Жаңа ғасыр мұғалімінің кәсіби бейнесі туралы эссе

XXI – ғасырдың жаңа форматтағы мұғалімі

Білім беру қоғамдық мақсатты көздейді. Сол арқылы алдыңғы аға ұрпақтың әлеуметтік маңызды тәжірибесі кейінгі ұрпаққа беріледі. Үрім бұтақ жолымен келе жатқан аса жауапкершілігі мол аға буынның тәжірибесін кіші буын бойына дарытушы бірден бір маман иесі ол – ұстаз. «Ұстаздық еткен жалықпас, үйретуден балаға» деп атам қазақ бекер айтпайды ғой. Ұстаз деген аты бар әрбір жан өз міндетін абыроймен атқарып өтуі тиіс. Иә, ұстаздық жол – түйесінің жүгі ауыр жол. Бұндай жолда қызмет ету мен ұстаз деген атты алып жүрудің өзі үлкен мәртебе. «Мәртебесі жоғары мамандық» деп өткен ғасырдың аға буындары айтатын еді. Аға буынның сенімін ақтап өту жолында бұрынғының ұстаздары бұ мамандықтың абыройын қалай асқақтап ұстайтын еді? «Елдің надандығымен алысатын мұғалім», – деп жұрт айтқандай, қазақ жерінде Ахмет атамыздың мысалындағы сары масасындай, ұйқыда жатқан халықты қараңғы түнектен алып шығар, ұлы тұлғалар аз болмады... Ал қазіргі қой үстіне бозторғай жұмыртқасын ұялатқан замандағы ұстаздар қандай? Және жаңа заманның ағымындағы ұстаз қандай болуы тиіс?

Егемен еліміздің тірегі, мәртебелі мектебіміздің жүрегі – мұғалім. Еліміздің жұпар аңқыған гүлдердей көркею мен тамырын терең жайған ағаштай өсуі тікелей мұғалім маман иегерлеріне байланысты. Себебі, жас еліміздің жаһандану сатысына ілігуі мен дамуына айқын үлесін қосатын жас ұрпақтарды тәрбиелеуші, қалыптастырушы, ол – мұғалім.

Қазіргі қақтығыс пен бәсекелестік орын алған заманда жаңа форматтағы мұғалімнің тұлғасы мәдениеті мен білімі, қабілеті мен дарыны, танымы мен санасы жоғары ұлы тұлға ретінде суреттеледі. Ұлы тұлғанының міндетін мақтанышпен атқарып жүрген ұстаздар бүгінгі қоғамда жиі кезігеді деп айта алмаймын. Бірақ өз міндетін жауапкершілкке алған ұстаздар жоқ емес. Алайда ондай ұстаздардың бойына жетекшілік қабілеттерін дамыту мен біліктілігін артыру жетіспейді. Егер, еліміздегі әр ұстаз өз сабағын инновациялық технологиялармен толықтырғанда, дамушы қоғамымыз дамыған күйге баяғыда жететуші еді. Оның себебі АҚШ-тың президенттерінің бірі былай деген болатын: «Америкада мықты университеттердің болуы, Америка бай мемлекет болғандықтан емес, Американың бай мықты болуының себебі, онда күшті университтердің болғандығынан». Яғни,…