ТЖБ 5 сынып Қазақ тілі мен әдебиеті

В бөлімі

1-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Ұзақтығы: 40 минут

Тыңдалым – 8 минут

Оқылым – 12 минут

Жазылым – 20 минут

Айтылым сабақтан тыс тексеріледі (әр білім алушыға 2 минут беріледі)

Балл саны: 30

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 компоненттен тұрады. Бірінші компонент - тыңдалым, екінші компонент - оқылым, үшінші компонент - жазылым және тілдік бағдар, төртінші компонент - айтылым дағдыларын тексеруге арналған.

Тоқсандық жиынтық бағалау тапсырмаларының сипаттамасы

Тапс

ырма

Қамтылатын мақсаттар

Тапсырма-лар түрлері

Тапсырмалар сипаттамасы

Орындау уақыты, мин

Балл

5.1.2.1 Тыңдалған мәтіннің негізгі мазмұнын түсіну және нақты ақпаратты анықтау

Көп таңдауы бар және қысқа жауапты қажет ететін сұрақтар

Тапсырма жеке орындалады. Білім алушылар 150-ге жуық сөзден тұратын тақырыпқа қатысты тыңдалым көркем әдеби мәтінін 2 рет тыңдайды (аудио құралдар болмаған жағдайда мұғалім мәтінді өзі 2 рет оқып береді). Білім алушылар мәтінді тыңдау барысында әдеби мәтіннің мазмұнына негізделген бірінші, екінші тапсырмаларда төрт нұсқаның ішінен дұрыс жауабын белгілейді. Үшінші тапсырмада өз ойын бір сөйлеммен жеткізеді Төртінші тапсырмада білім алушы мәтіндегі ақпараттарды сәйкестендіреді. Бесінші тапсырмада мәтін мазмұны бойынша сөйлемдер құрайды.

Мұғалім білім алушының мәтін мазмұнын түсінгенін бағалайды.

5.3.3.1 Фольклорлық және шағын көлемді көркем әдеби шығармалар-ды түсіну, тақырыбынан

анықтау

Көп таңдауы бар және толық жауапты қажет ететін сұрақтар

Тапсырма жеке орындалады. Білім алушылар тақырыпқа қатысты 150 сөзден тұратын көркем әдеби мәтінді оқиды.Бірінші тапсырмада мәтінге тақырып қояды, екінші тапсырмада тест сұрағына жауап жазады. Мәтін мазмұны бойынша берілген 2 сұрақтың әрқайсысына жауап жазады.Мәтін бойынша кейіпкер сөздерін сәйкестендіреді.Мұғалім білім алушының мәтін мазмұнын түсінгенін бағалайды.

5.4.1.1 Ресми стильдің тілдік ерекшелік-тері мен талаптарында дұрыс қолдана отырып, хабарлама, хабарландыру, хат жазу

Жазбаша толық жауапты қажет ететін сұрақтар

Тапсырма жеке орындалады. Білім алушылар сиырдың атынан қожайынына хат жазады. Сыныбында өткен «Алтын Күз» мерекесі жайында «Жас Ұлан» ұйымының жетекшісіне хабарлама жазады.«Алтын ұя» байқауының өтетін орынын, уақытын, қатысатын сыныптарды көрсетіп, хабарландыру жазады. Жазылым жұмысында хабарландыру/хат/ хабарлама мазмұнын құрауда жалғау түрлерін дұрыс жалғауы, хабарландыру/хат/хабарлама стилін сақтап жазу бағаланады.

5.2.5.1 Берілген сұрақты дұрыс түсініп, лайықты жауап беру, шағын диалогке қатысу

Толық жауапты қажет ететін сұрақтар

Тапсырманы жұпта орындайды. Тақырыпты және сұрақты өте жақсы түсінеді. Күтпеген сұрақтарға жауабы тез әрі орынды. Ойын жүйелі түрде жеткізеді.

Барлығы

«Қазақ тілі мен әдебиеті» пәнінен 1-тоқсан бойынша

жиынтық бағалау тапсырмалары

Тыңдалым.

Мәтінді мұқият тыңдап, төмендегі тапсырмаларды орындаңыз. (3 минут)

Сәлем - сөздің анасы

Сәлем сөздің – анасы. Сәлемдесудің өз әдебі бар. Әр халықтың сәлемдесуі әртүрлі. Жапондардың амандасу салтында үш түрлі рәсім бар. Төмен, орташа және жеңіл иілу. Жапон жастары ұстазын немесе үлкен адамды бірінші кездестіргенде, оған орташа иіліп сәлем береді. Сол күні екінші мәрте жолықтырса, жеңіл иіліп сәлемдеседі. Орта Азия халықтарында сол жақ төсін басып, кеудесін иіп амандасу қалыптасқан. Үнділер екі алақанды біріктіріп, маңдайға тигізіп, бас иіп сәлемдеседі. Тибет халқы тіл шығарып амандасады екен.

Қазақтар бір-бірімен жолыққанда «мал-жан аман ба?» - деп сұрасқан. Оған: «Құдайға шүкір, өзіңіздің мал-жаныңыз аман ба?»- деп жауап береді. Қазақ «Жақсы сөз, жарым ырыс», деп ырымдап, әрқашанда «жақсы» деген. Далада бір топ қазақтар екіншісімен ат үстінде кездесіп қалса, «Ассалаумағалейкүм» деп, оң қолын созып амандасып, сол қолын амандасушының оң иығына қояды. «Уағалейкүмсалам» деп аманын қабыл алып, қол алысады. Ерлер арасында мұндай амандасу сөздер әйелдерге қатысты қолданылмайды, оларға тек «Сәлеметсіз бе?», - деп амандасады.(143 сөз)

https://massaget.kz/layfstayl/zhadnama/43273/

1. Мәтіннің негізгі ойын анықтаңыз. 1 минут

қоштасу

сәлемдесу

салт-дәстүр

Д. қонақжайлық

2. «Ассалаумағалейкүм» деп кімге амандасады? 1 минут

ер адамдарға

әйел адамдарға

қыз балаларға

Д. әжелерге

3. «Сәлем сөздің – анасы» деп неге айтылған? 2 минут

Өз ойыңызды 1 сөйлеммен жазыңыз.

4. Бағдарсызық арқылы мәтіндегі ақпараттарды мағынасымен сәйкестендіріңіз. (әр сұраққа бір жауапты белгілеңіз) 1 минут

1. Жапон халқы

А.тіл шығарып амандасады

2. Үнді халқы

В. екі алақанды біріктіріп, бас иіп сәлемдеседі

3. Тибет халқы

С. иіліп сәлем береді

5. Берілген сөздерден мәтінге сай сөйлемдер құрастырыңыз. 2 минут

1 сөйлем

халықтың

әр

әртүрлі

сәлемдесуі

2 сөйлем

сәлеметсіз бе

амандасады

әйел

адамдарға

деп

Оқылым

Мәтінді мұқият оқып, тапсырмаларды орындаңыз. 3 минут

Ерте, ерте, ерте екен,

Ешкі жүні бөрте екен,

Қырғауылы қызыл екен.

Қырғауылы қырқылдап,

Жалтыр мұзға сыртылдап,

Алшая келіп қоныпты,

Шаты айрылып қалыпты.

Қисая жатып қырғауыл

Сонда мұздан сұрапты:

– Мұз, мұз сен неден күшті болдың?

– Мен күшті болсам бауырымды жаңбырға тестірмес едім.

– Жаңбыр, жаңбыр, сен неден күшті болдың?

– Мен күшті болсам, жерге жұтқызар ма едім.

– Жер, жер, сен неден күшті болдың?

– Мен күшті болсам, көк шөпке бауырымды жұлдырмас едім.

– Көк шөп, көк шөп, сен неден күшті болдың?

– Мен күшті болсам, көк тоқты мойнымнан жұлдыртпас едім.

– Көк тоқты, көк тоқты, сен неден күшті болдың?

– Мен күшті болсам көк шұнақ қасқырға жұлқытпас едім.