Ұрпақтар сабақтастығы жобасы туралы мақала

«Ұрпақтар сабақтастығы» - жетекші жоба

«Ағаш жапырағымен көрікті, адам ұрпағымен көрікті» демекші, бүгінгі жас буын – мемлекетіміздің келешектегі мызғымас тұтастығын сақтаушы күші. Сол күштің әлсіреп кетпеуіне, жан-дүниесінің рухани құндылықтарға берік ұстанымда болуына аға буын жауапты, сондықтан да ұрпақ тәрбиесі қай ғасырда болмасын, өз маңыздылығы мен өзектілігін жойған емес.

«Жас шыбықты қалай исең, солай қарап өседі» дейтін халық даналығына сүйенсек, балаларымыздың түзу бой түзеуіне ата-анамен қатар балабақша, мектептің де қосар сүбелі үлесі зор.

Еліміздегі жалпы орта білім беретін мектептердің көшбасшысы саналатын «Назарбаев Зияткерлік мектептерінің» тәрбие жұмысында осындай мәселенің түйінін тарқатуға бағытталған бірегей жобалар баршылық. Солардың қатарында зейнеткерлік жастағы жалғызілікті қариялардың мектеп өміріне белсенді араласуына ықпал ету арқылы зияткер оқушылар мен қарттардың қарым-қатынасын нығайту, ұрпақтар арасында сабақтастық жібін үзбеуге тәрбиелеу, рухани құндылықтардың сіңірілуі мақсатындағы «Ұрпақтар сабақтастығы» жобасы – айрықша атауға лайық жетекші жоба.

Жоба жұмысының жылдық жоспарына сәйкес әр шаңыраққа бекітілген жалғызілікті қарияларымыз түрлі форматтағы шараларға үнемі қатыстырылып, ерікті оқушылардың көмегімен компьютерде жұмыс жасауды үйреніп, өздеріне қажетті көптеген дағдыларды меңгеруге мүмкіндік алды. Атап айтқанда, түрлендіріліп өтілген арт-терапия, гимнастика сағаты, музыкалық кештер, оқырмандар клубы, тазалық сағаты, кездесу-сұхбаттар, көрме және концерт ұйымдастыру, қолөнер шеберлік сыныптары, аспаздық сағаттарында қос буын өкілдері арасындағы тығыз қарым-қатынас арта түсті. Оқушылармен бірдей атсалысқан ата-аналарға шексіз алғыс білдірген зейнеттегі ата-әжелеріміздің оқушыларға да баталарын беріп, мектеп қауымдастығының көрсеткен қамқорлығының шеңберінде қандай жағдайда да мектептің арқа сүйер тірек боларына кәміл сенетіні туралы ойын білдіруі жобаның өміршеңдігінің қажеттілігін таныта түскендей.

Жоба аясындағы «Отбасы отбасына көмектеседі», «Қамқорлық» қайырымдылық акцияларының есебінен жалғызілікті қарияларға көрсетілген материалдық көмек те қауымдастықтағы әріптестердің ұжымшылдықпен атқарған жұмысының көрсеткіші, мектептегі мызғымас ауызбіршіліктің айқын көрінісі.

Іс-тәжірибенің озық үлгілері облыс көлеміндегі ««Назарбаев Зияткерлік мектептерінде» тәрбие жұмысының ұйымдастырылуы» тақырыбындағы іс-тәжірибе тарату-оқыту семинарларында таратылып келеді.

Жас ұрпақты ізгілікті істерге жетелейтін жобаларда көзделген меже: егде жастағы жандарға көтеріңкі көңіл-күй сыйлау, үлкенге құрмет көрсету дәстүрімізді жалғастыру, бабалардың тағылымды жолын насихаттау. Жаһандану жағдайындағы өзгермелі қоғамда кез келген бетбұрысқа…