Ыбырай Алтынсариннің Ананың сүюі шығармасы

Шағын орталық тобының ұйымдастырылған оқу қызметінің конспектісі

Өткізу күні: 03.09.2018 ж

Тәрбиеші: Сеилова А.А

Білім беру саласы: Коммуникация

Пән: Көркем әдебиет

Өтпелі тақырып: «Менің отбасым, ата-аналар еңбегі »

Топ: ересек топ

Тақырып: Ы.Алтынсарин «Ананың сүюі»

Мақсаттары:

Тәрбиелік: Анаға деген сүйіспеншілікті тәрбиелеу.

Дамытушылық: Тақпақты жатқа айту,есте сақтау қабілетін дамыту.

Оқыту: Тақпақты нақты,түсінікті түрде жеткізе білу. Ауыз әдебиетін негізге ала отырып мақал жаттау.

Педогогикалық технологиялар: сұрақ-жауап, түсіндіру, әңгіме құрастыру , СТО технологиясы

Ресурстармен қамтамасыз ету: суреттер,

Билингвалдық компонент: Ана- мама- mother

көмек, помощи, help

татулық, мир, the world

адамгершілік, нравственно, moral

Ұйымдастырылған оқу қызметінің барысы:

Ұйымдастырушылық кезеңі:

Шаттық шеңбері: Шаттық шеңбері

Тәрбиеші: Сәлеметсіңдер ме, балалар, мен сендерді көргеніме қуаныштымын. Ортаға шеңбер құрып тұра қалайық.

Сенде де бар жанұя,

Менде де бар жанұя

Үлкенде де, кіші де,

Жанұя бар әр кісіде.

Жанұя бары шуаққа

Қуанышпен қуат қой

Негізгі бөлім: -Енді орнымызға жайғасайық. Мына суретке назар аударайық. Суретте не бейнеленген?

-Дұрыс. Енді біртіндеп атап шығайық. Кімдер бар екен.

-Енді осы суретке қарап, кім әңгіме құрастырып береді?

Балалар, суреттегі адамдарға есім беріп әңгіме құрастырады.

-Тамаша! Енді кім өзінің отбасы жайлы әңгімелеп береді?

-Гүлжазира айта қойшы, сен өз отбасында ең жақсы көретін адам кім?

Ендеше анан жайлы әңгімелеп берші?

-Тағыда кім өз анасы жайлы айтып береді?

Тәрбиеші:

Ана – халық ұғымында жаратушы. Олай дейтініміз, табиғатты жаратушы – Табиғат Ана, Адамды да дүниеге әкелуші Ана. Ана мейірінен таралған мейірімділік. Сендерге жан жылуын, күн шуағын сыйлайды. Ы. Алтынсаринде өз анасы туралы көптеген туындылар жазды. Соның бірі «Ананың сүюі»

АНАНЫҢ СҮЮІ

Кім сендерді, балалар, сүйе-тұғын,

Куанышыңа қуанып, қайғыңа күйе-тұғын?

Түн ұйкысын төрт бөліп, кірпік қақпай,

Шешең байғұс дамылсыз жүре-тұғын.

Кім сендерді, балалар, тербететін,

Еркелетіп, ойнатып, сергітетін?

Жалқау болсаң, балалар, жаман болсаң,

Камқор анаң көз жасын колдететін.

Кім сендерді сағынар шетке кетсең,

Ғылым іздеп, тез қайтпай, көпке кетсең?

Ұмытпа, ен кемінде жұлдыз сайын,

Хат жазып тұр, төбесі көкке жетсін.