Жұбан Молдағалиев Мен қазақпын поэмасы 11 сынып ашық сабағы

«Тараз қаласы әкімдігінің білім бөлімінің Әлихан Бөкейханов атындағы №1 гимназиясы» коммуналдық мемлекеттік мекемесі

Тақырыбы:

Жұбан Молдағалиев. «Мен қазақпын!» поэмасы

Пән мұғалімі:

Амирбекова Асия Сагимбаевна

11-сынып. Жаратылыстану-математикалық бағыт

Сабаққа қатысқан

оқушылар саны:

Сабаққа қатыспаған оқушылар саны: -

Оқу бағдарламасына сәйкес оқу мақсаты

Ж.Молдағалиев өмірі, шығармашылығымен танысу. Ақынның «Мен қазақпын!» поэмасына талдау жасау, ақынның азаматтық тұлғасын таныту

Сабақтың міндеттері

Білімділік міндеті: Ж.Молдағалиевтың өнеріндегі асқан дарынын, шеберлігін таныту, оқушылардың поэзия туралы түсініктерін дамыту.

Дамытушылық міндеті: Оқушылардың танымдық қабілетін, өз пікірін, көзқарасын білдіру, талдау дағдыларын дамыту. Тіл байлығын арттыру.

Тәрбиелік міндет: ақын өмірін үлгі ету, поэмадағы ұлттық болмыс пен биік рухты таныта отырып, ұлтжандылыққа тәрбиелеу.

Күтілетін нәтиже:

Барлық оқушылар: Ж. Молдағалиевтың өмірі және шығармашылығымен, «Мен қазақпын!» поэмасының мазмұнымен танысады.

Оқушылардың басым бөлігі: Поэманың мазмұнын талдап, ақынның ойын таратып айтады.

Кейбір оқушылар: «Мен қазақпын!» поэмасының тақырыбы мен идеясын анықтап, жазба жұмысында пікірін, өз ойын дәлелмен жеткізе алады.

Тілдік мақсат

Негізгі сөздер мен сөз тіркестері: лирика -публицистикалық поэма, азаматтық ерлік, саяси идеология.

Талқылауға арналған сұрақтар мен тапсырмалар:

Ақынға поэманы жазуға қандай себеп түрткі болды?

Ақын нені армандады? Ол арман орындалды ма?

«Мен қазақпын!» поэмасы өз кезінде қандай қызмет атқарды?

Жазылым бойынша ұсыныс: Ж. Молдағалиевтің «Мен – қазақпын» поэмасы 1963-1964 жылы жазылған. Ал поэма қазіргі таңда жазылар болса, ақын нені жырлар еді деген ойды талдап, дәлелмен жазу.

Сабақтың типі

Жаңа білімді меңгерту

Сабақтың түрі:

Аралас сабақ

Сабақтың әдістері:

Конверт-сұрақтар, екіжақты түсіндірме күнделігі, дәлелденген эссе, автор орындығы

Алдыңғы оқу

«Мен қазақпын!» поэмасын оқу

Сабақтың барысы

Сабақтың кезеңдері

Жоспарланған жұмыс

Ресурстар

Сабақтың басталуы

(5 мин.)

Мұғалімнің кіріспе сөзі

Мен – қазақпын, биікпін, байтақ елмінҚайта тудым, өмірге қайта келдім.Мен мың да бір тірілдім мәңгі өлмескеАйта бергім келеді, айта бергім!

-Бұл өлең шумақтарын білмейтін қазақ кемде-кем. Шумақтар сендерге де таныс. Оны «Мен қазақпын!» поэмасынан оқығансыңдар. Поэманың мазмұнын талдамас бұрын, осы ғажап туындының авторы Жұбан Молдағалиевтың өмірі мен шығармашылығына шолу жасайық.

(Оқушылар ақынның өмірі мен шығармашылығы туралы мәліметтермен бөліседі).

Конверттегі сұрақтар

«Мен қазақпын!» поэмасында қандай тұлғалар кездеседі?

(Шыңғыс хан, Жошы хан, Асан қайғы , Абылайды, Жәңгірді, хан Кене, Исатай , Махамбет Өтемісұлы, ШоқанУәлиханов , Абай Құнанбаев, Біржан сал, Күләш Бәйсейітова, Сәкен Сейфуллин,Жамбыл Жабаев, Қаныш Сәтбаев, Әлия Молдағұлова, Мәншүк Мәметова, Төлеген Тоқтаров).

Поэмада қандай тарихи оқиғалар аталған?

(Ақтабан шұбырынды, Патшалы Ресейдің қазақ даласын отарлау саясаты, Исатай мен Махамбет бастаған ұлт-азаттық қозғалыс, Кеңес үкіметінің орнауы, қазақ даласында өндіріс-кен орындарының ашылуы, Ұлы Отан соғысы, ғылым жетістіктері).