Жылытқыш құралдар тақырыбына 1 сынып сабақ жоспары

Сабақ тақырыбы:

Табиғат физикасы

Жылытқыш құралдар

Күні :

Мұғалімнің есімі:

СЫНЫП: 1-сынып

Қатысқандар саны:

Қатыспағандар саны:

Оқу мақсаты:

1.5.4.1 жылыту құрылғыларын анықтау

Сабақтың мақсаты:

Барлық оқушылар: жылытуға арналған құралдарды анықтайды;

Оқушылардың басым бөлігі: қоршаған әлемнің құбылыстарын, үдерістерін және нысандарын зерттеудің қажеттілігін түсінеді.

Кейбір оқушылар: жылытқыш құралдардың үй-жайды жылытуға байланысты дәлелдер келтіреді.

Бағалау критерийлері:

жылыту құрылғыларын анықтайды

Тілдік мақсаттар:

жылыту жабдықтары мен құрылғыларын атайды.

электр құралдарының күнделікті өмірдегі қолданысын сипаттайды

электр қуатының адам тұрмысында қажеттілігі туралы айта алады.

Құндылықтарды дарыту

-еңбекқорлық

-ұқыптылық

-қарым-қатынас

Пәнаралық байланыстар

дүниетану – ежелгі адамдардың отты пайдалануы,

сауат ашу – көмір және киіз үй туралы ақпарат беру кезеңдерінде.

АКТ қолдану дағдылары

Оқушылар ізденушілік жұмысын жүргізген кезде пайлдаланады.

Бастапқы білім

Уақыттың не үшін қажет екендігін біледі. Уақытты қалай анықтау керектігін үйренеді.

Сабақ барысы:

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Сабақтың ортасы.

Сабақтың соңы.

(Ұ) Оқушыларды түгендеу, сабаққа әзірлігін тексеру.

-Сәлеметсіздер ме балалар!

Психологиялық сәт:

-Қайырлы таң, көздерім!

-Ояндыңдар ма? (қабақтарын сипайды).

-Қайырлы таң, құлақтарым!

-Ояндыңдар ма? (құлақтарын сипайды).

-Қайырлы таң, қолдарым!

-Ояндыңдар ма?(қолдарымен шапалақтайды).

-Қайырлы таң аяқтарым!

-Ояндыңдар ма?(аяқпен жерді тебу).

-Қайырлы таң, ұстазым!

-Мен ояндым! (күлімсіреп, күнге қолдарын созады).

(Ұ)Тыныштық сәті «Қыс» туарлы видео ролик косету. (2мин)

Бұл қай мезгіл?

Қыста ауа райы қандай болады? (қыста ауа райы суық болады)

Кім қысқы орманда болып көрді? (оқушылар жауабы)

Қысқы орманның ерекшелігі неде? (қыста айнала аппақ қарға бөленеді, аңдар ұйқыда болады)

Онда нені көруге болады?

(Ұ)Суретпен жұмыс.

Балалар суретке назар аударайық, кімдерді көріп тұрмыз. (оқулық,64 бет)

Негеш пен Эврика неге тоңып қалды?(олар орманда)

Олар жылыну үшін не істеді? (от жақты)

Балаларға от жағуға кім көмектесті? (үлкендер көмектесті)

Балалардың өздері отты жағуына бола ма? (жоқ, үлкендердің қадағалауынсыз балаларға оттың қасына жақындауға болмайды, от қауіпті!)

(Ұ)Ақпарат беру.

Ежелгі заманда адамдар жылыну және суықтан қорғану үшін ашық отты пайдаланған. От, алау алғашқы жылытқыш құрал болып есептелген. Адамдар ең алдымен отты пайдалануды, содан кейін ғана отты жағуды үйренген деген болжам бар.

Жетелеуші сұрақ: Сендер қалай ойлайсыңдар, ежелгі адамдар отты қайдан алды?

Аспанда метиориттер бір-бірлерімен қақтығысқаннан ұшқындар пайда болған.Осы ұшқындар найзағай болып жарқырайтын.Ежелгі адамдар найзағай түсіп тұтанған (жанған) ағашты тауып алып пайдаланған.

-Тастарды бір-бірлеріне соққанда ұшқын пайда болды.

Сол оттың негізінде олар жылынды.

-Ал қазіргі уақытта біз от шығару үшін осы заттарды пайдаланамыз ба?

-Жоқ.

-Қазір біз жылы , дайын үйде, бөлмелерде отырмыз.

(Ұ)Оқулықпен жұмыс.

Суретке назар аударайық!

-Негеш пен Эврика не істеп жатыр?

-Олар жылынып тұр.

-Олар жылыну үшін нені пайдаланды? Жылытқыш құралды.

-Қыс мезгілінде үйлерің жылы болды ма? (иә)

-Жылу қайдан келеді? (батареядан)

-Сендер қандай үйде тұрасындар?(көп қабатты)

-Еділ осы көп қабатты үйлерге жылу қалай келетіндігін зерттеп келді.

-Еділдің дайындап келген зерттеуін көрдіңдер,сонымен қалай ойлайсындар көп қабатты үйлер немен жылынады?

-Жылы болу үшін не істейді?

Ақпарат: Көп қабатты үйлерде радиаторлар мен батареялар сияқты жылытқыш құралдарды пайдаланады.

-Кімнің ата-апалары жер үйде тұрады?

-Ерназандың апасы жер үйде тұрады екен, ендеше Ерназардың ізденіп келген материалын көрейік.

-Жер үйлер қалай жылынады екен?

-Пештің көмегімен.

-Пешке не салды?(Пешке көмір, отын салды)

Жетелеуші сұрақ: Ал ауылда, қалада тұратын жер үйлерді адамдар қалай жылытады?

(Кейбір үйлерде, ескі сарайларда адамдар пеш жағып, ошақты пайдаланады)

-Балалар сендер көмір не екенін білесіңдер ме?

- Оқушыларға көмір көрсету.

Көмір турлы ақпарат беру.

Ұзақ уақыт бойына өсімдіктің заттары тығыз сығылғаны соншалықты, жұмсақ қара –қоңыр жынысқа айналады. Көмірді басқа жыныстардың арасынан қабатталып жатқан жерінен табады. Оны терең шахталар мен туннелдерді бұрғылау арқылы немесе ашық әдіспен өндіру деп алатынғ жер бетіне жақын жатқан көмір қабаттарын ашу арқылы өндіреді.

Көмір 350 миллион жыл бұрын пайда болды.

Тас көмір қара, қоңыр түсті, жылтыр, тез сынғыш, қолға жұғатын зат.Қарағанды таскөмір кентін тапқан Апақ Жапақов. Тас көмірден түрлі бояу, сия, түрлі дәрі-дәрмек, түрлі түсті май, жұпар жасалады.

Оқулықпен жұмыс. 1 оқушы дауыстап оқиды.Оқушылар хормен оқиды.

Жылытқыш құралдар деп - жылу беретін және тарататын, үйді жылытып әрі жайлы ететін құралдарды атайды.

«Миға шабуыл»

Ойлану сұрағы: Егер біздің үйлерімізде жылытқыш құралдар болмаса, онда не болар еді?

Сергіту сәті.