Үштік одақ ынтымақтастығы семинары

Алатау ауданы А. Қарсақбаев атындағы №41 ЖББМ КММ

Тексерілді:_____________

« 28» 01. 2020ж.

Сынып сағаты

Тақырыбы: « Үштік одақ ынтымақтастығы»

4 «Ғ» сынып

Сынып жетекшісі: Мамедова Р.Б

Алматы 2020 ж.

Мақсаты:

Қазіргі кездегі баланың дамуына, жеке тұлға болып қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату; Мұғалімдер мен оқушылардың, ата-аналардың өзара сыйластыққа, сүйіспеншілік пен мейірімділікті сезініп, қарым- қатынас жасауына көмектесу;

Ата-ананың бала өміріндегі орны мен рөлі туралы ой түрткі салу, өз баласын жақсы тану, көмек және кеңес беру мақсатында ата-аналардың педагогикалық-психологиялық білімін көтеру; ата-ананың бала тәрбиесіндегі негізгі тұлға екеніне көз жеткізу;

Баланың бойындағы жағымды қасиеттерді дамытып, жағымсыз қасиеттерден арылуға, ата-анамен қарым-қатынасын жақсартуға көмектесу;

Қолданылатын көрнекіліктер: АКТ, бейнежазба, презентациялық материалдар, плакат, маркер.

Әдіс-тәсілдер: пікір алмасу, сұрақ-жауап, топтастыру стратегиясы, психологиялық жаттығулар, постер қорғау, талдау, салыстыру, ой жинақтау, кері байланыс.

Ынтымақтастық атмосферасын қалыптастыру

Психологиялық дайындық.

Кәне достар тұрайық,

Шеңберді біз құрайық.

Жақсы-жақсы тілектер,

Бір-бірімізге сыйлайық.

Олай болса, бір-бірімізге жүрегіміздегі ізгі тілектерімізді айтайық.

Аспанымыз ашық болсын!Өміріміз күлкіге толсын!Деніміз сау, отбасымыз аман болсын!Әр күніміз жарық болсын!Жұмыстарыңыз жемісті болсын!Еліміз тыныш болсын!Жанұяларыңыз берекеге толсын!Көк туымыз биікте желбіресін!Бір - бірімізге мейірімді болайық!Көңіліміз мөлдір бұлақтай таза болсын! т.с.с

2. Негізгі бөлім.

Армысыздар құрметті ұстаздар, ата-аналар, қонақтар! Бүгін біздің мектебімізде өткелі отырған іс-шараға қош келдіңіздер!

Отбасы алтын ұя, киелі шаңырақ болса, сол шаңырақтың мұрагері, ұрпақ жалғасы балалар болып табылады.

Қай халық болсын, үмітін ең алдымен ұрпағынан күтеді. Жанған отын сөндірмей, түтінін түтететін ұрпақ қалдыруды көздейді. Халқымыз балалы болу бақытын байлыққа, мансапқа ауыстырмаған.

«Бала - өмірдің жалғасы, көз қуанышы, шаңырақ иесі,»- деп ұрпақты болуға, оның тәрбиесіне қатты көңіл бөлген. Ендеше келесі сөз кезегін шаңырағымыздың иелері балаларымызға беруге рұқсат етіңіздер.

І жүргізуші: Інжу

Армысыздар ата-ана, ұстаздарым

Бағбаны ұғатындар бала жанын

Отбасы тәрбиелік сабағына

Қош келдіңдер төрден орын ұсынамын.

ІІ жүргізуші: Ерасыл

Армысыздар жиналған көрерменім

Көңілді қошеметпен демер менің

Ата-ана, ұстаз бала бір болса егер

Болмайды қиын бала дегендерің.

І жүргізуші:

Шырылдап жерге түскеннен-ақ сенің бір жақының, бір досың, бір ұстазың бар. Ол ана! Қара жерді баспай жатып, есіңді білмей жатып, тырмысып бауырына жабысатының, шырылдап уанбай жылап іздейтінің ана. Ол саған бәрінен қымбат.

ІІ жүргізуші

Әке мен ана – шаңырақтың тірегі. Адам баласының ой-санасы өсіп, ақыл-ойының кемелденуі үшін де тіршілік нәрі санаға отбасынан сіңеді. Олай болса ортамызда отырған ардақты әкелеріміз бен аяулы аналарымызға қошемет көрсетіп қояйық .

І-жүргізуші:

Отбасы-мемлекеттің негізгі буыны. «Дәулет есіктен, ақыл бесіктен кіреді» демекші білім бесігі мектептен, тәрбие бесігі отбасынан бастау алады. Олай болса біздің сыныптастарымыз отбасы туралы не айтар екен?

1 оқушы:Тәрбие отбасынан басталады. Отбасының тірегі әлпештеген әке мен аялаған ана.Ата - анаға, үлкенге қызмет етіп, әкенің еңбегін, ананың ақ сүтін өтеу – біздің борышымыз.

2 оқушы: Ата - ана - отбасының негізгі діңгегі, бастапқы дәнекері. Бала әкеден ақыл, анадан мейірім алады.

3 оқушы: Әке туралы айтсақ, әке отбасының асыраушысы, қамқоршысы. Ана - отбасының ұйтқысы, жылуы, шуағы.

4оқушы

Отбасы - барша адамзатқа ең жақын, ең қасиетті ұғым. Әрбір отбасында сүйіспеншілік пен түсіністік мықты болса, қоғамның діңгегі де берік болады. Адам ең алғаш шыр етіп дүниеге келген сәтінен бастап отбасының тәрбиесін алады.

5 оқушы: Ата – анам – өмірдегі ең қымбат адамдарым. Олар мені жақсылыққа әдептілікке, адамгершілікке тәрбиелейді. Сабақта да, үйде де ұқыпты, тәртіпті, саналы бала болса екен деп тілейді. Әсіресе,”Түп қазығың - Отаның, ар - намысың - тілің, кәусар бұлағың - ұстазың, қамқоршың - әкең, ақылшың – анаң” деген сөздері қөңілімде жатталып қалыпты.

6 оқушы: Отбасым - менің жүрегімОтбасым - менің тірегімОтбасым – менің ОтанымТек сен деп соғар жүрегім - дегендей отбасы болашақ ұрпақ бойына адамзаттық құндылықтарды және ұлттық рухани байлықтарын сіңіретін тәрбие ошағы.

Жүргізуші:

Дүрыс айтасыңдар балалар Адам бала боп өз үйінде еркелейді, шаттанады. Содан кейінгі сен үшін жақын орта – мектебің. Ол да сенің бала қылығыңды кешіре алады. Мектебіміз жайлы не айтасыздар?

7 оқушы

Мектеп деген – білім кені, жыр кені,

Мектеп деген — ғылымның ең үлкені.

Мектеп деген – тәрбиеші адамға,

Мектеп деген – даналардың мекені.

8- оқушы:

Мектеп, мектеп – менің жарқын көңілім,

Мектеп, мектеп – шаттық толы өмірім.

Мектеп, мектеп, әнім болып төгілдің.

Мектеп, мектеп, анам боп та көріндің.

9- оқушы