын.

Денсаулық сақтаудың алдын алуға болады. Ол үшін дұрыс тамақтануға, уақытында демалуға, дене қимылымен айналысуға көп көңіл бөлу қажет. Әсіресе, жасы ұлғайған адамдарға майлы тамақтарды көп жеуге болмайды. Оның орнына сүт, көкөніс тамақтарын пайдаланған дұрыс. Денсаулық сақтауда дұрыс тамақтанудың маңызы зор. Ал спортпен айналысу – денсаулықты жақсартады. Егер жүгіруге дәрігер рұқсат етпесе,таңғы таза ауада серуендеуге болады. Әр түрлі жаттығулар жасауға болады.

(testent.ru,өңделген)

1. Денсаулық сақтаудың алдын алуға болады ма?

A) Жүгіруге болмайды

B) Майлы тамақтарды көп жеуге болмайды

C) Көкөністерді жеуге болмайды

D) Серуендеуге болмайды

2. Мәтін бойынша Шын (+) / Жалған (-) тасырмасын орындаңыз.

ж/р

Сөйлемдер

Шын

Жалған

А

Денсаулық – табиғаттың ең қымбат сыйы.

В

Сүт,көкөніс тамақтарын пайдаланған дұрыс емес.

С

Таза ауада серуендеуге болады.

3. Кез келген аурудың алдын алуға бола ма?

4. Дұрыс тамақтанудың маңызы қандай ?

Оқылым

Мәтінді мұқият оқып,төмендегі тапсырмаларды орындаңыз.

Болашақтың қаласы – Астана

Астана – Қазақ елі болашағының қаласы. Мәдениеттің ошағы, ғылым мен білімнің ордасы. Еліміздің көгілдір туы желбіреген тәуелсіздігіміздің ордасы. Жаңа Астанамыздың құрылысы – жас мемлекетіміздің жасампаздыққа ұмтылысының, бүкіл қоғамымыздың жаңаруының ерекше символына айналған құбылыс. Ғасырлар бойғы бабалар арманын іске асырып,бас-аяғы төрт – бес жылда да астана салған мемлекет болған емес. Адамзат тарихында астанасын жаңғыртқан…