ТЖБ 6 сынып Қазақ тілі

В бөлімі

4-ТОҚСАННЫҢ ЖИЫНТЫҚ БАҒАЛАУ СПЕЦИФИКАЦИЯСЫ

Ұзақтығы – 40 минут

Тыңдалым – 10 минут

Оқылым – 10 минут

Жазылым – 20 минут

Айтылым сабақтан тыс тексеріледі (әр білім алушыға 2 минут беріледі)

Балл саны – 30

Тапсырмалар түрлері

Қысқа жауапты қажет ететін сұрақтар

Көп таңдауы бар сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 4 компоненттен тұрады. Бірінші компонент - тыңдалым, екінші компонент - оқылым, үшінші компонент - жазылым және тілдік бағдар, төртінші компонент - айтылым дағдыларын тексеруге арналған.

Тоқсандық жиынтық бағалау тапсырмаларының сипаттамасы

Тапсырма

Қамтылатын мақсаттар

Тапсырмаларға сипаттама

Тапсырмалар түрлері

Орындау уақыты, мин

Балл

6.1.5.1 - тірек сөздер, жетекші сұрақтар, мәтін тақырыбы арқылы негізгі ойды анықтау;

6.1.1.1 - тірек сөздер, мәтіннің бастапқы бөлігін тыңдау арқылы тақырыпты және көтерілетін мәселені болжау;

6.1.3.1 - тұрмыстық - әлеуметтік тақырыптарға байланысты жаңа сөздер мен тірек сөздердің мағынасын түсіну;

6.3.3.1 - орта көлемді шығармаларды түсіну, тақырыбы мен негізгі ойды анықтау;

6.3.4.1 -Мәтіндердің тақырыбына, мазмұндық құрылымына сүйене отырып, түрлерін салыстыру;

Тапсырма жеке орындалады.

Оқушылар тақырыпқа қатысты 122 сөзден тұратын тыңдалым мәтінін 2 рет тыңдайды.

Мәтінді тыңдау барысында оқушы бірінші тапсырма, детальді ақпаратты анықтайды, екінші тапсырмада «шын» немесе «жалған» ақпараттарда анықтайды, үшінші тапсырмада ақпараттарды ретімен орналастырады, төртінші тапсырмада кейіпкерлерді ретімен қою, бесінші тапсырмада сұраққа жауап беру тапсырмасын орындайды. Мұғалім оқушының мәтін мазмұнын түсінгенін бағалайды.

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

6.4.3.1 - жазба жұмыстарында теңеу, эпитет сөздерін қолданып жазу;

6.4.1.1 - мәтіндердің стильдік ерекшелігін сақтай отырып, өмірбаян жазу;

6.5.1.7 - себеп-салдарлық қатынасты білдіретін жалғаулықтардың қызметін білу, ауызша және жазба жұмыстарда орынды қолдану;

6.4.2.1 - эссе тақырыбының желісінен шықпай, әрбір абзацты жүйелі құрастырып, қажетті мазмұнын ашып жазу;

6.2.1.1 - тура және ауыспалы мағынадағы сөздерді қолдану, ойын әсерлі, мазмұнды жеткізу;

Тапсырма жеке орындалады. Оқушылар тақырыпқа қатысты 2 мәтінді оқиды.

Бірінші тапсырмада мәтіндерді салыстырады.

Екінші тапсырмада мәселені анықтап жазады.

Үшінші тапсырмада қажетті ақпараттарды жазады. Төртінші тапсырмада көтерілген мәселелерге баға береді.

Соңғы тапсырмада сұраққа жауап береді.

Мұғалім оқушының мәтін мазмұнын түсінгенін, сөздік қорын орынды пайдалана алуын, өмірдегі жағдаяттарға өз көзқарасын білдіре алуын бағалайды.

Қысқа

жауапты қажет ететін сұрақтар.

Көп таңдауы бар сұрақтар.

Толық жауапты қажет ететін сұрақтар.

Тапсырма жеке орындалады. Оқушылар берілген екі тапсырманың бірін таңдап, жазба жұмысын орындайды. Мұғалім оқушының жазба жұмысында стильді сақтауын, қосымшаларды дұрыс жалғауын, сөйлем соңындағы тыныс белгілерді, себеп-салдарлық қатынасты білдіретін жалғаулықтардың қызметін орынды қолдануын бағалайды.

Жазбаша толық жауапты қажет ететін тапсырма.

Тапсырма жұпта орындалады. Екі оқушыға бөлімдерге қатысты ортақ тақырып беріледі (тақырып жазылған қағаздарды оқушы өзі таңдайды). Жұптағы оқушылар берілген тақырып бойынша 4 минут диалогке түседі (әр оқушы диалогтe 6-8 сөйлем айту керек).

Мұғалім оқушының берілген тақырыпты түсініп, соған қатысты жұбына сұрақтар қоюын, сұрақтарға лайық жауап беруін бағалайды. Екі оқушының балы бір-біріне тәуелді емес.

Ауызша толық жауапты қажет ететін тапсырма.

Айтылым сабақтан тыс уақытта алынады, әр білім алушыға 2 минут беріледі.

Барлығы

40 минут

Тыңдалым

Сұр бұлт түсі суық қаптайды аспан,

Күз болып, дымқыл тұман жерді басқан.

Білмеймін тойғаны ма, тоңғаны ма,

Жылқы ойнап, бие қашқан, тай жарысқан.

Жасыл шөп, бәйшешек жоқ бұрынғыдай,

Жастар күлмес, жүгірмес бала шулай.

Қайыршы шал-кемпірдей түсі кетіп,

Жапырағынан айрылған ағаш, қурай.

Біреу малма сапсиды, салып иін,

Салбыраңқы тартыпты жыртық киім.

Енесіне иіртіп шуда жібін,

Жас қатындар жыртылған жамайды үйін.

Қаз, тырна қатарланып қайтса бермен,

Астында ақ шомшы жүр, ол бір керуен.

Қай ауылды көрсең де, жабырқаңқы,

Күлкі-ойын көрінбейді, сейіл-серуен.

Кемпір-шал құржаң қағып, бала бүрсең,

Көңілсіз қара суық қырда жүрсең.

Кемік сүйек, сорпа-су тимеген соң,

Үйде ит жоқ, тышқан аулап, қайда көрсең.

Күзеу тозған, оты жоқ елдің маңы,

Тұман болар, жел соқса, шаң-тозаңы.

От жақпаған үйінің сұры қашып,

Ыстан қорыққан қазақтың құрысын заңы.

(122 сөз)Дереккөзі: https://www.zharar.com/kz/olen/1170-stihi.html© www.ZHARAR.com

1. Мәтінде кездесетін сөздерді белгілеңіз.

А) Суық, жылқы, ит, тұман;

В) Тамақ, күз, бұлт, үй;

С) Адам, жастар, еңбек, қыс;

Д) Бұлт, білім, ауыл,күз;

2. Өлеңнің негізгі тақырыбын анықтаңыз.

А) Көктем мезгілі

В) Жаз мезгілі

С) Жыл мезгілі

Д) Күз мезгілі

3. Тыңдалым мәтіні мазмұны бойынша 1 «шын» ақпаратты белгілеңіз.

Мәтіндегі ақпараттар

Шын

Жалған

А

Қыс мезгілін суреттейді

В

Ауа райын суреттейді

С

Күз мезгілін суреттейді

4. Бос орынға қажетті сөзді қойып сөйлемді толықтырыңыз.

(алады, шулай, жасыл, оқытады)

Жастар күлмес, жүгірмес бала ______________________

5. Сұраққа толық жауап беріңіз.

Автор күз мезгілін қалай суреттейді?

Оқылым