Жоба әдісі арқылы коммуникативтік құзыреттілікті дамыту

Кадрахунова Мақпал Жапархановна,

№124 жалпы білім беретін мектептің

ағылшын тілі пәнінің мұғалімі

ОҚУШЫЛАРДЫҢ КОММУНИКАТИВТІК ҚҰЗЫРЕТТІЛІГІН ДАМЫТУДАҒЫ ЖОБА ӘДІСІНІҢ МӘН-МАҢЫЗЫ

Коммуникативтік құзыреттілікті қалыптастыруда тиімді әдістердің бірі – жоба әдісі. Себебі, жоба әдісі арқылы қарым-қатынас белсенділігін арттыруға болады. Бірақ, жоба әдісінің мәнін тек қана коммуникативтік қатынастардан құралады деп есептеу оның шеңберін тарылтады, оқушылар диалогын ұйымдастыруда немесе жазбаша қарым-қатынасында шектейтін болады. Оқытудың дәстүрлі жүйесінде оқушылардың өз ойларын еркін білдіруі төмен деңгейде, олардың беретін жауаптары мен күтілетін жауаптарының мазмұны әдетте белгілі болып келеді. Оқушы сол өзінен күтілетін жауапқа ғана дайындалады. Бір жағынан оның тиімділігі – оқушының сөйлеу әрекетін құруы жүйеленеді, белгілі бір ережеге жауап береді және оны бақылауға және бағалауға болатын болса, кемшілігі – оқушыда өз ойын жеткізу мүмкіндігі шектеулі, еркін ойлау мен пікір білдіруге шығармашылық кеңістік жеткілікті бола бермейді. Оқушылар қарым-қатынасы осы жаста өзгере бастайды, олар үшін қарапайым қатынас жеткіліксіз, өйткені, коммуникация арқылы оларда өздерін көрсетуге, дәлелдеуге қажеттілік пайда болады. Жоба әдісінің әрекеті осы қарым-қатынас мәдениетін сапалы дамытуда белгілі бір рөл атқарады.

Жоба әдісінде коммуникацияның екі түрі бар. Олар: қарым-қатынас барысында ауызша және жазбаша сөйлесу; топтық қарым-қатынасқа түсу;

Осы екі түрі тәжірибе барысында бір-бірімен бірігіп кететін болса да, оқушылар жобаны ұйымдастыру және талдау кезеңінде өз бетімен ауызша және жазбаша ойларын білдіре білу дағдыларын меңгеруі қажет. Бұл коммуникативтік құзыреттілік деп аталады.

Коммуникативтік құзыреттілік – мәтінді, белгілі бір ойды түсіну және түсіндіре алу қабілеті. Ол барлық пәндерде де, барлық оқыту кезеңдерінде де көрініс беріп, қалыптасуы қажет.

Коммуникативтік қатынас екі түрде – ауызша және жазбаша түрде қалыптасады, олардың өз алдына ерекшеліктері бар және оны дұрыс қалыптастырудың өзіндік тәсілі мен әдістері бар. Коммуникативтік қатынасты жоба әдісі арқылы дамытудың тиімділігін көрсете отырып, бұл тек осы әрекеттің негізінде ғана жүзеге асырылады деп түсіну қате. Коммуникативтік қатынасты дәстүрлі оқытуда да қалыптастыруға болады. Бұл белгілі бір ақпарат көлеміндегі ғана жұмысты қамтиды. Оқушылар үшін коммуникативтік дағды маңызды рөл атқарады және ол тек…