Жеткіншек және заң тақырыбындағы құқықтық материал

Ш. Уәлиханов атындағы № 1жалпы орта білім беретін мектебі

Жеткіншек және заң

Орындаған: 2 «А» сыныбы

Сынып жетекшісі:Бимахан Г. М

Арқалық қаласы, 2019

Құқық дегеніміз – мемлекет тарапынан заңдастырылған және қорғалатын, жалпыға бірдей міндетті нормалар жүйесі.

Құқықтың ерекшелегі – оның нормалары бұзылған жағдайда кінәлінің заңды жауапқа тартылатындығында. Моральдық тәртіпті бұзғаны үшін адам заңды жауапкершілікке тартылмайды, бірақ көпшіліктің назарына ілігеді, айналасына жағымсыз пікір туғызады.

Біздің елімізде адам құқықтары Ата Заңымыз – Қазақстан Республикасының Конституциясында көрініс тапқан. Ол 9 бөлім, 98 баптан тұрады. Оның екінші бөлімі 30 бабы құқыққа арналған.

«Тәрбиесіз берілген білім адамның қас жауы» деп Әл Фараби айтқандай білім беруде тәрбиенің рөлі зор.Еліміз президенті Н.Ә. Назарбаев өз жолдауында «Болашақ үшін салынған инвестицияның ең тиімділігі бұл жастардың білім алуы үшін салынған инвестиция» деп атап көрсеткен.Бізге мемлекет тегін орта алу, еңбек ету, денсаулық сақтау тағы басқа құқықтарын берді. Сол мүмкіншіліктерімізді тоолық пайдаланып жүрміз бе?

Халқымызда «Досы көпті жау алмайды, ақылы көпті дау алмайды» деген тамаша мақал бар. Ақылды болу айналаңдағы адамдарды сыйлай, қадірлей білу деген сөз. Құқықтық тілмен айтқанда бұл - заңды білу, яғни заңды білген адам өзгелерге құрметпен қарайды. Заңды білмегендіктен заңсыз істер істеп, зардап шегіп, өзін қорғай алмай жүргендерді көптеп кездестіреміз.

«Сен де бір кірпіш дүниеге, кетігін тап та бар қалан» деген Абай атамыздың өсиетіндей, еліміздің болашағын өркендететін азаматтардан болайық!