Жас суретші: бейнелеу өнерінен ашық сабақ

ЖАС СУРЕТШІ

ТҮСІНІК ХАТ

Бейнелеу өнері сабағында бүгінгі күнде кейбір бейнелеудің жанрлары мен түрлері әлсіреп тежеліп қалып жатады. Сондықтан бүгінгі таңда бейнелеу өнері пәні бойынша сурет салудың маңыздылығын арттыру, бейнелеу өнері жанрларының кейбір түрлері бойынша оқушылардың жаңа талпыныс, шығармашылық күш алуына, ой өрісінің жетілуінде қолданбалы курстың өзіндік орны бар. Осы уақытта бейнелеу өнері сабақтарында қолдана бермейтін суреттің кейбір түрлерін қайта жаңғырту және де заманауи талаптарға сәйкес сурет салу әдіс-тәсілдерін игеру, оқушының эстетикалық, шығармашылық танымын кеңейту, бейнелеу өнеріне деген қызығушылықтарын арттыру.

Қолданбалы курс әдетте сурет өнерінің әдіс-тәсілдерін үйренуге, тақырыптың маңыздылығын сезінуге, шығармашылық ой алмасуға жас суретшілерді үйретеді. Мектепте бейнелеу өнерін оқыту - айналадағы өмір шындығынан туған көркем образдардың өнер туындыларында жасалу ерекшеліктерін, оқушылардың жүйелі қабылдауын және оны мүмкіндігінше өзінің бейнелеу жұмыстарында қолдана білу машықтарын қалыптастыру болып табылады.

Мақсаты: Бейнелеу өнері арқылы сурет және қолданбалы қолөнер туындылары туралы білім алу, көркемдікті түйсіне білу, оны практикалық біліммен ұштастыру. Оқушылардың шығармашылық қабілетін ояту, ұлттық өнерге талпынысын қалыптастыру.Оқушыларға көркемдік білім беру мен эстетикалық тәрбие,өнер шығармаларын,тарих пен архитектура ескерткіштерін,туған табиғаттың сұлулылығы мен байлығын түсініп,бағалай білу қасиеттерін қалыптастыру.

Міндеттері:

бейнелеу сабақтарында құралдарды пайдалануды көрсету, әдіс-тәсілдерді игерту;

-үйренген жұмыстарын практика жүзінде қолдана білуге ұмтылдыру;

-атақты суретшілердің туындыларымен таныстыра отырып,ой-қиялдарын дамыту;

-ұлттық өнердің сыры мен ерекшелігі жөнінде түсінік беру;

-эстетикалық талғамдар мен үйлесімділік заңдылықтарын сақтауға талпындыру;

-өздігінен қиялындағы образдар мен белгілі бір тақырыптағы бейнелерін қағаз бетіне түсіруге үйрету.

Күтілетін нәтиже:

-бейнелеу өнері сабақтарында құралдарды пайдалануды біледі;

-әдіс-тәсілдерді игереді;

-үйренген жұмыстарын практикада қолдана алады;

-атақты суретшілердің шығармаларын біледі;

-ұлттық өнердің сыры мен ерекшеліктерін түсінеді;

-өздігінен жұмыстарын жандандырып,шығармашылық қабілеттері артады;

-оқушылардың іскерлік дағдылары қалыптасады.

Бағдарламаның мазмұны

Кіріспе. (1 сағат.) Бейнелеу өнері туралы түсінік.

Бейнелеу өнерінің түрлері мен жанрлары. (1 сағ). Оның түрлері мен жанрлары. Қазақ сурет өнеріндегі негізгі жанрлар туралы.

Бейнелеу өнеріндегі түс түрлері.(1 сағ).Жылы және суық түстер жайлы түсінік.Табиғатта жылы және суық түстер ғажайып үйлесім тапқан.

Реңдік бейнелеу.(1сағ).Реңк-бұл бір түстің бірнеше түрге бөлінуі .Бір түстің реңктері бір-біріне ұқсас болатынын түсіндіру.