Жас тәрбиешілерге арналған әдістемелік көмек мақала

Жас тәрбиешілерге көмек.

Алғашқы жұмыс күнінде жаңадан келген маман ұжыммен танысуы керек. Әуелі басшылықпен немесе ұжым жетекшісімен жақынырақ танысып, негізгі міндеттерін анықтап, басын ашып алу керек. Бірге жұмыс істейтін әріптестерінің есімдерін жаттап алып, барлығына ізеттілік білдірген жөн.

Жас тәрбиешінің алғашқы жұмыс күндері өзіне қиын тиері сөзсіз. Балалардың жаңадан келген тәрбиешіге деген алғашқы көзқарастары да көп нәрседен хабардар етеді. Өз осалдығын, шешімсіздігін алғашқы келген сәттен-ақ балалар алдында көрсетіп алса, онда балалар бұл сәтті тез ұстап алады, кейін балаларды басқарып, ұйымдастыру жеңілге соқпайды.

Жас маманға көмекті қалай ұйымдастыруға болады?

Басынан бастап жас маманды тәжірибелі, баланы сүйетін, өз қызметін жете меңгерген педагогтың қасына бағыттап жіберу керек. Бала мен қалай жеке жұмыс жасау керектігін көрсету-көмектің ең жақсы түрі болып саналады. Мұндай жағдайда ешқандай кеңес, әңгіме, түсіндіру көмектеспейді, тек көрсету ғана керек. Балалардың іс-әрекетін өз бетінше тәрбиеші ұйымдастыра алмады, балалар немен шұғылданатынын білмейді, топта тәртіп пен тәрбие орната алмады. Бұл жағдайда әдіскер тәрбиешіге қалай сабақ өткізу керек екенін, қандай ойын ұйымдастыруға болатынын көрсету керек. Балалармен қалай жеке жұмыс жасауға болады, оларға қандай тапсырмалар қажет, сабаққа қажет деген құралдарды даярлау, ойынның алуан түрлілігі; ойын барысында жұп таңдау сияқты мысалдарды көрсету арқылы көмектесе алады.

Әрбір жас маманды тәжірибелі тәлімгерге ізбасар етіп бекіту-жас маманның дұрыс жұмыс жолында болуына көмектеседі, жақсы тәжірибелі тәрбиеші өз көмегін берері сөзсіз. Жас маманның өз ісіне шебер болуы үшін көп ізденісі, еңбексүйгіштігі қажет, мамандық жолы жеңіл емес екенін өзі де түсіне білуі қажет, сондықтан жас маман ұдайы ізденіс үстінде болуы қажет.

«Менімен бірге көптеген жас мамандар жұмыс істеді. Адам неше жерден педагогикалық жоғары оқу орнын бітірседе, неше жерден дарынды болсада, егер ол жақсы тәжірибеден пайда алмаса, ол ешқашан жақсы педагог бола алмайтынына көзім жетті. Мен тәжірибелі педагогтарда оқыдым. А.С.Макаренко.

Жас маман иесі жұмысқа келген сәтте, оның жаңа ұжымға үйренуіне, өзі таңдаған мамандығын жақсы көруіне көмектесу маңызды. Кейбір тәрбиешінің өз ісін меңгере алмай, жұмыс қиындығына…